ਜਿਲਾ ਮਾਰਕੀਟ ਕਮੇਟੀ ਪਟਿਆਲੇ ਦੇ ਦਫਤਰ ਦੇ ਅੱਗੇ ਮੁਲਾਜਮਾਂ ਦੀਆਂ ਮੰਗਾਂ ਸਬੰਧੀ ਧਰਨਾ ਦਿੱਤਾ ਗਿਆ

ਪਟਿਆਲਾ,23-01-23(ਪ੍ਰੈਸ ਕਿ ਤਾਕਤ ਬਿਊਰੋ): ਅੱਜ ਮਿਤੀ 23—01—2023 ਨੂੰ ਜਿਲਾ ਮਾਰਕੀਟ ਕਮੇਟੀ ਪਟਿਆਲੇ ਦੇ ਦਫਤਰ ਦੇ ਅੱਗੇ ਮੁਲਾਜਮਾਂ ਦੀਆਂ ਮੰਗਾਂ ਸਬੰਧੀ ਧਰਨਾ ਦਿੱਤਾ ਗਿਆ। ਜਿਵੇਂ ਮਾਰਕੀਟ ਕਮੇਟੀ ਵਿੱਚ 30—35 ਸਾਲ ਕੰਮ ਕਰਕੇ 7—8 ਸਾਲਾਂ ਤੋਂ ਸੇਵਾ ਮੁਕਤ ਹੋਏ ਕਰਮਚਾਰੀਆਂ ਦੇ ਪੈਨਸ਼ਨਰੀ ਡਿਊ ਜਾਰੀ ਨਾ ਕਰਕੇ ਰੋਸ ਪਾਇਆ ਜਾ ਰਿਹਾ ਹੈ। ਮਾਰਕੀਟ ਕਮੇਟੀ ਦੇ ਸਕੱਤਰ ਜਿਆਦਾ ਤਰ ਆਪਣੇ ਦਫਤਰ ਵਿੱਚ ਨਹੀਂ ਬੈਠਦਾ ਅਤੇ ਨਾ ਹੀ ਜਥੇਬੰਦੀ ਦੇ ਮੰਗਾਂ ਸਬੰਧੀ ਕੋਈ ਗੱਲਬਾਤ ਕਰਨ ਲਈ ਮੀਟਿੰਗ ਨਹੀਂ ਦਿੱਤੀ। ਜਿਸ ਕਰਕੇ ਮੁਲਾਜਮਾਂ ਨੇ ਆਪਣਾ ਰੋਸ ਪ੍ਰਗਟ ਕੀਤਾ ਅਤੇ ਇਹ ਵੀ ਵਿਚਾਰ ਕੀਤਾ ਕਿ 26 ਜਨਵਰੀ ਨੂੰ ਜੋ ਵੀ ਝੰਡਾ ਲਹਿਰਾਉਣ ਮੁੱਖ ਮਹਿਮਾਨ ਇੱਥੇ ਆਵੇਗਾ ਕਾਲੀ ਝੰਡੀਆਂ ਨਾਲ ਮਾਰਕੀਟ ਕਮੇਟੀ ਦੇ ਸਾਥੀ ਉਸ ਤੇ ਰੋਸ ਕਰਨਗੇ। ਆਪਣੇ ਸੰਬੋਧਨ ਵਿੱਚ ਜਿਲਾ ਫੈਡਰੇਸ਼ਨ ਦੇ ਪ੍ਰਧਾਨ ਜਗਮੋਹਨ ਸਿੰਘ ਨੋਲੱਖਾ, ਬਲਜਿੰਦਰ ਸਿੰਘ ਜਨਰਲ ਸਕੱਤਰ ਪੰਜਾਬ, ਰਾਮ ਲਾਲ ਰਾਮਾ ਨੇ ਦੱਸਿਆ ਕਿ ਜਲਦੀ ਹੀ ਮਾਰਕੀਟ ਦੇ ਸਕੱਤਰ ਵਿਰੁੱਧ ਐਕਸ਼ਨ ਕਰਨ ਲਈ ਮਾਰਕੀਟ ਕਮੇਟੀ ਦੇ ਸਾਥੀ ਮਜਬੂਰ ਹੋਣਗੇ। ਧਰਨੇ ਵਿੱਚ ਸਾਥੀ ਸ਼ਾਮਲ ਹੋਏ ਜਿਸ ਵਿੱਚ ਅਮਰੀਕ ਸਿੰਘ, ਦਰਸ਼ਨ ਸਿੰਘ, ਅਮਰਜੀਤ ਸਿੰਘ, ਮੇਘ ਨਾਥ, ਮੱਖਣ ਸਿੰਘ, ਗੁਰਮੀਤ ਸਿੰਘ, ਹਰਮਿੰਦਰ ਸਿੰਘ, ਰਿੰਕੂ,  ਗੁਰਮੀਤ ਸਿੰਘ ਖਾਨਪੁਰ, ਅਨਿਲ ਕੁਮਾਰ, ਸ਼ਾਪ ਸਿੰਘ, ਅਮਰਜੀਤ ਸਿੰਘ ਧਾਲੀਵਾਲ, ਰਵਿੰਦਰ ਸਿੰਘ, ਉਸ਼ਾ ਰਾਮ, ਅਰਵਿੰਦਰ ਸਿੰਘ, ਬਲਵਿੰਦਰ ਸਿੰਘ, ਤੇਜਿੰਦਰ ਪਾਲ ਸਿੰਘ ਆਦਿ ਹਾਜਰ ਸਨ।