ਨਵੀਂ ਦਿੱਲੀ 10 ਅਕਤੂਬਰ (ਮਨਮੋਹਨ ਸਿੰਘ)
ਅੱਜ ਦੇਸ਼ ਭਰ ਵਿੱਚ ਸ਼ਰਧਾ ਤੇ ਭਾਵਨਾ ਨਾਲ ਪਵਿੱਤਰ ਕਰਵਾ ਚੌਥ ਦਾ ਤਿਉਹਾਰ ਮਨਾਇਆ ਗਿਆ। ਇਸ ਮੌਕੇ ‘ਤੇ ਵਿਆਹੀ ਮਹਿਲਾਵਾਂ ਨੇ ਆਪਣੇ ਪਤੀਆਂ ਦੀ ਲੰਬੀ ਉਮਰ, ਸੁਖ-ਮਈ ਅਤੇ ਖੁਸ਼ਹਾਲ ਜੀਵਨ ਦੀ ਮਨੋਕਾਮਨਾ ਕਰਦੇ ਹੋਏ ਦਿਨ ਭਰ ਦਾ ਵਰਤ ਰੱਖਿਆ। ਸਵੇਰ ਤੋਂ ਹੀ ਔਰਤਾਂ ਨੇ ਪੂਰਨ ਆਸਥਾ ਨਾਲ ਇਹ ਵਰਤ ਸ਼ੁਰੂ ਕੀਤਾ ਤੇ ਸੂਰਜ ਡੁੱਬਣ ਤੋਂ ਬਾਅਦ ਚੰਦਰਮਾ ਦੇ ਦਰਸ਼ਨ ਕਰਕੇ ਆਪਣੇ ਪਤੀਆਂ ਦੇ ਹੱਥਾਂ ਨਾਲ ਵਰਤ ਖੋਲ੍ਹਿਆ।
ਸ਼ਾਮ ਦੇ ਸਮੇਂ ਰਿਵਾਇਤੀ ਰਸਮਾਂ ਅਨੁਸਾਰ ਮਹਿਲਾਵਾਂ ਨੇ ਪੰਡਤਾਂ ਤੇ ਧਾਰਮਿਕ ਮਹਾਂਪੁਰਖਾਂ ਤੋਂ ਅਸ਼ੀਰਵਾਦ ਪ੍ਰਾਪਤ ਕੀਤਾ, ਜਿਸ ਨਾਲ ਮਾਹੌਲ ਭਗਤੀ ਤੇ ਪਿਆਰ ਦੇ ਰੰਗਾਂ ਨਾਲ ਰੰਗਿਆ ਨਜ਼ਰ ਆਇਆ। ਹਰ ਪਾਸੇ ਸਜਾਵਟਾਂ, ਰੰਗੋਲੀ, ਮਿੱਠਿਆਂ ਦੀ ਖੁਸ਼ਬੂ ਅਤੇ ਸੰਗੀਤਕ ਮਾਹੌਲ ਨੇ ਤਿਉਹਾਰ ਨੂੰ ਹੋਰ ਵੀ ਰੌਸ਼ਨ ਬਣਾ ਦਿੱਤਾ।
ਇਹ ਤਿਉਹਾਰ ਨਾਰੀ ਦੀ ਸਹਿਨਸ਼ੀਲਤਾ, ਸਮਰਪਣ ਤੇ ਪਿਆਰ ਦੀ ਜੀਵੰਤ ਪ੍ਰਤੀਕਤਾ ਹੈ — ਜੋ ਸੰਸਕਾਰਾਂ ਤੇ ਪਰਿਵਾਰਕ ਏਕਤਾ ਦੀ ਡੋਰ ਨੂੰ ਮਜ਼ਬੂਤ ਕਰਦਾ ਹੈ। ਅਨਮੋਲ ਮੁਸਕਾਨ ਕਾਂਤੀ ਪਤਨੀ ਦੀਪ ਸਿੰਘ ਚੈਰੀਟੇਬਲ ਟਰੱਸਟ ਦੀ ਚੇਅਰਪਰਸਨ ਸ਼੍ਰੀਮਤੀ ਅਮਰਜੀਤ ਕੌਰ ਨੇ ਇਕ ਸੰਦੇਸ਼ ਵਿੱਚ ਭਾਰਤ ਭਰ ਦੀਆਂ ਮਹਿਲਾਵਾਂ ਨੂੰ ਇਸ ਪਵਿੱਤਰ ਤਿਉਹਾਰ ਦੀ ਵਧਾਈ ਦਿੱਤੀ ਹੈ।
