ਪਟਿਆਲਾ, 27 ਸਤੰਬਰ (ਪ੍ਰੈਸ ਕੀ ਤਾਕਤ ਬਿਊਰੋ)
ਭਾਰਤ ਸਰਕਾਰ, ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਨਗਰ ਨਿਗਮ ਪਟਿਆਲਾ ਵੱਲੋਂ ਚਲਾਈ ਜਾ ਰਹੀ ਮੁਹਿੰਮ ਸਵੱਛਤਾ ਹੀ ਸੇਵਾ ਅਧੀਨ ਨਗਰ ਨਿਗਮ ਪਟਿਆਲਾ ਵੱਲੋਂ ਸ੍ਰੀ ਅਦਿੱਤਿਆ ਉੱਪਲ ਦੀ ਅਗਵਾਈ ਹੇਠ ਅੱਜ ਵਾਰਡ ਨੰ 17 ਜੋ ਕਿ ਸ਼ਹਿਰ ਦਾ ਆਤਮ ਨਿਰਭਰ ਵਾਰਡ ਜਿਥੇ ਸਮੁੱਚੇ ਵਾਰਡ ਵਾਸੀ 100 ਪ੍ਰਤੀਸ਼ਤ ਵਾਰਡ ਵਾਸੀ ਗਿੱਲਾ, ਸੁੱਕਾ ਅਤੇ ਹਾਨੀਕਾਰਕ ਕੂੜਾ ਵੱਖ ਵੱਖ ਡਸਟਬਿਨਾਂ ਵਿੱਚ ਰੱਖਦੇ ਹਨ ਅਤੇ ਉੱਦਾਂ ਹੀ ਵੇਸਟ ਪਿੱਕਰ ਨੂੰ ਦਿੰਦੇ ਹਨ। ਇਹ ਵੱਖ ਵੱਖ ਕੂੜਾ ਨਗਰ ਨਿਗਮ ਪਟਿਆਲਾ ਦੇ ਫੋਕਲ ਪੁਆਇੰਟ ਐਮ.ਆਰ.ਐਫ਼ ਸੈਂਟਰ ਤੇ ਪਹੁੰਚਦਾ ਹੈ ਜਿੱਥੇ ਗਿੱਲੇ ਕੂੜੇ ਤੋਂ ਖਾਦ ਤਿਆਰ ਕੀਤੀ ਜਾਂਦੀ ਹੈ, ਸੁੱਕੇ ਕੂੜੇ ਨੂੰ ਰੀਸਾਈਕਲ ਕਰਨ ਲਈ ਭੇਜਿਆ ਜਾਂਦਾ ਹੈ ਅਤੇ ਹਾਨੀਕਾਰਕ ਕੂੜੇ ਦਾ ਵਿਗਿਆਨਕ ਢੰਗ ਨਾਲ ਨਿਪਟਾਰਾ ਕੀਤਾ ਜਾਂਦਾ ਹੈ, ਵਾਰਡ ਵਾਸੀਆਂ ਨੂੰ ਖਾਦ ਮੁਫ਼ਤ ਤੌਰ ਤੇ ਵੰਡੀ ਗਈ। ਅੱਜ ਦੀ ਮੁਹਿੰਮ ਦਾ ਆਰੰਭ ਕਰਦਿਆਂ ਨਗਰ ਨਿਗਮ ਪਟਿਆਲਾ ਦੇ ਏਰੀਆ ਸੈਨੇਟਰੀ ਇੰਸਪੈਕਟਰ ਸ੍ਰੀ ਜਗਤਾਰ ਸਿੰਘ ਜਿਨ੍ਹਾਂ ਦੀ ਪਲੈਨਿੰਗ ਅਤੇ ਨਿਗਰਾਨੀ ਹੇਠ ਇਹ ਵਾਰਡ ਆਤਮ ਨਿਰਭਰ ਬਣਿਆ ਨੇ ਵਾਰਡ ਵਾਸੀਆਂ ਦੇ ਸਹਿਯੋਗ ਦੇਣ ਲਈ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਬਿਨਾਂ ਲੋਕਾਂ ਦੇ ਸਹਿਯੋਗ ਤੋਂ ਕੋਈ ਵੀ ਮੁਹਿੰਮ ਸਫਲ ਨਹੀਂ ਹੋ ਸਕਦੀ।
ਇਸ ਮੌਕੇ ਨਗਰ ਨਿਗਮ ਵੱਲੋਂ ਸ੍ਰੀ ਅਮਨਦੀਪ ਸੇਖੋਂ (ਆ.ਈ.ਸੀ ਐਕਸਪਰਟ) ਦੱਸਿਆ ਕਿ ਇਹ ਪਟਿਆਲਾ ਵੱਲੋਂ ਇੱਕ ਜੈਵਿਕ ਖਾਦ ਬਣਾਉਣ ਦੀ ਮੁਹਿੰਮ ਹੈ ਜਿਸ ਵਿੱਚ ਕਿਸੇ ਕਿਸਮ ਦਾ ਕੈਮੀਕਲ ਨਹੀਂ ਪਾਇਆ ਜਾਂਦਾ ਅਤੇ ਪਟਿਆਲਾ ਦੀ ਨਰਸਰੀਆਂ, ਕਿਰਸਾਨ ਅਤੇ ਸ਼ਹਿਰ ਵਾਸੀ ਇਸ ਦੀ ਵਰਤੋਂ ਕਰਦੇ ਹਨ।
ਇਸ ਮੌਕੇ ਸ੍ਰੀ ਜਵਾਲਾ ਸਿੰਘ (ਕਮਿਊਨਿਟੀ ਫੈਸੀਲੀਟੇਟਰ) ਨੇ ਕਿਹਾ ਕਿ ਇਹ ਖਾਦ ਲੋਕਾਂ ਦੇ ਘਰਾਂ ਦੇ ਵੇਸਟ ਤੋਂ ਬਣੀ ਹੈ ਇਸ ਸ੍ਰੀ ਮਨਦੀਪ ਸਿੰਘ (ਕਮਲਈ ਇਹ ਉਨ੍ਹਾਂ ਲੋਕਾਂ ਦੀ ਹੀ ਪ੍ਰਾਪਰਟੀ ਹੈ। ਕਮਿਊਨਿਟੀ ਫੈਸੀਲੀਟੇਟਰ) ਨੇ ਕੂੜੇ ਨੂੰ ਵੱਖ-ਵੱਖ ਕਰਨ ਦੇ ਢੰਗ ਦੱਸੇ।
ਸੰਯੁਕਤ ਕਮਿਸ਼ਨਰ ਮੈਡਮ ਮਨੀਸ਼ਾ ਰਾਣਾ (ਆਈ.ਏ.ਐਸ) ਨੇ ਸਮੁੱਚੇ ਵਾਰਡ ਵਾਸੀਆਂ ਦਾ ਧੰਨਵਾਦ ਕਰਦਿਆਂ ਉਨ੍ਹਾਂ ਦੇ ਇਸ ਉੱਦਮ ਦੀ ਸ਼ਲਾਘਾ ਕੀਤੀ ਅਤੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਸ਼ਹਿਰ ਦੇ ਹੋਰ ਵਾਰਡ ਵੀ ਇਸ ਤਰਜ਼ ਉੱਤੇ ਮਾਡਲ ਵਾਰਡ ਬਣਨਗੇ।
ਇਸ ਮੁਹਿੰਮ ਵਿੱਚ ਵਾਰਡ ਦੀ ਰੈਜ਼ੀਡੈਂਟ ਵੈੱਲਫੇਅਰ ਸੁਸਾਇਟੀ ਦੇ ਆਗੂ ਸ੍ਰੀ ਦਲਜੀਤ ਸਿੰਘ ਦਾਨੀਪੁਰ, ਸਾਹਿਬ ਸਿੰਘ ਦੀ ਸਮੇਤ ਨਗਰ ਨਿਗਮ ਪਟਿਆਲਾ ਦੇ ਮੋਟੀਵੇਟਰ ਅਤੇ ਸਫ਼ਾਈ ਕਰਮਚਾਰੀ ਅਤੇ ਵਾਰਡ ਵਾਸੀ ਹਾਜ਼ਰ ਸਨ।
