ਸ਼੍ਰੀਮਤੀ ਵੰਦਨਾ ਵਰਮਾ ਨੂੰ ਸੰਘਰਸ਼ਮਈ ਆਦਰਸ਼ਵਾਦੀ ਇਸਤਰੀ ਦਾ ਸਨਮਾਨ ਮਿਲਿਆ

ਪਟਿਆਲਾ,1ਅਪ੍ਰੈਲ(ਪ੍ਰੈਸ ਕੀ ਤਾਕਤ)– ਜ਼ਿੰਦਗੀ ਵਿੱਚ ਉਹ ਹੀ ਇਨਸਾਨ ਸਨਮਾਨ ,ਖੁਸ਼ੀਆਂ ਸ਼ੋਹਰਤ ਅਤੇ ਇੱਜ਼ਤ ਪਾਉਂਦੇ ਹਨ ਜੋਂ ਬਚਪਨ ਵਿੱਚ ਮਾਪਿਆਂ, ਗੁਰੂ ਅਧਿਆਪਕਾਂ ਅਤੇ ਬਜ਼ੁਰਗਾਂ ਦੀ ਗਲਬਾਤ ਧਿਆਨ ਨਾਲ ਸਮਝਕੇ ਉਸ ਅਨੁਸਾਰ ਕਾਰਜ਼ ਕਰਦੇ ਹਨ ਅਤੇ ਠੀਕ ਰਸਤੇ ਅਪਣਾਕੇ ਹਰ ਵੇਲੇ ਉਨਤੀ ਤਰੱਕੀ ਲਈ ਯਤਨਸ਼ੀਲ ਰਹਿੰਦੇ ਹਨ, ਸ਼੍ਰੀਮਤੀ ਵੰਦਨਾ ਵਰਮਾ ਪਤਨੀ ਸ਼੍ਰੀ ਰਾਜਨ ਵਰਮਾ ਅਤੇ ਪੁੱਤਰੀ ਸ਼੍ਰੀ ਕਾਕਾ ਰਾਮ ਵਰਮਾ ਸਮਾਜ ਸੁਧਾਰਕ ਰੈਡ ਕਰਾਸ ਵਰਕਰ ਨੇ ਆਪਣੀ ਜ਼ਿੰਦਗੀ ਵਿੱਚ ਸੰਘਰਸ਼ ਕਰਕੇ ਸਰਵੋਤਮ ਉਚਾਈਆਂ ਨੂੰ ਪ੍ਰਾਪਤ ਕੀਤਾ ਹੈ, ਜਿਸ ਕਾਰਨ ਉਸ ਨੂੰ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਸਾਥੀਆਂ ਨੂੰ ਖੁਸ਼ੀਆਂ ਇੱਜ਼ਤ ਸਨਮਾਨ ਮਿਲ ਰਹੇ ਹਨ, ਇਹ ਵਿਚਾਰ ਗਿਆਨ ਜਯੋਤੀ ਐਜ਼ੂਕੇਸ਼ਨਲ ਸੁਸਾਇਟੀ ਦੇ ਪ੍ਰਧਾਨ ਸ਼੍ਰੀ ਉਪਕਾਰ ਸਿੰਘ ਨੇ ਭਾਸ਼ਾ ਭਵਨ ਪਟਿਆਲਾ ਵਿਖੇ ਕਰਵਾਏ ਅੰਤਰਰਾਸ਼ਟਰੀ ਮਹਾਨ ਇਸਤਰੀਆਂ ਦੇ ਸਨਮਾਨ ਸਮਾਰੋਹ ਵਿਖੇ ਪ੍ਰਗਟ ਕੀਤੇ। ਸ਼੍ਰੀਮਤੀ ਵੰਦਨਾ ਵਰਮਾ, ਪੰਜਾਬੀ ਅਧਿਆਪਕਾਂ ਜੇਮਜ਼ ਪਬਲਿਕ ਸਕੂਲ ਪਟਿਆਲਾ ਨੇ ਸਨਮਾਨ ਚਿੰਨ੍ਹ ਅਤੇ ਫੁਲਕਾਰੀ ਪ੍ਰਾਪਤ ਕਰਨ ਮਗਰੋਂ ਗਿਆਨ ਜਯੋਤੀ ਸੁਸਾਇਟੀ ਦੇ ਮੈਂਬਰਾਂ, ਸਮਾਗਮ ਦੇ ਮੁੱਖ ਮਹਿਮਾਨ ਪੀ ਆਰ ਟੀ ਸੀ ਦੇ ਚੈਅਰਮੈਨ ਸ੍ਰ ਹਰਜੋਤ ਸਿੰਘ ਹੰਢਾਣਾ, ਸਿਵਲ ਸਰਜਨ ਮੈਡਮ, ਭਾਸ਼ਾ ਵਿਭਾਗ ਦੇ ਡਾਇਰੈਕਟਰ ਅਤੇ ਹਾਜ਼ਰ ਪੰਤਵੰਤੇ ਸੱਜਣਾ, ਇਸਤਰੀਆਂ ਨੂੰ ਕਿਹਾ ਕਿ ਜ਼ਿੰਦਗੀ ਨੂੰ ਖੁਸ਼ਹਾਲ, ਸਨਮਾਨਿਤ, ਸਿਹਤਮੰਦ, ਤਦਰੁੰਸਤ ਅਤੇ ਉਨਤ ਬਣਾਉਣ ਲਈ ਮਾਪਿਆਂ,ਬਜ਼ੁਰਗਾਂ, ਗੁਰੂ ਅਧਿਆਪਕਾਂ ਅਤੇ ਗੁਰੂ ਦੇ ਅਨੁਸ਼ਾਸਨ ਵਿਚਾਰ ਭਾਵਨਾਵਾਂ ਅਤੇ ਅਸ਼ੀਰਵਾਦ, ਦੂਆਵਾ ਬਹੁਤ ਲਾਭਦਾਇਕ ਸਿੱਧ ਹੁੰਦੇ ਹਨ ਇਸ ਲਈ ਜ਼ਰੂਰੀ ਹੈ ਕਿ ਅਸੀਂ ਅਸ਼ੀਰਵਾਦ ਦੂਆਵਾ ਅਤੇ ਧੰਨਵਾਦ ਪ੍ਰਾਪਤ ਕਰਨ ਲਈ ਯਤਨਸ਼ੀਲ ਰਹੀਏ। ਅੱਜ ਜ਼ਰੂਰਤ ਹੈ ਕਿ ਬੱਚਿਆਂ ਅਤੇ ਨੋਜਵਾਨਾਂ ਨੂੰ ਘਰ ਪਰਿਵਾਰਾਂ ਮਹੱਲਿਆਂ ਅਤੇ ਸਿੱਖਿਆ ਸੰਸਥਾਵਾਂ ਵਿਖ਼ੇ ਮਾੜੀਆਂ ਆਦਤਾਂ, ਗ਼ਲਤ ਸਾਥੀਆਂ ਅਤੇ ਘਟੀਆ ਵਿਚਾਰਾ, ਭੋਜਨ ਨਸ਼ਿਆਂ, ਫਾਸਟ ਫੂਡ, ਜੰਕ ਫੂਡ, ਕੋਲਡ ਡਰਿੰਕ ਅਤੇ ਆਵਾਰਾਗਰਦੀ, ਆਰਾਮ ਪ੍ਰਸਤੀਆ, ਐਸ਼ ਪ੍ਰਸਤੀਆਂ, ਕੰਮਚੋਰੀਆਂ, ਬੇਇਮਾਨੀਆਂ ਹੇਰਾਫੇਰੀਆਂ ਤੋਂ ਬਚਾਇਆ ਜਾਵੇ ਕਿਉਂਕਿ ਬੱਚਿਆਂ ਅਤੇ ਨੋਜਵਾਨਾਂ ਦੇ ਭਟਕਣ, ਗੁਮਰਾਹ ਹੋਣ ਜਾ ਗ਼ਲਤ ਅਨਸਰਾਂ ਨਾਲ ਜੁੜਣ ਕਾਰਨ ਘਰ ਪਰਿਵਾਰ ਮਹੱਲੇ ਦੇ ਮੈਂਬਰਾਂ ਤੋਂ ਇਲਾਵਾ ਆਪਣੇ ਦੇਸ਼, ਸਮਾਜ, ਵਰਤਮਾਨ ਦੀ ਅਮਨ ਸ਼ਾਂਤੀ ਅਤੇ ਭਵਿੱਖ ਦੀ ਤਬਾਹੀ ਹੁੰਦੀ ਹੈ।