ਐਪਲ ਨੇ ਤੋੜੇ ਸਾਰੇ ਰਿਕਾਰਡ,ਬਣੀ 3 ਲੱਖ ਕਰੋੜ ਡਾਲਰ ਦੀ ਕੰਪਨੀ

ਨਵੀਂ ਦਿੱਲੀ 1 ਜੁਲਾਈ (ਪ੍ਰੈਸ ਕਿ ਤਾਕਤ ਬਿਊਰੋ) – ਆਈਫੋਨ ਬਣਾਉਣ ਵਾਲੀ ਕੰਪਨੀ ਐਪਲ ਦੇ ਸ਼ੇਅਰ ਨੇ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ। ਇਸ ਦਾ ਸ਼ੇਅਰ ਸਭ ਤੋਂ ਉੱਚ ਸਿਖਰ ’ਤੇ ਪੁੱਜ ਗਿਆ ਹੈ। ਸ਼ੁੱਕਰਵਾਰ ਨੂੰ ਅਮਰੀਕੀ ਬਾਜ਼ਾਰ ਖੁੱਲ੍ਹਦੇ ਹੀ ਐਪਲ ਦਾ ਮਾਰਕੀਟ ਕੈਪ 3 ਲੱਖ ਕਰੋੜ ਡਾਲਰ ਅਮਰੀਕੀ ਡਾਲਰ (ਕਰੀਬ 246 ਲੱਖ ਕਰੋੜ ਰੁਪਏ) ਤੋਂ ਪਾਰ ਪੁੱਜ ਗਿਆ ਹੈ। ਐਪਲ ਦੇ ਸ਼ੇਅਰ ਲਗਭਗ 1 ਫ਼ੀਸਦੀ ਚੜ੍ਹ ਕੇ ਨਵੀਂ ਉਚਾਈ ’ਤੇ ਪੁੱਜ ਗਏ ਹਨ। ਅਜਿਹਾ ਪਹਿਲੀ ਵਾਰ ਹੋਇਆ ਹੈ ਕਿ ਸ਼ੇਅਰ ਨੇ 190.73 ਡਾਲਰ ਦੀ ਕੀਮਤ ਨੂੰ ਪਾਰ ਕਰ ਲਿਆ।