ਹਵਾ ਵਿਚਲੇ ਪ੍ਰਦੂਸ਼ਨ ਦੇ ਸਿਹਤ ਅਤੇ ਵਾਤਾਵਰਣ ਦੀ ਥੀਮ *ਤੇ ਬਚਿੱਆਂ ਨੂੰ ਕੀਤਾ ਜਾਗਰੂਕ

ਪਟਿਆਲਾ 19 ਫਰਵਰੀ (ਪ੍ਰੈਸ ਕੀ ਤਾਕਤ ਬਿਊਰੋ) : – ਕਸਬਾ ਘਨੋਰ ਦੇ ਪਿੰਡ ਜਲਾਲਪੁਰ ਵਿਚ ਐਸੋਚੈਮ ਫਾਊਡੇਸ਼ਨ, ਰੇਕੀਟ ਬੇਨਕੀਸਰ ਅਤੇ ਡਿਟੋਲ ਸਿਟੀ ਸ਼ੀਲਡ ਵਲੋਂ ਹਰ ਸਾਂਸ ਸਵੱਚਛ ਮੁਹਿੰਮ ਦੇ ਤਹਿਤ ਸਰਕਾਰੀ ਮਿਡਲ ਸਕੂਲ ਜਲਾਲਪੁਰ ਦੇ ਵਿਦਿਆਰਥੀਆਂ ਵਿਚ ਹਵਾ ਵਿਚਲੇ ਪ੍ਰਦੂਸ਼ਨ ਦੇ ਸਿਹਤ ਅਤੇ ਵਾਤਾਵਰਣ ਦੀ ਥੀਮ *ਤੇ ਡਰਾਇੰਗ, ਸਲੋਗਨ, ਕਵਿਤਾ ਕੰਪੀਟੀਸ਼ਨ ਕਰਵਾਏ ਗਏ ਜਿਸ ਵਿਚ 250 ਵਿਦਿਆਰਥੀਆਂ ਨੇ ਭਾਗ ਲਿਆ ਜਿਸਤੋਂ ਬਾਅਦ 350 ਵਿਦਿਆਰਥੀਆਂ ਨੇ ਹਰ ਸਾਂਸ ਸਵੱਚਛ ਲਈ ਵਰਕਸ਼ਾਪ ਵਿਚ ਵੀ ਭਾਗ ਲਿਆ.
ਉੱਥੇ ਹੀ ਐਸੋਚੈਮ ਦੀ ਟੀਮ ਨੇ ਇਕ ਨਾਟਕ ਕਰਕੇ ਪ੍ਰਦੂਸ਼ਣ ਦੇ ਸਿਹਤ ਉੱਤੇ ਪੈ ਰਹੇ ਮਾੜੇ ਪ੍ਰਭਾਵਾਂ ਬਾਰੇ ਜਾਣਕਾਰੀ ਦਿੱਤੀ.
ਇਸ ਮੋਕੇ ਐਸ ਓ ਚੈਮ ਫਾਊਡੇਸ਼ਨ ਦੇ ਪੋ੍ਰਜਕੇਟ ਕੋਆਰਡੀਨੇਟਰ ਰਣਜੀਤ ਕੁਮਾਰ ਨੇ ਕਿਹਾ ਕਿ ਉਹ ਅਜੇ ਤੱਕ 125 ਤੋਂ ਵੱਧ ਪਿੰਡਾਂ ਵਿਚ ਮੁਫਤ ਚੈਕ ਅਪ ਕੈਂਪ, ਹਰ ਸਾਂਸ ਸਵਚੱਛ ਬਨਾਉਣ ਲਈ ਸੈਮੀਨਾਰ, ਨਾਟਕ, ਰੈਲੀਆਂ ਕੱਢ ਚੁਕੇ ਹਨ. ਉਹਨਾਂ ਕਿਹਾ ਕਿ ਅੱਜ ਡਾਕਟਰਾਂ ਦਾ ਕਾਰੋਬਾਰ ਤੇਜੀ ਨਾਲ ਵੱਧ ਰਿਹਾ ਹੈ ਅਤੇ ਸਿਹਤ ਦਾ ਮਿਆਰ ਘੱਟ ਰਿਹਾ ਹੈ. ਅੱਜ ਮਨੁੱਖ ਬੀਮਾਰ ਹੈ, ਡਾਕਟਰਾਂ ਦੇ ਚੱਕਰ ਵਿਚ ਫਸਿਆ ਹੋਇਆ ਹੈ, ਜੇਕਰ ਵਿਅਕਤੀ ਸਿਹਤਮੰਦ ਹੋਣਾ ਚਾਹੰੁਦਾ ਹੈ ਤਾਂ ਉਸਨੂੰ ਆਪਣਾ ਦੁਆਲਾ ਸਾਫ ਸੁਧਰਾ ਰਖਣਾ ਪਵੇਗਾ, ਆਬੋ ਹਵਾ ਪ੍ਰਦੂਸ਼ਣ ਮੁਕਤ ਰਖਣੀ ਪਵੇਗੀ.
