ਚੰਡੀਗੜ੍ਹ, 30 ਜੂਨ (ਪ੍ਰੈੱਸ ਕਿ ਤਾਕਤ ਪ੍ਰੈੱਸ ਕਿ ਤਾਕਤ ਬਿਊਰੋ) – ਹਰਿਆਣਾ ਦੇ ਡਿਪਟੀ ਮੁੱਖ ਮੰਤਰੀ ਸ੍ਰੀ ਦੁਸ਼ਯੰਤ ਚੌਟਾਲਾ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਜੀਂਦ ਅਤੇ ਚਰਖੀ ਦਾਦਰੀ ਜਿਲ੍ਹਾ ਦੇ ਪਿੰਡਵਾਸੀਆਂ ਨੂੰ ਉਨ੍ਹਾਂ ਦੇ ਪਿੰਡ ਤੋਂ ਲੈ ਕੇ ਕਸਬਾ-ਸ਼ਹਿਰ ਤਕ ਰੋਡਵੇਜ ਦੀ ਬੱਸਾਂ ਦੀ ਸਹੂਲਤ ਉਪਲਬਧ ਕਰਵਾਈ ਜਾਵੇ। ਵਿਦਿਆਰਥੀਆਂ, ਵਿਸ਼ੇਸ਼ਕਰ ਕੁੜੀਆਂ ਦੇ ਲਈ ਵੀ ਉਨ੍ਹਾਂ ਦੇ ਪਿੰਡ ਤੋਂ ਵਿਦਿਅਕ ਸੰਸਥਾਨ ਤਕ ਬੱਸਾਂ ਰਾਹੀਂ ਆਉਣ ਜਾਣ ਦੀ ਵਿਵਸਥਾ ਕੀਤੀ ਜਾਣੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ, ਉਚਾਨਾ ਬੱਸ ਸਟੈਂਡ ਦੇ ਨਵੀਨੀਕਰਣ ਅਤੇ ਚਰਖੀ ਦਾਦਰੀ ਵਿਚ ਨਵੇਂ ਬੱਸ ਸਟੈਂਡ ਦੇ ਲਈ ਵੀ ਕਾਰਵਾਈ ਦੇ ਨਿਰਦੇਸ਼ ਦਿੱਤੇ।
ਡਿਪਟੀ ਸੀਏਮ ਅੱਜ ਇੱਥੇ ਹਰਿਆਣਾ ਰੋਡਵੇਜ ਦੇ ਸੀਨੀਅਰ ਅਧਿਕਾਰੀਆਂ ਦੀ ਮੀਟਿੰਗ ਦੀ ਅਗਵਾਈ ਕਰ ਰਹੇ ਸਨ। ਇਸ ਮੌਕੇ ‘ਤੇ ਟ੍ਰਾਂਸਪੋਰਟ ਵਿਭਾਗ ਦੇ ਪ੍ਰਧਾਨ ਸਕੱਤਰ ਸ੍ਰੀ ਨਵਦੀਪ ਸਿੰਘ ਵਿਰਕ ਸਮੇਤ ਹੋਰ ਸੀਨੀਅਰ ਅਧਿਕਾਰੀ ਮੌਜੂਦ ਸਨ।
