ਮੁੱਖ ਮੰਤਰੀ ਨੇ ਪਿੰਡ ਲਈ 8 ਕਰੋੜ ਰੁਪਏ ਦੇ ਵਿਕਾਸ ਕੰਮਾਂ ਨੂੰ ਦਿੱਤੀ ਮੰਜੂਰੀ
ਪ੍ਰੋਗ੍ਰਾਮ ਦੌਰਾਨ ਦਿਵਆਂਗਜਨਾਂ ਨੂੰ ਵੰਡ ਕੀਤੀਆਂ ਵਹੀਲ ਚੇਅਰ
ਚੰਡੀਗੜ੍ਹ, 28 ਜੁਲਾਈ (ਪ੍ਰੈਸ ਕੀ ਤਾਕਤ ਬਿਊਰੋ) – ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਅੱਜ ਜਿਲ੍ਹਾ ਮਹੇਂਦਰਗੜ੍ਹ ਦੇ ਬਲਾਕ ਅਟੇਲੀ ਦੇ ਪਿੰਡ ਸੁੰਦਰਹ ਵਿਚ 7 ਕਰੋੜ ਰੁਪਏ ਦੀ ਲਾਗਤ ਨਾਲ ਤਿਆਰ ਦੋ ਪਰਿਯੋਜਨਾਵਾਂ ਦਾ ਉਦਘਾਟਨ ਕੀਤਾ। ਮੁੱਖ ਮੰਤਰੀ ਨੇ ਲਗਭਗ 531.80 ਲੱਖ ਰੁਪਏ ਦੀ ਲਾਗਤ ਨਾਲ ਤਿਆਰ ਬਚਿਨੀ ਤੋਂ ਇਸਰਾਨਾ ਰਾਮਬਾਸ ਰੋਡ ਤਕ ਨਵੀਂ ਸੜਕ ਤੇ ਲਗਭਗ 173.58 ਲੱਖ ਰੁਪਏ ਦੀ ਲਾਗਤ ਨਾਲ ਤਿਆਰ ਬੇਵਲ ਤੋਂ ਰਾਤਾ ਕਲਾ ਸੜਕ ਦਾ ਉਦਘਾਟਨ ਕੀਤਾ।
ਮੁੱਖ ਮੰਤਰੀ ਨੇ ਕਿਹਾ ਕਿ ਸੂਬੇ ਵਿਚ ਸਿਹਤ ਸਹੂਲਤਾਂ ਲਈ ਇੰਫ੍ਰਾਸਟਕਚਰ ਨੂੰ ਵਧਾਉਣ ਦੀ ਦਿਸ਼ਾ ਵਿਚ ਸਰਕਾਰ ਪ੍ਰਭਾਵੀ ਢੰਗ ਨਾਲ ਕੰਮ ਕਰ ਰਹੀ ਹੈ ਅਤੇ ਜਨਸੇਵਾ ਦੀ ਦਿਸ਼ਾ ਵਿਚ ਵਰਨਣਯੋਗ ਕਦਮ ਵਧਾਏ ਜਾ ਰਹੇ ਹਨ। ਇਸ ਮੌਕੇ ‘ਤੇ ਮੁੱਖ ਮੰਤਰੀ ਨੇ ਦਿਵਆਂਗਜਨਾਂ ਨੂੰ ਵਹੀਲ ਚੇਅਰ ਤੇ ਬਨਾਵਟੀ ਅੰਗ ਭੇਂਟ ਕਰਦੇ ਹੋਏ ਉਨ੍ਹਾਂ ਨੂੰ ਸਰਕਾਰ ਵੱਲੋਂ ਹਰ ਸੰਭਵ ਸਹਿਯੋਗ ਦਿੱਤੇ ਜਾਣ ਦਾ ਭਰੋਸਾ ਦਿੱਤਾ। ਉੱਥੇ ਪਿੰਡ ਸੁੰਦਰਹ ਦੇ ਕਰਮਵੀਰ ਤੇ ਪ੍ਰਿਯਾ ਵਰਮਾ ਨੂੰ ਜਨਮ ਦਿਨ ਦੀ ਵਧਾਈ ਦਿੰਦੇ ਹੋਏ ਉਜਵਲ ਭਵਿੱਖ ਦੀ ਕਮਾਨਾ ਕੀਤੀ।
