25 ਮਹੀਨਿਆਂ ਦੇ ਹੇਠਲੇ ਪੱਧਰ ’ਤੇ ਮਹਿੰਗਾਈ ; ਦੁੱਧ, ਦਾਲ ਛੱਡੋ ਸਭ ਤੋਂ ਵੱਧ ਜੀਰੇ ਨੇ ਮਚਾਈ ਤਬਾਹੀ

ਨਵੀਂ ਦਿੱਲੀ 29ਜੂਨ(ਪ੍ਰੈੱਸ ਕਿ ਤਾਕਤ)– ਦੇਸ਼ ’ਚ ਜਸ਼ਨ ਦਾ ਮਾਹੌਲ ਹੈ। ਵਾਸ਼ਿੰਗਟਨ ਦਾ ਖੁਮਾਰ ਹਾਲੇ ਵੀ ਲੋਕਾਂ ਦੇ ਦਿਲ ਅਤੇ ਦਿਮਾਗ ’ਤੇ ਛਾਇਆ ਹੋਇਆ ਹੈ। ਪ੍ਰਚੂਨ ਮਹਿੰਗਾਈ 25 ਮਹੀਨਿਆਂ ਦੇ ਹੇਠਲੇ ਪੱਧਰ ’ਤੇ ਪੁੱਜ ਗਈ ਹੈ। ਥੋਕ ਮਹਿੰਗਾਈ -3.50 ਫੀਸਦੀ ਦੇ ਲਗਭਗ ਪੁੱਜ ਗਈ ਹੈ। ਫਿਰ ਵੀ ਆਮ ਲੋਕਾਂ ਦੀ ਰਸੋਈ ਦਾ ਬਜਟ ਵਿਗੜ ਗਿਆ ਹੈ। ਇਸ ਵੱਲ ਕਿਸੇ ਦਾ ਧਿਆਨ ਹੀ ਨਹੀਂ ਜਾ ਰਿਹਾ ਹੈ। ਰਸੋਈ ’ਚ ਰੱਖੇ ਦੁੱਧ ਅਤੇ ਦਾਲਾਂ ਦੀਆਂ ਕੀਮਤਾਂ ਹਾਲੇ ਤੱਕ ਘੱਟ ਨਹੀਂ ਹੋਈਆਂ ਹਨ। ਦੁੱਧ ਅਤੇ ਦਾਲ ਤਾਂ ਛੱਡੋ ਰਸੋਈ ਦੀ ਮਸਾਲੇਦਾਨੀ ਵਿਚ ਰੱਖਿਆ ਜੀਰਾ ਮੌਜੂਦਾ ਸਮੇਂ ’ਚ ‘ਹੀਰਾ’ ਬਣ ਚੱਲਿਆ ਹੈ। ਜੀਰੇ ਦੀ ਕੀਮਤ ਅੱਜ 60 ਹਜ਼ਾਰ ਰੁਪਏ ਪ੍ਰਤੀ ਕੁਇੰਟਲ ’ਤੇ ਪੁੱਜ ਗਈ ਹੈ।ਦੇਸ਼ ਦੀ ਹਰ ਰਸੋਈ ’ਚ 99 ਫੀਸਦੀ ਸਬਜ਼ੀਆਂ ’ਚ ਜੀਰੇ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਜੇ ਅਜਿਹੇ ’ਚ ਉਸ ਦੀਆਂ ਕੀਮਤਾਂ ਹੀ ਅਸਮਾਨ ਛੂਹਣ ਲੱਗੀਆਂ ਤਾਂ ਆਮ ਲੋਕਾਂ ਦਾ ਕੀ ਹੋਵੇਗਾ। ਗੁਜਰਾਤ ਦੀ ਊਂਝਾ ਮੰਡੀ ’ਚ ਜੀਰੇ ਦੀਆਂ ਕੀਮਤਾਂ ’ਚ ਲਗਾਤਾਰ ਉਛਾਲ ਦੇਖਣ ਨੂੰ ਮਿਲ ਰਿਹਾ ਹੈ। ਉੱਝ ਕੁੱਝ ਦਿਨ ਪਹਿਲਾਂ ਜੀਰੇ ਦੀਆਂ ਕੀਮਤਾਂ 67 ਹਜ਼ਾਰ ਨੂੰ ਵੀ ਪਾਰ ਕਰ ਚੁੱਕੀਆਂ ਹਨ।