ਨਵੀਂ ਦਿੱਲੀ 01 ਫਰਵਰੀ (ਪ੍ਰੈਸ ਕੀ ਤਾਕਤ ਬਿਊਰੋ) : ਕੇਂਦਰੀ ਵਿੱਤ ਅਤੇ ਕਾਰਪੋਰੇਟ ਮਾਮਲੇ ਮੰਤਰੀ ਸ਼੍ਰੀਮਤੀ ਨਿਰਮਲਾ ਸੀਤਾਰਮਣ ਨੇ ਅੱਜ ਸੰਸਦ ਵਿੱਚ ਮਾਲੀ ਵਰੇ 2020-21 ਦਾ ਕੇਂਦਰੀ ਬਜਟ ਪੇਸ਼ ਕਰਦਿਆਂ ਕਿਹਾ , “ਸਾਡੇ ਪ੍ਰਧਾਨ ਮੰਤਰੀ ਨੇ ਜੀਵਨ ਜਿਉਣ ਵਿਚ ਅਸਾਨੀ ਦਾ ਟੀਚਾ ਤੈਅ ਕੀਤਾ ਹੈ ਜਿਸ ਨੂੰ ਸਾਰੇ ਨਾਗਰਿਕਾਂ ਦੇ ਕਲਿਆਣ ਲਈ ਹਾਸਲ ਕੀਤਾ ਜਾਣਾ ਚਾਹੀਦਾ ਹੈ” । ਇਸੇ ਬੈਕਗਰਾਊਂਡ ਵਿੱਚ ਸਾਡੀ ਸਰਕਾਰ ਦੇਸ਼ ਨੂੰ ਅੱਗੇ ਲਿਜਾਣ ਲਈ ਕੰਮ ਕਰੇਗੀ ਤਾਂ ਜੋ ਸਾਡੀ ਸਿਹਤ, ਖੁਸ਼ਹਾਲੀ ਅਤੇ ਕਲਿਆਣ ਦੇ ਅਗਲੇ ਪੱਧਰ ਤੱਕ ਪੰਹੁਚ ਸਕੇ ।
ਸਾਰੇ ਨਾਗਰਿਕਾਂ ਲਈ ਜੀਵਨ ਜਿਉਣ ਵਿੱਚ ਅਸਾਨੀ ਦੇ ਟੀਚੇ ਲਈ ਇਸ ਬਜਟ ਵਿੱਚ 3 ਪ੍ਰਮੁੱਖ ਥੀਮਾਂ ਦਾ ਸਮਾਵੇਸ਼ ਕੀਤਾ ਗਿਆ ਹੈ ।
ਅਕਾਂਸ਼ੀ ਭਾਰਤ- ਇਸ ਤਹਿਤ ਸਮਾਜ ਦੇ ਸਾਰੇ ਵਰਗ ਜੀਵਨ ਦਾ ਬੇਹਤਰ ਪੱਧਰ ਹਾਸਲ ਕਰਨਾ ਚਾਹੁੰਦੇ ਹਨ । ਲੋਕਾਂ ਨੂੰ ਸਿੰਚਾਈ, ਸਿੱਖਿਆ ਅਤੇ ਬੇਹਤਰ ਰੁਜ਼ਗਾਰ ਤੱਕ ਪਹੁੰਚ ਦੀ ਸਹੂਲਤ ਹੋਣੀ ਚਾਹੀਦੀ ਹੈ । ਇਸ ਦੇ ਘਟਕ ਹਨ – ਖੇਤੀ, ਸਿੰਚਾਈ ਅਤੇ ਪੇਂਡੂ ਵਿਕਾਸ; ਆਰੋਗਿਯਾ , ਜਲ ਅਤੇ ਸਵੱਛਤਾ ਤੇ ਸਿੱਖਿਆ ਤੇ ਕੌਸ਼ਲ ।
ਸਾਰਿਆਂ ਲਈ ਆਰਥਿਕ ਵਿਕਾਸ -ਇਹ ਪ੍ਰਧਾਨ ਮੰਤਰੀ ਦੇ ਸਭਕਾ ਸਾਥ, ਸਬਕਾ ਵਿਕਾਸ, ਸਬਕਾ ਵਿਸ਼ਵਾਸ ਨੂੰ ਦਰਸਾਉਂਦਾ ਹੈ । ਇਸ ਤਹਿਤ ਆਰÎਥਿਕ ਸੁਧਾਰ ਕੀਤੇ ਜਾਣਗੇ ਅਤੇ ਨਿੱਜੀ ਖੇਤਰ ਨੂੰ ਮਹੱਤਵਪੂਰਨ ਭੂਮਿਕਾ ਸੌਂਪੀ ਜਾਵੇਗੀ, ਤਾਂ ਜੋ ਉੱਚ ਉਤਪਾਦਕਤਾ ਅਤੇ ਬੇਹਤਰ ਕਾਰਜਕੁਸ਼ਲਤਾ ਯਕੀਨੀ ਹੋ ਸਕੇ । ਇਸ ਦੇ 3 ਘਟਕ ਹਨ- ਉਦਯੋਗ, ਵਣਜ ਅਤੇ ਨਿਵੇਸ਼; ਅਵਸਰੰਚਨਾ ਅਤੇ ਨਵੀਂ ਅਰਥਵਿਵਸਥਾ ।
