ਵਟਸਐਪ ’ਤੇ ਪਸੰਦ ਕਰੋ ਰੱਖੜੀ,ਪੋਸਟ ਆਫਿਸ ਪਹੁੰਚਾਏਗਾ ਭਰਾ ਤੱਕ

ਪਟਿਆਲਾ, 28 ਜੁਲਾਈ(ਪ੍ਰੈਸ ਕੀ ਤਾਕਤ ਬਿਊਰੋ) : ਜਿਹੜੀਆਂ ਭੈਣਾਂ ਇਸ ਵਾਰ ਆਪਣੇ ਦੂਰ-ਦੁਰਾਡੇ ਬੈਠੇ ਭਰਾਵਾਂ ਨੂੰ ਕਿਸੇ ਕਾਰਣ ਰੱਖੜੀ ਬੰਨ੍ਹਣ ਨਹੀਂ ਜਾ ਸਕਦੀਆਂ, ਉਨ੍ਹਾਂ ਲਈ ਚੰਗੀ ਖ਼ਬਰ ਹੈ। ਹੁਣ ਇਹ ਭੈਣਾਂ ਡਾਕਘਰ ਦੇ ਵਟਸਐੱਪ ਨੰਬਰ ਰਾਹੀਂ ਆਪਣੇ ਭਰਾ ਨੂੰ ਰੱਖੜੀ ਭੇਜ ਸਕਦੀਆਂ ਹਨ। ਪੋਸਟ ਆਫਿਸ ਦੇ ਪਟਿਆਲਾ ਡਿਵੀਜ਼ਨ ਦੇ ਸੁਪਰਡੈਂਟ ਪ੍ਰਭਾਤ ਗੋਇਲ ਨੇ ਦੱਸਿਆ ਕਿ ‘ਵਟਸਐਪ ’ਤੇ ਭੇਜੋ ਰੱਖੜੀ’ ਉਨ੍ਹਾਂ ਦਾ ਪਾਇਲਟ ਪ੍ਰੋਜੈਕਟ ਹੈ। ਜਿਹੜੀ ਭੈਣ ਆਪਣੇ ਭਰਾ ਨੂੰ ਰੱਖੜੀ ਨਹੀਂ ਭੇਜ ਸਕਦੀਆਂ, ਉਨ੍ਹਾਂ ਲਈ ਪੋਸਟ ਆਫਿਸ ਨੇ ਇਹ ਮੁਹਿੰਮ ਸ਼ੁਰੂ ਕੀਤੀ ਹੈ। ਇਸ ਦੇ ਤਹਿਤ ਪੋਸਟ ਦਫਤਰ ਵਟਸਐੱਪ ਰਾਹੀਂ ਕਸਟਮਰ ਵਲੋਂ ਰੱਖੜੀ ਸਿਲੈਕਟ ਕਰਨ ਤੋਂ ਬਾਅਦ ਉਸ ਵਲੋਂ ਦਿੱਤੇ ਗਏ ਪਤੇ ’ਤੇ ਪਹੁੰਚਾਏਗਾ। ਗ੍ਰਾਹਕ ਨੂੰ ਆਨਲਾਈਨ ਰੱਖੜੀ ਭੇਜਣ ਦੀ ਪੇਮੈਂਟ ਕਰਨੀ ਹੋਵੇਗੀ। ਸੁਪਰਡੈਂਟ ਪ੍ਰਭਾਤ ਗੋਇਲ ਨੇ ਦੱਸਿਆ ਕਿ ਇਸ ਪਾਇਲਟ ਪ੍ਰੋਜੈਕਟ ਤੋਂ ਇਲਾਵਾ ਰੱਖੜੀ ’ਤੇ ਪਟਿਆਲਾ ਪੋਸਟ ਆਫਿਸ ਲੋਕਾਂ ਲਈ ਸਪੈਸ਼ਲ ਲੈਮੀਨੇਟਿਡ ਇਨਵੈਲਪਸ ਅਤੇ ਸਪੈਸ਼ਲ ਰੱਖੜੀ ਬਾਕਸ (ਭਾਰ ਸਿਰਫ 500 ਗ੍ਰਾਮ) ਵੀ ਲੈ ਕੇ ਆਇਆ ਹੈ। ਕੋਈ ਵੀ ਉਪਭੋਗਤਾ ਆਪਣੇ ਨੇੜੇ ਦੇ ਪੋਸਟ ਆਫਿਸ ਵਿਚ ਜਾ ਕੇ ਇਹ ਕਵਰ ਬੇਹੱਦ ਸਸਤੇ ਭਾਅ ’ਤੇ ਹਾਸਲ ਕਰ ਸਕਦਾ ਹੈ। ਜੇਕਰ ਕੋਈ ਵੀ ਰੱਖੜੀ ਭੇਜਣ ਸਬੰਧੀ ਜ਼ਿਆਦਾ ਜਾਣਕਾਰੀ ਲੈਣੀ ਚਾਹੇ ਹੈ ਤਾਂ ਉਹ ਪੋਸਟ ਆਫਿਸ ਵਿਚ ਸੰਪਰਕ ਕਰ ਸਕਦਾ ਹੈ ਜਾਂ ਦਫਤਰ ਦੇ ਲੈਡਲਾਈਨ ਨੰਬਰ 0175-2200663, 22006374 ਅਤੇ 2215557 ’ਤੇ ਜਾਂ dopatiala.pb@indiapost.gov.in ’ਤੇ ਸਪੰਰਕ ਕਰ ਸਕਦਾ ਹੈ।