ਲੰਡਨ, 17 ਫਰਵਰੀ (ਪੈ੍ਰਸ ਕੀ ਤਾਕਤ ਬਿਊਰੋ) : – ਵਿਸ਼ਵ ਭਰ ‘ਚ ਪੱਤਰਕਾਰੀ ‘ਚ ਭਰੋਸੇਯੋਗਤਾ ਬਣਾਉਣ ਵਾਲੀ ਬਰਤਾਨੀਆ ਦੀ ਕੰਪਨੀ ਬੀ. ਬੀ. ਸੀ. ‘ਤੇ ਜਲਦੀ ਕਿਸੇ ਵਿੱਤੀ ਸੰਕਟ ਆਉਣ ਦੀਆਂ ਸੰਭਾਵਨਾਵਾਂ ਨਜ਼ਰ ਆ ਰਹੀਆਂ ਹਨ | ਕੀ ਅਜਿਹਾ ਹੋਣ ਨਾਲ ਕਈ ਰੇਡੀਓ ਸਟੇਸ਼ਨ/ਟੀ. ਵੀ./ਵੈੱਬਸਾਈਟਾਂ ਦੇ ਵਿਕ ਜਾਣ ਜਾਂ ਬੰਦ ਹੋਣ ਦਾ ਖ਼ਤਰਾ ਹੈ? ਇਹ ਸਵਾਲ ਬਰਤਾਨੀਆ ਸਰਕਾਰ ਵਲੋਂ ਬੀ. ਬੀ. ਸੀ. ਲਾਇਸੰਸ ਫ਼ੀਸ ਖ਼ਤਮ ਕੀਤੇ ਜਾਣ ਦੀ ਪ੍ਰਕਿਰਿਆ ‘ਤੇ ਚੱਲ ਰਹੀ ਵਿਚਾਰ ਤੋਂ ਬਾਅਦ ਉੱਠਿਆ ਹੈ | ਖ਼ਬਰਾਂ ਅਨੁਸਾਰ ਬਰਤਾਨੀਆ ਸਰਕਾਰ ਵਲੋਂ ਟੀ. ਵੀ. ਲਾਇਸੰਸ ਫ਼ੀਸ ਖ਼ਤਮ ਕਰਨ ਦੀ ਯੋਜਨਾ ਤਿਆਰ ਕੀਤੀ ਜਾ ਰਹੀ ਹੈ, ਪਰ ਇਸ ਨੂੰ ਚਲਾਉਣ ਲਈ ਸਬਸਕਿ੍ਪਸ਼ਨ ‘ਚ ਤਬਦੀਲ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ | ਜੇ ਅਜਿਹਾ ਕੀਤਾ ਜਾਂਦਾ ਹੈ ਤਾਂ ਖ਼ਰਚੇ ਘਟਾਉਣ ਲਈ ਕਈ ਬੀ. ਬੀ. ਸੀ. ਟੈਲੀਵਿਜ਼ਨ ਚੈਨਲ ਘਟਾਉਣੇ ਪੈਣਗੇ | ਜਦਕਿ ਹੁਣ ਵਿਸ਼ਵ ਭਰ ‘ਚ ਬੀ. ਬੀ. ਸੀ. ਵਲੋਂ ਵੱਖ-ਵੱਖ ਭਸ਼ਾਵਾਂ ‘ਚ ਟੀ. ਵੀ., ਰੇਡੀਓ ਅਤੇ ਵੈੱਬਸਾਈਟਾਂ ਚਲਾਈਆਂ ਜਾ ਰਹੀਆਂ ਹਨ | ਪ੍ਰਧਾਨ ਮੰਤਰੀ ਦਫ਼ਤਰ ਅਤੇ ਕਾਰਪੋਰੇਸ਼ਨ ਵਿਚਕਾਰ ਚੱਲ ਰਹੀ ਜੰਗ ਦੌਰਾਨ ਵੇਖਣ ਨੂੰ ਮਿਲਿਆ ਕਿ ਬਹੁਤ ਸਾਰੇ ਟੋਰੀ ਪਿਛਲੀਆਂ ਆਮ ਚੋਣਾਂ ‘ਚ ਕਵਰੇਜ ਨੂੰ ਲੈ ਕੇ ਗ਼ੁੱਸੇ ‘ਚ ਹਨ, ਜਦਕਿ ਸਰਕਾਰ ਦੇ ਇਕ ਸੂਤਰ ਨੇ ਕਿਹਾ ਹੈ ਕਿ ਅਸੀਂ ਲਾਇਸੰਸ ਫ਼ੀਸ ਦਾ ਵਿਰੋਧ ਨਹੀਂ ਕਰ ਰਹੇ, ਅਸੀਂ ਇਸ ਨੂੰ ਸਬਸਕਿ੍ਪਸ਼ਨ ‘ਚ ਬਦਲਣ ਲਈ ਵਿਚਾਰ ਕਰ ਰਹੇ ਹਾਂ | ਪਰ ਪ੍ਰਧਾਨ ਮੰਤਰੀ ਦਫ਼ਤਰ ਵਲੋਂ ਸਿੱਧੇ ਤੌਰ ‘ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਗਈ |
ਪੱਤਰਕਾਰੀ ਦੇ ਖੇਤਰ ‘ਚ ਬੀ. ਬੀ. ਸੀ. ਨੂੰ ਹੋ ਸਕਦੈ ਵਿੱਤੀ ਸੰਕਟ