ਅੰਤੋਦਿਆ ਤੇ ਅਧਾਰਤ ਇਕ ਜ਼ਿੰਮੇਦਾਰ ਸਮਾਜ- ਸਮਾਜ ਜਿਹੜਾ ਮਨੁੱਖਤਾ ਅਤੇ ਕਰੁਣਾ ਦੀ ਭਾਵਨਾ ਨਾਲ ਓਤ-ਪਰੋਤ ਹੋਵੇ । ਇਸ ਦੇ 3 ਘਟਕ ਹਨ – ਮਹਿਲਾ ਤੇ ਬਾਲ, ਸਮਾਜਿਕ ਕਲਿਆਣ ; ਸੰਸਕ੍ਰਿਤੀ ਤੇ ਸੈਰਸਪਾਟਾ ਅਤੇ ਵਾਤਾਵਰਣ ਤੇ ਜਲਵਾਯੂ ਪਰਿਵਰਤਨ ਇਨਾਂ 3 ਵਿਸ਼ਿਆਂ (ਥੀਮ ) ਨੂੰ ਭ੍ਰਿਸ਼ਟਾਚਾਰ ਮੁਕਤ ਨੀਤੀ ਅਧਾਰਤ ਚੰਗੇ ਪ੍ਰਸ਼ਾਸਨ ਅਤੇ ਮਜ਼ਬੂਤ ਵਿੱਤੀ ਖੇਤਰ ਨਾਲ ਜੋੜਿਆ ਗਿਆ ਹੈ । ਵਿੱਤ ਮੰਤਰੀ ਨੇ ਅੱਗੇ ਕਿਹਾ ਕਿ ਇਹ ਬਜਟ 2 ਪ੍ਰਮੁੱਖ ਤੱਥਾਂ ਦੀ ਬੈਕਗਰਾਊਂਡ ਵਿੱਚ ਪੇਸ਼ ਕੀਤਾ ਗਿਆ ਹੈ । ਪਹਿਲਾ ਮਸ਼ੀਨ ਲਰਨਿੰਗ, ਰੋਬੋਟਿਕਸ, ਏਆਈ, ਐਨਾਲਿਟਿਕਸ, ਬਾਇਓ -ਇਨਫੋਰਮੈਟਿਕਸ ਵਰਗੀਆਂ ਤਕਨੀਕਾਂ ਦੇ ਪ੍ਰਸਾਰ ਨਾਲ ਸਬੰਧਤ ਹੈ , ਜਦ ਕਿ ਦੂਜਾ ਉਤਪਾਦਨ ਆਯੂ ਸੀਮਾ ਵਾਲੀ ਅਬਾਦੀ (15-65 ਸਾਲ) ਨਾਲ ਜੁੜਿਆ ਹੋਇਆ ਹੈ । ਇਸ ਵਜੋਂ ਡਿਜੀਟਲ ਕ੍ਰਾਂਤੀ ਨੇ ਭਾਰਤ ਨੂੰ ਦੁਨੀਆ ਪੱਧਰ ਤੇ ਅਗਵਾਈ ਦੀ ਭੂਮਿਕਾ ਸੌਂਪੀ ਹੈ । ਸਰਕਾਰ ਦਾ ਟੀਚਾ ਹੈ:
ਡਿਜੀਟਲ ਪ੍ਰਸ਼ਾਸਨ ਰਾਹੀਂ ਸੇਵਾਵਾਂ ਨੂੰ ਲਗਾਤਾਰ ਉਪਲਬੱਧ ਕਰਾਉਣਾ
ਰਾਸ਼ਟਰੀ ਅਵਸਰੰਚਨਾ, ਪਾਈਪ ਲਾਈਨ ਰਾਹੀਂ ਜੀਵਨ ਦੇ ਭੌਤਿਕ ਗੁਣਵੱਤਾ ਨੂੰ ਬੇਹਤਰ ਬਣਾਉਣਾ ਆਪਦਾਰੋਧੀ ਉਪਾਵਾਂ ਰਾਹੀਂ ਰਿਸਕ ਨੂੰ ਘਟਾਉਣਾ
ਪੈਨਸ਼ਨ ਅਤੇ ਬੀਮਾ ਰਾਹੀਂ ਸਮਾਜਿਕ ਸੁਰੱਖਿਆ ਨੂੰ ਉਤਸ਼ਾਹ ਦੇਣਾ
ਵਿੱਤ ਮੰਤਰੀ ਨੇ ਕਿਹਾ ਕਿ ਕੇਂਦਰੀ ਬਜਟ 2020-21 ਖੇਤੀ, ਅਵਸਰੰਚਨਾ, ਸਮਾਜਿਕ ਕਲਿਆਣ , ਸਿੱਖਿਆ ਅਤੇ ਸਿਹਤ ਦੇ ਖੇਤਰ ਵਿੱਚ ਪੂੰਜੀਕਾਰੀ ਵਧਾਉਣ ਦੀ ਸਰਕਾਰ ਦੀ ਪ੍ਰਤੀਬੱਧਤਾ ਨੂੰ ਦਰਸਾਉਂਦਾ ਹੈ । ਉਨਾਂ ਕਿਹਾ ਕਿ ਸੰਸ਼ੋਧਿਤ ਅਨੁਮਾਨ 2019-20 ਤੋਂ ਖਰਚ ਵਿੱਚ 3, 43, 678 ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ ,ਜਦ ਕਿ ਵਿੱਤੀ ਘਾਟੇ ਨੂੰ ਜੀ ਡੀ ਪੀ ਦੇ 3.8 ਫੀਸਦ ਤੱਕ ਸੀਮਤ ਰੱਖਿਆ ਗਿਆ ਹੈ ।
