ਆਰਟ ਆਫ ਲਿਵਿੰਗ ਦੇ ਗਿਆਨ ਮੰਦਿਰ ਦਾ ਹੋਇਆ ਭੂਮੀ ਪੂਜਨ

ਗੁਰੂ ਪੂਰਨਿਮਾ ਦੇ ਸ਼ੁਭ ਮੌਕੇ ‘ਤੇ ਵਿਸ਼ਵ ਵਿਚ ਸ਼ਾਂਤੀ ਦੇ ਉਦੇਸ਼ ਨਾਲ ਕੰਮ ਕਰਨ ਵਾਲੀ ਸੰਸਥਾ ਆਰਟ ਆਫ ਲਿਵਿੰਗ ਦੇ ਗਿਆਨ ਮੰਦਰ ਦਾ ਭੂਮੀ ਪੂਜਨ ਵੈਦਿਕ ਉਚਾਰਣ ਦੀ ਧੁਨ ਵਿਚ ਵਿਅਕਤਿ ਵਿਕਾਸ ਕੇਂਦਰ ਟਰੱਸਟ ਦੇ ਚੇਅਰਮੈਨ ਪ੍ਰਸੰਨਾ ਪ੍ਰਭੂ ਵੱਲੋਂ ਕੀਤਾ ਗਿਆ। ਪਾਰਕ ਪਨੋਰਮਾ ਵਿਖੇ ਸਵੇਰੇ 6 ਵਜੇ ਸ਼ੁਰੂ ਹੋਏ ਇਸ ਪ੍ਰੋਗਰਾਮ ਵਿੱਚ ਗੁਰੂ ਪੂਜਾ ਕਰਕੇ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ ਗਈ। ਜਿਸ ਉਪਰੰਤ ਭੂਮੀ ਪੂਜਨ, ਹਵਨ ਯੱਗ, ਸਤਿਸੰਗ ਉਪਰੰਤ  ਪ੍ਰਸ਼ਾਦ ਵੰਡਿਆ ਗਿਆ। ਪ੍ਰੋਗਰਾਮ ‘ਚ ਪਹੁੰਚੇ ਸ਼ਰਧਾਲੂਆਂ ਨੂੰ ਸੰਬੋਧਨ ਕਰਦਿਆਂ ਪ੍ਰਸੰਨਾ ਪ੍ਰਭੂ ਨੇ ਕਿਹਾ ਕਿ ਇਸ ਗਿਆਨ ਮੰਦਿਰ ‘ਚ ਲੋਕਾਂ ਦੇ ਜੀਵਨ ‘ਚ ਵੱਡੀਆਂ ਤਬਦੀਲੀਆਂ ਆਉਣਗੀਆਂ | ਗਿਆਨ ਦੇ ਇਸ ਮੰਦਰ ਵਿੱਚ ਲੋਕ ਧਿਆਨ ਅਤੇ ਯੋਗ ਰਾਹੀਂ ਜੀਵਨ ਪੱਧਰ ਨੂੰ ਉੱਚਾ ਚੁੱਕਣ ਅਤੇ ਸੰਸਾਰ ਵਿੱਚ ਸ਼ਾਂਤੀ ਸਥਾਪਤ ਕਰਨ ਲਈ ਗਿਆਨ ਪ੍ਰਾਪਤ ਕਰਨਗੇ। ਅਪੈਕਸ ਮੈਂਬਰ ਸੁਰੇਸ਼ ਗੋਇਲ ਨੇ ਦੱਸਿਆ ਕਿ ਇਹ ਗਿਆਨ ਮੰਦਿਰ 2500 ਵਰਗ ਗਜ਼ ਵਿੱਚ ਇੱਕ ਸੁੰਦਰ ਤਿੰਨ ਮੰਜ਼ਿਲਾ ਇਮਾਰਤ ਦੇ ਰੂਪ ਵਿੱਚ ਬਣਾਇਆ ਜਾਵੇਗਾ। ਇਸ ਵਿਸ਼ਾਲ ਗਿਆਨ ਮੰਦਿਰ ਵਿੱਚ ਲੋਕਾਂ ਨੂੰ ਤਣਾਅ ਮੁਕਤੀ, ਯੋਗਾ, ਹੁਨਰ ਵਿਕਾਸ, ਪੂਜਾ-ਪਾਠ, ਮਹਿਲਾ ਸਸ਼ਕਤੀਕਰਨ, ਸਵੈ-ਰੁਜ਼ਗਾਰ ਦੇ ਸਾਧਨ ਮਿਲਣਗੇ। ਘਰੇਲੂ ਔਰਤਾਂ, ਗਰੀਬਾਂ ਲਈ ਸਾਧੂ ਲਈ ਭੰਡਾਰਾ, ਪੰਚਕਰਮ, ਆਯੁਰਵੈਦਿਕ ਇਲਾਜ, ਆਈ ਐਕਸਲ ਆਈ ਲੀਡ ਕੋਰਸ ਹੋਣਗੇ। ਗਿਆਨ ਦੇ ਇਸ ਵਿਸ਼ਾਲ ਮੰਦਰ ਵਿੱਚ ਮਨੁੱਖਤਾ ਲਈ ਵਰਦਾਨ ਸੁਦਰਸ਼ਨ ਕਿਰਿਆ ਵੀ ਲੋਕਾਂ ਨੂੰ ਸਿਖਾਈ ਜਾਵੇਗੀ। ਡਾ: ਅਮਿਤ ਤਨੇਜਾ ਅਤੇ ਰਮਨ ਅਗਰਵਾਲ ਨੇ ਲੋਕਾਂ ਨੂੰ ਇਸ ਸੇਵਾ ਕਾਰਜ ਨਾਲ ਜੁੜਨ ਦੀ ਅਪੀਲ ਕੀਤੀ ।