ਹਰ ਪਿੰਡ ਵਿਚ ਬਣੇਗੀ ਵਿਯਾਮਸ਼ਾਲਾ
ਮੁੱਖ ਮੰਤਰੀ ਨੇ ਆਪਣੇ ਜਨਸੰਵਾਦ ਪ੍ਰੋਗ੍ਰਾਮ ਦੌਰਾਨ ਪਿੰਡ ਸੁੰਦਰਹ ਵਿਚ ਸਰਪੰਚਾਂ ਦੀ ਮੰਗ ‘ਤੇ ਐਲਾਨ ਕੀਤਾ ਕਿ ਚਸ ਪਿੰਡ ਪੰਚਾਇਤ 2 ਏਕੜ ਭੁਮੀ ਉਪਲਬਧ ਕਰਵਾ ਦਵੇਗੀ ਉੱਥੇ ਹਰ ਪਿੰਡ ਵਿਚ ਵਿਯਾਮਸ਼ਾਲਾ ਖੋਲੀ ਜਾਵੇਗੀ ਅਤੇ ਸਾਰੇ ਵਿਯਾਮਸ਼ਾਲਾਵਾਂ ਵਿਚ ਯੋਗ ਸਹਾਇਕ ਨਿਯੁਕਤ ਕੀਤੇ ਜਾਣਗੇ। ਇਸ ਤੋਂ ਇਲਾਵਾ, ਜਿਸ ਪਿੰਡ ਵਿਚ ਜਿਸ ਵੀ ਖੇਡ ਵਿਚ ਖਿਡਾਰੀਆਂ ਦੀ ਦਿਲਚਸਪੀ ਹੈ, ਉੱਥੇ ਮਿਨੀ ਸਟੇਡੀਅਮ ਬਣਾਏ ਜਾਣਗੇ। ਖੇਡ ਵਿਭਾਗ ਸਾਰੇ ਸਟੇਡੀਅਮਾਂ ਦੀ ਮੈਪਿੰਗ ਕਰ ਰਿਹਾ ਹੈ।
ਮੁੱਖ ਮੰਤਰੀ ਨੇ 8 ਕਰੋੜ ਰੁਪਏ ਦੇ ਵਿਕਾਸ ਕੰਮਾਂ ਨੁੰ ਦਿੱਤੀ ਮੰਜੂਰੀ
ਮੁੱਖ ਮੰਤਰੀ ਨੇ ਕਿਹਾ ਕਿ 25 ਸੜਕਾਂ ਵਿੱਚੋਂ 8 ਸੜਕਾਂ ਦਾ ਕੰਮ ਚਾਲੂ ਹੋ ਗਿਆ ਹੈ ਅਤੇ 17 ਸੜਕਾਂ ਦਾ ਟੈਂਡਰ ਹੋ ਚੁੱਕਾ ਹੈ। ਇੰਨ੍ਹਾਂ ‘ਤੇ ਵੀ ਜਲਦੀ ਹੀ ਕੰਮ ਚਾਲੂ ਹੋ ਜਾਵੇਗਾ। ਉਨ੍ਹਾਂ ਨੇ ਪਿੰਡ ਵਿਚ ਵਿਯਾਮਸ਼ਾਲਾ ਬਨਵਾਉਣ , 12 ਰਸਤਿਆਂ ਨੂੰ ਪੱਕਾ ਕਰਵਾਉਣ ਤੇ ਪਿੰਡ ਸੁੰਦਰਹ ਨੂੰ ਬੁਚਾਵਾਸ ਬਿਜਲੀ ਸਬ ਡਿਵੀਜਨ ਨਾਲ ਕਨੀਨਾ ਸਬ-ਡਿਵੀਜਨ ਵਿਚ ਸ਼ਾਮਿਲ ਕਰਨ ਦੀ ਵੀ ਮੰਜੂਰੀ ਦਿੱਤੀ।
ਦੱਖਣੀ ਹਰਿਆਣਾ ਦੇ ਜਲ ਸੰਕਟ ਦੀ ਕਮੀ ਨੂੰ ਸਾਢੇ 8 ਸਾਲਾਂ ਵਿਚ ਕੀਤਾ ਦੂਰ
ਮੁੱਖ ਮੰਤਰੀ ਨੇ ਕਿਹਾ ਕਿ ਦੱਖਣੀ ਹਰਿਆਣਾ ਵਿਚ 10 ਸਾਲ ਪਹਿਲਾਂ ਸਾਰੇ ਤਾਲਾਬ ਤੇ ਜੋਹੜ ਸੁੱਖੇ ਹੋਏ ਸਨ। ਮੌਜੂਦਾ ਸਰਕਾਰ ਨੇ ਦੱਖਣੀ ਹਰਿਆਣਾ ਦਾ ਧਿਆਨ ਰੱਖਦੇ ਹੋਏ ਤਾਲਾਬਾਂ ਤੇ ਜੋਹੜਾਂ ਵਿਚ ਪਾਣੀ ਭਰਵਾਉਣ ਦਾ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ 300 ਟੇਲਾਂ ਵਿਚ ਪਾਣੀ ਪਹੁੰਚਾਇਆ ਗਿਆ ਹੈ।
ਦੱਖਣੀ ਹਰਿਆਣਾ ਦੇ ਨੌਜੁਆਨਾਂ ਨੂੰ ਮਿਲੀ ਸੱਭ ਤੋਂ ਵੱਧ ਨੌਕਰੀਆਂ
ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਮੌਜੂਦਾ ਸਰਕਾਰ ਵਿਚ ਦੱਖਣੀ ਹਰਿਆਣਾ ਦੇ ਨੌਜੁਆਨਾਂ ਨੂੰ ਸੱਭ ਤੋਂ ਵੱਧ ਨੌਕਰੀਆਂ ਮਿਲੀਆਂ ਹਨ। ਇਹ ਨੌਕਰੀਆਂ ਅਸੀਂ ਨਹੀਂ ਦਿੱਤੀਆਂ ਸਗੋ ਇੰਨ੍ਹਾਂ ਨੌਜੁਆਨਾਂ ਦੀ ਪੜਾਈ ਲਿਖਾਈ ਦਾ ਨਤੀਜਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਦੱਖਣੀ ਹਰਿਆਣਾ ਦੇ ਨੌਜੁਆਨਾਂ ਵਿਚ ਦੇਸ਼ਭਗਤੀ ਦੀ ਭਾਵਨਾ ਕੁੱਟ-ਕੁੱਟ ਕੇ ਭਰੀ ਹੋਈ ਹੈ। ਦੱਖਣੀ ਹਰਿਆਣਾ ਦੀ ਨੌਜੁਆਨਾਂ ਦਾ ਫੌਜ ਦੇ ਲਈ ਕਾਫੀ ਝੁਕਾਅ ਹੈ, ਮੈਂ ਦੱਖਣੀ ਹਰਿਆਣਾ ਦੀ ਮਿੱਟੀ ਨੂੰ ਨਮਨ ਕਰਦਾ ਹਾਂ।
ਨਿਜੀ ਲਾਭ ਲਈ ਵੀ ਫੈਮਿਲੀ ਆਈਡੀ ਜਰੂਰੀ
