ਇਲੀਟ ਕਲੱਬ ਪਟਿਆਲਾ ਵੱਲੋਂ ਕ੍ਰਿਸਮਿਸ ਦਾ ਤਿਉਹਾਰ ਮਨਾਇਆ ਗਿਆ।

(ਪ੍ਰੈਸ ਕੀ ਤਾਕਤ ਬਿਊਰੋ):ਇਲੀਟ ਕਲੱਬ ਪਟਿਆਲਾ ਵੱਲੋਂ ਕ੍ਰਿਸਮਿਸ ਦਾ ਤਿਉਹਾਰ ਮਨਾਇਆ ਗਿਆ। ਕਰੋਨਾ ਕਾਲ ਦੇ ਇਸ ਕਠਿਨ ਸਮੇਂ ਵਿੱਚ ਇਹ ਤਿਉਹਾਰ ਵੱਖ—ਵੱਖ ਗਤੀਵਿਧੀਆਂ ਦਾ ਆਯੋਜਨ ਕਰਕੇ ਮਨਾਇਆ ਗਿਆ। ਇਨ੍ਹਾਂ ਗਤੀਵਿਧੀਆਂ ਵਿੱਚ ਕ੍ਰਿਸਮਿਸ ਟਰੀ ਦੀ ਸਜਾਵਟ, ਕ੍ਰਿਸਮਿਸ ਕਾਰਡ, ਕ੍ਰਿਸਮਿਸ ਬੈਲਜ਼ ਆਦਿ ਪ੍ਰਮੁੱਖ ਸੀ। ਬੱਚਿਆਂ ਲਈ ਵੀ ਖੇਡਾਂ ਦਾ ਪ੍ਰਬੰਧ ਕੀਤਾ ਗਿਆ। ਇਸ ਅਵਸਰ ਵਿੱਚ ਬੱਚਿਆਂ ਨੂੰ ਪ੍ਰਭੂ ਈਸਾ ਮਸੀਹ ਦੇ ਜਨਮ ਅਤੇ ਸੈਂਟਾ ਕਲਾਜ਼ ਬਾਰੇ ਵੀ ਦੱਸਿਆ ਗਿਆ। ਜਿਵੇਂ ਕਿ ਸਾਨੂੰ ਸਭ ਨੂੰ ਪਤਾ ਹੈ ਕਿ ਇਹ ਦਿਨ ਛੋਟੇ ਸਾਹਿਬਜ਼ਾਦਿਆਂ ਜੀ ਦੇ ਸ਼ਹੀਦੀ ਦਿਹਾੜੇ ਦੇ ਹਨ ਉਨ੍ਹਾਂ ਦੇ ਇਤਿਹਾਸ ਬਾਰੇ ਵੀ ਦੱਸਿਆ ਗਿਆ। ਇਲੀਟ ਕਲੱਬ ਦੇ ਮੈਂਬਰਾਂ ਦੀ ਕੋਸ਼ਿਸ਼ ਹਮੇਸ਼ਾ ਇਹੀ ਹੁੰਦੀ ਹੈ ਕਿ ਜਾਤ—ਪਾਤ ਅਤੇ ਧਰਮਾਂ ਦੇ ਸਾਰੇ ਭੇਦ—ਭਾਗ ਛੱਡ ਕੇ ਹਰ ਤਿਉਹਾਰ ਨੂੰ ਮਨਾਇਆ ਜਾਵੇ। ਕਿਉਂਕਿ ਸਾਰੇ ਤਿਉਹਾਰ ਆਪਸੀ ਪਿਆਰ ਅਤੇ ਸ਼ਾਂਤੀ ਦਾ ਸੰਦੇਸ਼ ਲੈ ਕੇ ਆਉਂਦੇ ਹਨ।
ਇਸ ਮੌਕੇ ਕਲੱਬ ਦੀ ਤਰਫ਼ ਤੋਂ ਮਨੋਰੰਜਨ ਗੇਮਾਂ ਵੀ ਖਿਡਾਈਆਂ ਗਈਆਂ। ਕਲੱਬ ਦੇ ਮੈਂਬਰਾਂ ਵੱਲੋਂ ਦੇਸ਼ ਵਾਸੀਆਂ ਨੂੰ ਕ੍ਰਿਸਮਿਸ ਅਤੇ ਨਵੇਂ ਸਾਲ ਦੀ ਵਧਾਈ ਦਿੱਤੀ ਗਈ ਕਿ ਆਉਣ ਵਾਲਾ ਸਾਲ ਸਾਰਿਆਂ ਲਈ ਖੁਸ਼ੀਆਂ ਲੈ ਕੇ ਆਵੇ। ਨਾਲ ਹੀ 2021 ਦਾ ਕੈਲੰਡਰ ਵੀ ਲਾਂਚ ਕੀਤਾ ਗਿਆ। ਇਸ ਸਾਲ ਦੀ ਵਿੰਟਰ ਕੁਈਨ ਸੁਖਵਿੰਦਰ ਕੌਰ ਬਣੀ। ਫਸਟ ਰਨਰ ਰਿਤੂ ਬਸੀ, ਦੂਜੀ ਰਨਰ ਜੋਤੀ ਸੂਰੀ ਬਣੀ। ਬਰਾਂਡ ਐਬੈਸਡਰ ਰੁਚੀ ਨਰੂਲਾ ਅਤੇ ਮੇਘਨਾ ਚੋਪੜਾ ਬਣੀ। ਇਲੀਟ ਫੇਸ ਆਫ ਇੰਡੀਆ ਗੁਰਬਲ ਕੌਰ ਬਣੀ। ਜੱਜਮੈਂਟ ਦੀ ਭੂਮਿਕਾ ਮੈਡਮ ਸੁਨੀਤਾ ਧੀਰ ਅਤੇ ਡਾ. ਮੰਜਰੀ ਤੇਜ਼ਪਾਲ ਵੱਲੋਂ ਕੀਤੀ ਗਈ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਲੱਬ ਦੀ ਪ੍ਰਧਾਨ ਡਾ. ਗੁਨਪ੍ਰੀਤ ਕਾਹਲੋਂ ਕੋਹਲੀ ਨੇ ਦੱਸਿਆ ਕਿ ਸਾਡਾ ਕਲੱਬ ਸਰਕਾਰ ਦੁਆਰਾ ਦਿੱਤੀਆਂ ਹਦਾਇਤਾਂ ਦੀ ਪਾਲਣਾ ਕਰਦੇ ਹੋਏ ਅੱਗੇ ਵੀ ਪ੍ਰੋਗਰਾਮ ਕਰਵਾਉਂਦਾ ਰਹੇਗਾ। ਇਸ ਮੌਕੇ ਕਲੱਬ ਦੇ ਸਾਰੇ ਮੈਂਬਰ ਰਾਖੀ ਖੁਰਾਨਾ, ਪਰਮਜੀਤ, ਸੁਖਵਿੰਦਰ, ਮਿਲੀ, ਮਮਤਾ, ਸਿੰਪਿਕਾ, ਰਿਤੂ, ਹਰਮਿੰਦਰ, ਦੀਕਸ਼ਾ, ਕਵਿਤਾ, ਜਸਪ੍ਰੀਤ, ਸੁਮਨ, ਜੂਹੀ, ਮੋਨਾ ਆਦਿ ਸ਼ਾਮਿਲ ਸਨ।
ਜਾਰੀ ਕਰਤਾ