ਸਰਕਾਰ ਵਲੋਂ ਪੈਨਸ਼ਨ ਕਰਮਚਾਰੀਆਂ ਤੇ ਹਮਲੇ ਦੀ ਨਿੰਦਾ

ਪਟਿਆਲਾ 2ਜੁਲਾਈ (ਪ੍ਰੈਸ ਕੀ ਤਾਕਤ ਬਿਊਰੋ) : ਨਗਰ ਨਿਗਮ ਸੇਵਾ ਮੁਕਤ ਕਰਮਚਾਰੀ ਯੂਨੀਅਨ ਦੀ ਮੀਟਿੰਗ ਮਹਿੰਦਰ ਸਿੰਘ ਦੀ ਪ੍ਰਧਾਨਗੀ ਹੇਠ ਹੋਈ। ਜਿਸ ਵਿੱਚ ਸਰਕਾਰ ਵਲੋਂ ਪੈਨਸ਼ਨਰ ਕਰਮਚਾਰੀਆਂ ਦੀ ਪੈਨਸ਼ਨ ਵਿਚੋਂ 200/— ਰੁਪਏ ਦੀ ਕਟੌਤੀ ਕੀਤੇ ਜਾਣ ਤੇ ਸਰਕਾਰ ਦੀ ਨਿਖੇਧੀ ਕੀਤੀ ਗਈ।
ਉਹਨਾਂ ਕਿਹਾ ਕਿ ਸਰਕਾਰ ਘਟੀਆ ਕਿਸਮ ਦੇ ਹੱਥ ਕੰਢੇ ਅਪਣਾ ਕੇ ਆਪਣਾ ਖਜਾਨਾ ਪੁਰਤੀ ਕਰਨਾ ਚਾਹੁੰਦੀ ਹੈ। ਜਿਸ ਤੋਂ ਲੋਕ ਅਤੇ ਮੁਲਾਜਮ ਤਬਕਾ ਸਰਕਾਰ ਪ੍ਰਤੀ ਸਖਤ ਨਰਾਜ ਹੈ। ਸਰਕਾਰ ਵਲੋਂ ਪੈਨ ਕਾਰਡ ਅਤੇ ਆਧਾਰ ਕਾਰਡ ਲਿੰਕ ਕਰਨ ਤੇ ਪਹਿਲਾਂ ਹੀ ਨਜਾਇਜ 1000/— ਰੁਪਏ ਵਸੂਲ ਰਹੀ ਸੀ, ਨਵੇਂ ਸਿਰੇ ਤੋਂ ਇਸ ਵਿੱਚ ਇੱਕ ਦਮ ਵਾਧਾ ਕੀਤਾ ਜਾ ਰਿਹਾ, ਜੋਂ ਆਮ ਲੋਕਾਂ ਤੇ ਵਾਧੂ ਬੋਝ ਬਣ ਗਿਆ ਹੈ। ਮੰਗ ਕੀਤੀ ਜਾਂਦੀ ਹੈ ਕਿ ਆਧਾਰ ਕਾਰਡ ਅਤੇ ਪੈਨ ਕਾਰਡ ਲਿੰਕ ਕਰਨ ਦੀ ਤਾਰੀਕ ਵਿੱਚ ਵਾਧਾ ਕੀਤਾ ਜਾਵੇ। ਇਸ ਤੋਂ ਇਲਾਵਾ ਸਕੂਟਰ, ਮੋਟਰ ਸਾਇਕਲ ਕਾਰਾਂ ਤੇ ਨਵੇਂ ਨੰਬਰ ਪਲੇਟ ਲਗਾਉਣ ਦੇ ਹੁਕਮ ਜਾਰੀ ਕੀਤੇ ਹਨ ਤੇ ਲੋਕਾਂ ਤੇ ਜੁਰਮਾਨੇ ਕਰਕੇ ਖਜਾਨਾ ਭਰਨਾ ਚਾਹੁੰਦੀ ਹੈ। ਜਿਸ ਨਾਲ ਲੋਕ ਦਾ ਗੁੱਸਾ ਜੱਗ ਜਾਹਰ ਹੈ। ਸੇਵਾ ਮੁਕਤ ਕਰਮਚਾਰੀ ਯੂਨੀਅਨ ਦੀ ਮੀਟਿੰਗ ਵਿੱਚ ਸਰਕਾਰ ਖਿਲਾਫ ਨਾਹਰੇ ਲਾ ਕੇ ਗੁੱਸਾ ਜਾਹਰ ਕੀਤਾ ਗਿਆ ਅਤੇ ਕਿਹਾ ਗਿਆ ਸਰਕਾਰ ਆਪਣੇ ਇਹ ਵੱਲ ਮਾਰੂ ਫੁਰਮਾਨ ਤੁਰੰਤ ਵਾਪਸ ਲਵੇ। ਮੀਟਿੰਗ ਵਿੱਚ ਗੁਰਬਖਸ਼ ਸਿੰਘ, ਤਰਲੋਚਨ ਸਿੰਘ, ਬਦਰ ਦੀਨ, ਜਸਪਾਲ ਸਿੰਘ, ਬੁਆ ਦਿਤਾ, ਸੁਰਿੰਦਰ ਕੁਮਾਰ, ਰਾਜਿੰਦਰ ਕੁਮਾਰ, ਬਿਮਲ ਕੁਮਾਰ ਤੋਂ ਇਲਾਵਾ ਯੂਨੀਅਨ ਦੇ ਜਨਰਲ ਸਕੱਤਰ ਜੋਗਿੰਦਰ ਸਿੰਘ ਪੰਛੀ ਨੇ ਸਟੇਜ ਦੀ ਕਾਰਵਾਈ ਨਿਭਾਈ।