ਸ੍ਰੀ ਦੁਸ਼ਯੰਤ ਚੌਟਾਲਾ ਨੇ ਕਿਹਾ ਕਿ ਉਹ ਹਾਲ ਹੀ ਵਿਚ ਜੀਂਦ ਅਤੇ ਚਰਖੀ ਦਾਦਰੀ ਜਿਲ੍ਹਾ ਦੇ ਵੱਖ-ਵੱਖ ਪਿੰਡਾਂ ਦਾ ਦੌਰਾ ਕਰ ਜਨਸਮਸਿਆਵਾਂ ਸੁਣ ਰਹੇ ਸਨ। ਇਸ ਦੌਰਾਨ ਲੋਕਾਂ ਨੇ ਉਨ੍ਹਾਂ ਦੇ ਸਾਹਮਣੇ ਪਿੰਡਾਂ ਵਿਚ ਬੱਸਾਂ ਦੀ ਕਮੀ ਨਾਲ ਜਾਣੂੰ ਕਰਵਾਇਆ ਸੀ।
ਡਿਪਟੀ ਮੁੱਖ ਮੰਤਰੀ ਨੂੰ ਅੱਜ ਦੀ ਮੀਟਿੰਗ ਵਿਚ ਰੋਡਵੇਜ ਵਿਭਾਗ ਦੇ ਅਧਿਕਾਰੀਆਂ ਨੇ ਜਾਣਕਾਰੀ ਦਿੱਤੀ ਕਿ ਵਿਭਾਗ ਵੱਲੋਂ ਜਲਦੀ ਹੀ ਨਵੀਂ ਬੱਸਾਂ ਖਰੀਦੀਆਂ ਜਾ ਰਹੀਆਂ ਹਨ ਅਤੇ ਰੋਡਵੇਜ ਦੀ ਬੱਸਾਂ ਵਿਚ ਅਜਿਹਾ ਡਿਵਾਇਸ ਲਗਵਾਇਆ ਜਾਵੇਗਾ ਜਿਸ ਤੋਂ ਇਹ ਪਤਾ ਚੱਲੇਗਾ ਕਿ ਰੋਡਵੇਜ ਜਾਂ ਮਾਨਤਾ ਪ੍ਰਾਪਤ ਬੱਸ ਆਪਣੇ ਨਿਰਧਾਰਿਤ ਰੂਟ ‘ਤੇ ਗਈ ਹੈ ਜਾਂ ਨਹੀਂ। ਉਨ੍ਹਾਂ ਨੇ ਇਹ ਵੀ ਦਸਿਆ ਕਿ ਹਰਿਆਣਾ ਸਰਕਾਰ ਵੱਲੋਂ ਆਪਣੇ ਘਰ ਤੋਂ ਦੂਰ ਪੜਨ ਲਈ ਜਾਣ ਵਾਲੀ ਕੁੜੀਆਂ ਨੂੰ ਫਰੀ ਵਿਚ ਬੱਸ ਸਹੂਲਤ ਦੇਣ ਦੀ ਵੀ ਯੋਜਨਾ ਹੈ, ਪਰ ਇਸ ਦੇ ਲਈ ਸਿਖਿਆ ਵਿਭਾਗ ਤੋਂ ਸੂਚੀ ਮਿਲਣ ਦੇ ਬਾਅਦ ਬੱਸਾਂ ਦੇ ਰੂਟ ਨਿਰਧਾਰਿਤ ਕੀਤੇ ਜਾਂਦੇ ਹਨ।
ਸ੍ਰੀ ਦੁਸ਼ਯੰਤ ਚੌਟਾਲਾ ਨੇ ਅਧਿਕਾਰੀਆਂ ਨੁੰ ਨਿਰਦੇਸ਼ ਦਿੱਤੇ ਕਿ ਜੀਂਦ ਅਤੇ ਚਰਖੀ ਦਾਦਰੀ ਜਿਲ੍ਹਾ ਦੇ ਉਨ੍ਹਾਂ ਸਾਰੇ ਪਿੰਡਾਂ ਵਿਚ ਰੋਡਵੇਜ ਦੀਆਂ ਬੱਸਾਂ ਦਾ ਪ੍ਰਬੰਧ ਕੀਤਾ ਜਾਵੇ ਜਿਨ੍ਹਾਂ ਪਿੰਡ ਵਿਚ ਜਰੂਰਤ ਹੈ। ਉਨ੍ਹਾਂ ਨੇ ਸਕੂਲ ਕਾਲਜ ਵਿਚ ਪੜਨ ਵਾਲੀ ਕੁੜੀਆਂ ਦੇ ਲਈ ਪ੍ਰਾਥਮਿਕਤਾ ਦੇ ਆਧਾਰ ‘ਤੇ ਬੱਸਾਂ ਦੀ ਵਿਵਸਥਾ ਕਰਨ ਨੂੰ ਕਿਹਾ। ਉਨ੍ਹਾਂ ਨੇ ਕਿਹਾ ਕਿ ਪਿੰਡ ਤੋਂ ਬਾਹਰ ਪੜਨ ਲਈ ਜਾਣ ਵਾਲੇ ਵਿਦਿਆਰਥੀਆਂ ਦੇ ਲਈ ਘੱਟ ਤੋਂ ਘੱਟ ਸਵੇਰੇ ਸ਼ਾਮ ਸੰਸਥਾਨਾਂ ਦੇ ਸਮੇਂ ਅਨੁਸਾਰ ਬੱਸਾਂ ਦੀ ਵਿਵਸਥਾ ਜਰੂਰ ਕੀਤੀ ਜਾਵੇ।
ਡਿਪਟੀ ਸੀਏਮ ਨੇ ਰੋਡਵੇਜ ਦੇ ਅਧਿਕਾਰੀਆਂ ਨੂੰ ਉਚਾਨਾ ਅਤੇ ਚਰਖੀ ਦਾਦਰੀ ਵਿਚ ਨਵਾਂ ਬੱਸ ਸਟੈਂਡ ਬਨਾਉਣ ਦੇ ਸਬੰਧ ਵਿਚ ਵੀ ਚਰਚਾ ਕੀਤੀ। ਉਨ੍ਹਾਂ ਨੇ ਦਸਿਆ ਕਿ ਦਾਦਰੀ ਦਾ ਪੁਰਾਣਾ ਬੱਸਾ ਸਟੈਂਡ ਸ਼ਹਿਰ ਦੀ ਭੀੜ ਨਾਲ ਘਿਰ ਗਿਆ ਹੈ, ਉੱਥੇ ਤਕ ਬੱਸਾਂ ਨੂੰ ਆਉਣ ਜਾਣ ਵਿਚ ਪਰੇਸ਼ਾਨੀ ਹੁੰਦੀ ਹੈ। ਅਤੇ ਜਾਮ ਵਿਚ ਵੀ ਬੱਸਾਂ ਫੰਸ ਜਾਂਦੀਆਂ ਹਨ। ਇਹੀ ਨਹੀਂ ਦੁਰਘਟਨਾ ਹੋਣ ਦਾ ਅੰਦੇਸ਼ਾ ਵੀ ਬਣਿਆ ਰਹਿੰਦਾ ਹੈ।
ਸ੍ਰੀ ਦੁਸ਼ਯੰਤ ਚੌਟਾਲਾ ਨੇ ਅਧਿਕਾਰੀਆਂ ਨੁੰ ਨਵੇਂ ਬੱਸ ਅੱਡੇ ਦਾ ਨਿਰਮਾਦ ਕਰਨ ਲਈ ਸ਼ਹਿਰ ਤੋਂ ਬਾਹਰ ਸਹੀ ਥਾਂ ‘ਤੇ ਜਮੀਨ ਤਲਾਸ਼ਨ ਦੇ ਨਿਰਦੇਸ਼ ਦਿੰਦੇ ਹੋਏ ਕਿਹਾ ਕਿ ਗ੍ਰਾਮੀਣ ਖੇਤਰ ਦੇ ਲੋਕਾਂ ਦੇ ਲਈ ਬੱਸ ਸਹੂਲਤ ਅਤੇ ਦਾਦਰੀ ਸ਼ਹਿਰੀ ਵਿਚ ਨਵੇਂ ਬੱਸ ਸਟੇਂਡ ਦੇ ਨਿਰਮਾਣ ਨੂੰ ਪ੍ਰਾਥਮਿਕਤਾ ਦੇ ਆਧਾਰ ‘ਤੇ ਲਿਆ ਜਾਵੇ।