ਮੁੱਖ ਮੰਤਰੀ ਨੇ ਕਿਹਾ ਕਿ ਵਿਅਕਤੀਗਤ ਲਾਭ ਲੈਣ ਲਈ ਵੀ ਪਰਿਵਾਰ ਪਹਿਚਾਣ ਪੱਤਰ ਜਰੂਰੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਪਿੰਡ ਦੀ ਗ੍ਰਾਂਟ ਵੀ ਆਬਾਦੀ ਦੇ ਹਿਸਾਬ ਨਾਲ ਆਉਂਦੀ ਹੈ। ਜੇਕਰ ਪਿੰਡ ਵਿਚ ਕਿਸੇ 10 ਪਰਿਵਾਰਾਂ ਨੇ ਵੀ ਹੁਣ ਤਕ ਫੈਮਿਲੀ ਆਈਡੀ ਨਹੀਂ ਬਣਵਾਈ ਹੈ ਤਾਂ ਇਸ ਕਾਰਨ ਨਾਲ ਵੀ ਪਿੰਡ ਦੀ ਗ੍ਰਾਂਟ ਦਾ ਘੱਟ ਪੈਸਾ ਆਉਂਦਾ ਹੈ। ਇਸ ਲਈ ਸਾਰੇ ਫੈਮਿਲੀ ਆਈਡੀ ਜਰੂਰ ਬਨਵਾਉਣ। ਉਨ੍ਹਾਂ ਨੇ ਕਿਹਾ ਕਿ ਸੁੰਦਰਹ ਪਿੰਡ ਵਿਚ 941 ਲੋਕਾਂ ਦੇ ਆਯੂਸ਼ਮਾਨ ਕਾਰਡ ਬਣਾਏ ਜਾ ਚੁੱਕੇ ਹਨ ਅਤੇ 35 ਲੋਕ ਇਸ ਦਾ ਫਾਇਦਾ ਚੁਕਿਆ ਹੈ।
ਮੁੱਖ ਮੰਤਰੀ ਅੰਤੋਂਦੇਯ ਪਰਿਵਾਰ ਉਥਾਨ ਯੋਜਨਾ
ਮੁੱਖ ਮੰਤਰੀ ਨੇ ਦਸਿਆ ਕਿ ਮੁੱਖ ਮੰਤਰੀ ਅੰਤੋਂਦੇਯ ਪਰਿਵਾਰ ਉਥਾਨ ਯੋਜਨਾ ਤਹਿਤ 1 ਲੱਖ ਰੁਪਏ ਤਕ ਦੀ ਸਾਲਾਨਾ ਆਮਦਨ ਵਾਲੇ ਪਰਿਵਾਰਾਂ ਨੂੰ ਰੁਜਗਾਰ ਉਪਲਬਧ ਕਰਵਾਇਆ ਜਾ ਰਿਹਾ ਹੈ। ਉਨ੍ਹਾਂ ਨੇ ਦਸਿਆ ਕਿ ਪਿੰਡ ਸੁੰਦਰਹ ਵਿਚ ਵੀ ਇਸ ਯੋਜਨਾ ਦੇ ਤਹਿਤ 46 ਪਰਿਵਾਰਾਂ ਦਾ ਚੋਣ ਕੀਤਾ ਗਿਆ ਹੈ। ਇੰਨ੍ਹਾਂ ਵਿੱਚੋਂ 29 ਦਾ ਲੋਨ ਮੰਜੂਰ ਹੋ ਗਿਆ ਹੈ ਅਤੇ 5 ਲੋਕਾਂ ਨੂੰ ਲੋਨ ਮਿਲ ਚੁੱਕਾ ਹੈ।
ਜਨ ਸੰਵਾਦ ਪ੍ਰੋਗ੍ਰਾਮ ਵਿਚ ਅਟੇਲੀ ਵਿਧਾਇਕ ਸੀਤਾਰਾਮ ਯਾਦਵ, ਬੀਜੇਪੀ ਜਿਲ੍ਹਾ ਪ੍ਰਧਾਨ ਦਿਆਰਾਮ, ਮੁੱਖ ਮੰਤਰੀ ਦੇ ਉਏਸਡੀ ਜਵਾਹਰ ਯਾਦਵ, ਡਿਪਟੀ ਕਮਿਸ਼ਨਰ ਮੋਨਿਕਾ ਗੁਪਤਾ ਸਮੇਤ ਹੋਰ ਮਾਣਯੋਗ ਅਧਿਕਾਰੀ ਮੌਜੂਦ ਸਨ।
