RelatedPosts
ਰਾਜਪੁਰਾ 16 ਜੁਲਾਈ (ਮੋਹਨ): ਪੈਪਸੂ ਰੋਡ ਟਰਾਂਸਪੋਰਟ ਕਾਰਪੋਰੇਸ਼ਨ ਪਟਿਆਲਾ ਨੇ ਅੱਜ ਸਰਕਾਰੀਆਈ.ਟੀ.ਆਈ ਰਾਜਪੁਰਾ ਨਾਲ ਇੱਕ ਸਮਝੌਤਾ ਸਹੀਬੰਦ ਕੀਤਾ ਹੈ। ਇਸ ਬਾਰੇ ਜਾਣਕਾਰੀ ਦਿੰਦਿਆ ਪੀ.ਆਰ.ਟੀ.ਸੀ ਦੇ ਚੇਅਰਮੈਨ ਸ੍ਰੀ ਕੇ.ਕੇ ਸ਼ਰਮਾ ਦੱਸਿਆ ਕਿ ਇਸ ਸਮਝੌਤੇ ਅਨੁਸਾਰ ਸਿਖਿਆਰਥੀਆਂ ਦੇ ਉਜਵੱਲ ਭਵਿੱਖ ਨੂੰ ਦੇਖਦੇ ਹੋਏ ਮੋਟਰ ਮਕੈਨਿਕ, ਡੀਜਲ ਮਕੈਨਿਕ ਅਤੇ ਵੈਲਡਰ ਟਰੇਡ ਦੇ ਸਿਖਿਆਰਥੀ ਪੀਆਰਟੀਸੀ ‘ਚ ਪ੍ਰੈਕਟੀਕਲ ਟ੍ਰੇਨਿੰਗ ਕਰਨਗੇ ਅਤੇ ਥਿਊਰੀ ਵਾਲਾ ਹਿੱਸਾ ਆਈ.ਟੀ.ਆਈ. ਵੱਲੋਂ ਕਰਵਾਇਆ ਜਾਵੇਗਾ।
ਚੇਅਰਮੈਨ ਸ੍ਰੀ ਸ਼ਰਮਾ ਨੇ ਦੱਸਿਆ ਕਿ ਡਾਇਰੈਕਟਰ ਜਨਰਲ ਟ੍ਰੇਨਿੰਗ (ਭਾਰਤ ਸਰਕਾਰ) ਵੱਲੋਂ ਪਿਛਲੇ ਸਮੇਂ ਵਿੱਚ ਸਨਅਤਾਂ ਦੀ ਮੰਗ ਨੂੰਦੇਖਦੇ ਹੋਏ ਦੇਸ਼ ਦੀਆਂ ਉਦਯੋਗਿਕ ਸਿਖਲਾਈ ਸੰਸਥਾਵਾਂ ਦੇ ਸਿਖਿਆਰਥੀਆਂ ਦੀ ਟ੍ਰੇਨਿੰਗ ਸਿੱਧੇ ਤੌਰ ‘ਤੇ ਉਦਯੋਗਾਂ ਵਿੱਚ ਕਰਵਾਉਣ ਲਈ ਇੱਕ ਸਕੀਮ ਸ਼ੁਰੂ ਕੀਤੀ ਹੈ, ਜਿਸ ਦਾ ਨਾਂ ਡਿਊਲ ਟ੍ਰੇਨਿੰਗ ਸਿਸਟਮ ਹੈ।
ਐਮ.ਡੀ. ਸ. ਜਸਕਰਨ ਸਿੰਘ ਨੇ ਦੱਸਿਆ ਕਿ ਅਜਿਹਾ ਇੱਕ ਸਮਝੌਤਾ ਪਹਿਲਾਂ ਵੀ ਸਰਕਾਰੀ ਆਈ.ਟੀ.ਆਈ ਪਟਿਆਲਾ ਨਾਲ ਕੀਤਾ ਗਿਆ ਹੈ ਅਤ ਉਹ ਪੰਜਾਬ ਵਿੱਚ ਬਾਕੀ ਥਾਵਾਂ ‘ਤੇ ਵੀ ਆਈ.ਟੀ.ਆਈਜ਼ ਨਾਲ ਮਿਲ ਕੇ ਇਹ ਟ੍ਰੇਨਿੰਗ ਸ਼ੁਰੂ ਕਰਨ ਲਈ ਯਤਨਸ਼ੀਲ ਹਨ ਅਤੇ ਅਜਿਹਾ ਹੋਣ ਨਾਲ ਸਿਖਿਆਰਥੀ ਉਦਯੋਗਾਂ ਦੀ ਮੰਗ ਅਨੁਸਾਰ ਸਕਿੱਲ ਹਾਸਲ ਕਰ ਸਕਣਗੇ ਅਤੇ ਉਨ੍ਹਾਂ ਲਈ ਰੋਜਗਾਰ ਦੇ ਮੌਕੇ ਵੀ ਵਧਣਗੇ। ਉਨ੍ਹਾਂ ਕਿਹਾ ਕਿ ਪੀ.ਆਰ.ਟੀ.ਸੀ. ਵੱਲੋਂ ਆਉਣ ਵਾਲੇ ਸਮੇਂ ਵਿੱਚ ਇਲਾਕੇ ਦੀਆਂ ਪ੍ਰਮੁੱਖ ਸਨਅਤਾਂ ਨਾਲ ਮੈਮੋਰੰਡਮ ਆਫ ਅੰਡਰਸਟੈਂਡਿੰਗ ਸਾਈਨ ਕੀਤੇ ਜਾਣਗੇ।
ਇਸ ਮੌਕੇ ਪੀ.ਆਰ.ਟੀ.ਸੀ.ਦੇ ਸਰਹਿੰਦੀ ਗੇਟ ਸਥਿਤੀ ਡਿਪੂ ਦੇ ਜਨਰਲ ਮੈਨੇਜਰ ਸ੍ਰੀ ਜਤਿੰਦਰਪਾਲ ਸਿੰਘ ਗਰੇਵਾਲ, ਸਰਕਾਰੀ ਆਈ.ਟੀ.ਆਈ ਦੇ ਸੰਸਥਾ ਮੁਖੀ ਤੇ ਨੋਡਲ ਅਫ਼ਸਰ ਸ੍ਰੀ ਵੀ.ਕੇ. ਬਾਂਸਲ, ਆਈ.ਟੀ.ਆਈ ਰਾਜੁਪਰਾ ਦੇ ਪ੍ਰਿਸੀਪਲ ਸ੍ਰੀਮਤੀ ਦੀਪਾਲੀ, ਜੀ.ਆਈ. ਦਵਿੰਦਰ ਸਿੰਘ ਤੋਂ ਇਲਾਵਾ ਪੀ.ਆਰ.ਟੀ.ਸੀ. ਦੇ ਅਫਸਰ ਅਤੇ ਸਟਾਫ ਮੌਜੂਦ ਸੀ।
