ਪੰਜਾਬ ਸਰਕਾਰ ਵੱਲੋਂ ਕੀਤੇ ਜਾ ਰਹੇ ਮਜ਼ਦੂਰਾਂ ਨਾਲ ਧੱਕੇ ਦੇ ਵਿਰੋਧ ਵਿਚ, ਜ਼ਮੀਨ ਪ੍ਰਾਪਤੀ ਸੰਘਰਸ਼ ਕਮੇਟੀ ਨੇ ਕੀਤਾ ਸੰਘਰਸ਼ ਸ਼ੁਰੂ।

ਪਟਿਆਲਾ,09-01-23(Press Ki Taquat): ਬਲਾਕ ਸ਼ੰਭੂ ਦੇ ਪਿੰਡ ਮਹਿਮਾ ਵਿੱਚ ਜਿੱਥੇ ਮਜ਼ਦੂਰਾਂ ਪਰਿਵਾਰਾਂ ਨੇ ਅੱਜ ਤੋਂ ਕਈ ਸਾਲ ਪਹਿਲਾਂ ਜ਼ਮੀਨ ਨੂੰ ਹੱਡ ਤੋੜ ਮਿਹਨਤ ਕਰਕੇ ਅਬਾਦ ਕੀਤਾ। ਅਬਾਦ  ਕੀਤੀ ਜ਼ਮੀਨ ਦੀ ਬੋਲੀ ਬੀਡੀਪੀਓ( ਬਲਾਕ ਸ਼ੰਭੂ )ਨੇ ਕਾਨੂੰਨ ਦੀਆਂ ਧੱਜੀਆਂ ਉਡਾਉਂਦੇ ਹੋਏ ਕਾਨੂੰਨ ਨੂੰ ਛਿੱਕੇ ਟੰਗ ਕੇ ਕੀਤੀ ਹੈ। ਜਿਸ ਦੇ ਵਿਰੋਧ ਵਿਚ ਜ਼ਮੀਨ ਪ੍ਰਾਪਤੀ ਸੰਘਰਸ਼ ਕਮੇਟੀ ਨੇ ਕੀਤਾ ਸੰਘਰਸ਼ ਸ਼ੁਰੂ।
ਜ਼ਮੀਨ ਪ੍ਰਾਪਤੀ ਸੰਘਰਸ਼ ਕਮੇਟੀ ਦੇ ਜ਼ੋਨਲ ਮੀਤ ਪ੍ਰਧਾਨ  ਗੁਰਵਿੰਦਰ ਸਿੰਘ ਬੋੜਾ ਕਲਾਂ ਨੇ ਕਿਹਾ ਕਿ ਇਕ ਪਾਸੇ ਪੰਜਾਬ ਸਰਕਾਰ ਆਬਾਦ ਕੀਤੀ ਜ਼ਮੀਨ ਛੋਟੇ ਕਿਸਾਨ ਅਤੇ ਬੇਜ਼ਮੀਨੇ ਮਜ਼ਦੂਰ (ਅਬਾਦਕਾਰਾਂ) ਨੂੰ ਦੇਣ ਦੀਆਂ ਟਾਹਰਾਂ ਮਾਰ ਰਹੀ ਹੈ ਪਰ ਦੂਜੇ ਪਾਸੇ ਇਹ ਜ਼ਮੀਨ ਅੱਜ ਤੋਂ ਲਗਭਗ 65-70 ਸਾਲ ਪਹਿਲਾਂ ਸਖਤ ਮਿਹਨਤ ਕਰ ਕੇ ਮਜ਼ਦੂਰ ਪਰਿਵਾਰਾਂ ਨੇ ਆਬਾਦ ਕੀਤੀ ਹੈ। ਅਬਾਦ ਕੀਤੀ ਜ਼ਮੀਨ ਦੀ ਬੋਲੀ ਸ਼ੰਭੂ ਬਲਾਕ ਦੇ ਬੀ ਡੀ ਪੀ ਓ ਨੇ ਕਾਨੂੰਨ ਨੂੰ ਛਿੱਕੇ ਟੰਗ ਕੇ ਕੀਤੀ ਜਦੋਂ ਕਿ ਇਸ ਜ਼ਮੀਨ ਦੀ ਮਾਲਕੀ ਲੈਣ ਸਬੰਧੀ ਹਾਈਕੋਰਟ ਵਿਚ ਕੇਸ ਚੱਲ ਰਿਹਾ ਹੈ। ਦੂਜਾ ਜੇ ਡੀ ਸੀ ਦੇ ਸੈਕਸ਼ਨ 7ਦਾ ਕੇਸ ਚੱਲ ਰਿਹਾ ਹੈ। ਇਸ ਦਾ ਕੋਈ ਅਜੇ ਤੱਕ ਫੈਸਲਾ ਨਹੀਂ ਆਇਆ ਬਿਨਾਂ  ਫੈਸਲਾ ਆਏ ਹੀ ਕਾਨੂੰਨ ਦੀਆਂ ਧੱਜੀਆਂ ਉਡਾ ਕੇ ਬੀਡੀਪੀਓ (ਬਲਾਕ ਸੰਭੂ) ਨੇ ਬੋਲੀ ਕੀਤੀ ਹੈ ਜਦੋਂ ਕਿ ਜ਼ਮੀਨ ਉਪਰ ਮਜ਼ਦੂਰਾਂ ਦੀ ਫਸਲ ਖੜੀ ਹੈ। ਮਜ਼ਦੂਰਾਂ ਦਾ ਕਬਜ਼ਾ ਹੈ। ਜਿਸ ਤੇ ਸਿਵਲ ਕੋਰਟ ਰਾਜਪੁਰਾ ਨੇ ਬਲਾਕ ਸ਼ੰਭੂ ਦੇ ਬੀਡੀਪੀਓ ਨੂੰ ਕੀਤੀ ਬੋਲੀ ਸੰਬੰਧੀ ਸਮੇਂਤ ਪੰਚਾਇਤ ਪੇਸ਼ ਹੋਣ ਲਈ ਕਿਹਾ ਹੈ। ਬਲਾਕ ਸ਼ੰਭੂ ਦੇ ਬੀਡੀਪੀਓ  ਦਾ ਇਹ ਮਜ਼ਦੂਰ ਵਿਰੋਧੀ ਰਵੱਈਆ ਜ਼ਮੀਨ ਪ੍ਰਾਪਤੀ ਸੰਘਰਸ਼ ਕਮੇਟੀ ਬਰਦਾਸ਼ਤ ਨਹੀਂ ਕਰੇਗੀ। ਜਿਸ ਤੇ ਮਜ਼ਦੂਰ ਪਰਿਵਾਰਾਂ ਨੇ ਇਕੱਠੇ ਹੋ ਕੇ ਜ਼ਮੀਨ ਵਿਚ ਟੈਂਟ ਲਗਾ ਕੇ ਮੋਰਚਾ ਸ਼ੁਰੂ ਕਰ ਦਿੱਤਾ ਹੈ।
ਇਸ ਤੋਂ ਇਲਾਵਾ ਹਰਚੰਦ ਸਿੰਘ, ਸਰੂਪ ਸਿੰਘ, ਹਰਦੇਵ ਸਿੰਘ, ਬਹਾਦਰ ਸਿੰਘ, ਯਾਦਵਿੰਦਰ ਸਿੰਘ ਆਦਿ ਹਾਜ਼ਰ ਸਨ