ਇਸ ਮੋਕੇ ਜਿਲਾ ਪਰਿਸ਼ਦ ਮੈਂਬਰ ਗਗਨਦੀਪ ਸਿੰਘ ਜ਼ੋਲੀ, ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਦੇ ਪਿੰ੍ਰਸੀਪਲ ਡਾ. ਰਜਨੀਸ਼ ਗੁਪਤਾ, ਸਮਾਜ ਸੇਵਾ ਮਹਿਕਮੇ ਵਲੋਂ ਡਾ. ਜਗਮੋਹਨ, ਭੁਪਿੰਦਰ ਕੋਰ ਸਰਪੰਚ ਪਿੰਡ ਜਲਾਲਪੁਰ, ਡਾ. ਅਨੀਸ਼ ਕੋਸ਼ਿਕ, ਏ ਐਮ ਓ ਪੀ ਐਚ ਸੀ ਕੋਲੀ, ਬਬਲੀ ਜਿੰਦਲ, ਇੰਚਾਰਜ ਸਰਕਾਰੀ ਮਿਡਲ ਸਕੂਲ ਜਲਾਲਪੁਰ, ਆਂਚਲ ਸਿੰਗਲਾ ਮੈਨੇਜਰ ਸਟੈਟ ਬੈਂਕ ਆਫ ਇੰਡੀਆ ਪਿੰਡ ਜਲਾਲਪੁਰ ਤੋਂ ਇਲਾਵਾ ਜਤਿੰਦਰ ਹਰਨਾਥ ਸਿੰਘ ਮੈਂਬਰ ਪੰਚਾਇਤ ਪਿੰਡ ਜਲਾਲਪੁਰ ਨੇ ਵਿਚ ਹਵਾ ਵਿਚ ਫੈਲ ਰਹੇ ਪ੍ਰਦੂਸ਼ਣ *ਤੇ ਬਚਿੱਆਂ ਨੂੰ ਸੰਬੋਧਤ ਕੀਤਾ.
ਐਸੋਚੈਮ ਫਾਊਡੇਸ਼ਨ, ਰੇਕੀਟ ਬੇਨਕੀਸਰ ਅਤੇ ਡਿਟੋਲ ਸਿਟੀ ਸ਼ੀਲਡ ਨੇ ਪਹਿਲੇ ਦੂਜੇ ਅਤੇ ਤੀਜੇ ਨੰਬਰ *ਤੇ ਆਏ ਜੇਤੂ ਵਿਦਿਆਰਥੀਆਂ ਨੂੰ ਸਰਟੀਫਿਕੇਟ ਦਿੱਤੇ ਅਤੇ ਮਹਿਮਾਨਾਂ ਨੂੰ ਬੂਟੇ ਦੇ ਕੇ ਸਾਫ ਸੁੱਧਰੇ ਵਾਤਾਵਰਣ ਲਈ ਪ੍ਰੇਰਿਆ.