RelatedPosts
ਪਟਿਆਲਾ 11 ਜਨਵਰੀ (ਪ੍ਰੈਸ ਕੀ ਤਾਕਤ ਬਿਊਰੋ) : ਪਟਿਆਲਾ ਦੇ ਅਨਾਰਦਾਨਾ ਪਾਰਕ *ਚ ਦਿਨ ਦਿਹਾੜੇ ਮਰਡਰ ਕਰਨ ਵਾਲੇ 2 ਦੋਸ਼ੀਆਂ ਨੂੰ ਪਟਿਆਲਾ ਦੀ ਕੋਤਵਾਲੀ ਪੁਲਿਸ ਅਤੇ ਸੀ ਆਈ ਏ ਨੇ ਸਾਂਝੇ ਉਦਮ ਨਾਲ ਗਿਰਫਤਾਰ ਕਰਨ ਵਿੱਚ ਸਫਲਤਾ ਹਾਸਿਲ ਕਰ ਲਈ ਹੈ।ਪਟਿਆਲਾ *ਚ 2 ਦਿਨ ਪਹਿਲਾਂ ਮਾਸਟਰ ਤਾਰਾ ਸਿੰਘ ਪਾਰਕ ਅਨਾਰਦਾਨਾ ਚੌਂਕ ਪਾਰਕ ਵਿਖੇ ਮਜੀਦ ਮੁਹੰਮਦ ਉਰਫ ਪਿੰਟਾ ਨੂੰ ਤੇਜ਼ਧਾਰ ਹਥਿਆਰਾਂ ਨਾਲ ਕਤਲ ਕਰ ਦਿੱਤਾ ਗਿਆ ਸੀ।
ਪਟਿਆਲਾ ਦੇ ਸੀਨੀਅਰ ਕਪਤਾਨ ਪੁਲਿਸ ਵਿਕਰਮਜੀਤ ਸਿੰਘ ਦੁੱਗਲ ਆਈ ਪੀ ਐੱਸ ਦੇ ਨਿਰਦੇਸ਼ਾਂ ਅਨੁਸਾਰ ਵਰੁਣ ਸ਼ਰਮਾ ਆਈ ਪੀ ਐਸ ਦੀ ਅਗਵਾਈ ਹੇਠ ਇੰਸਪੈਕਟਰ ਇੰਦਰਪਾਲ ਚੌਹਾਨ ਮੁੱਖ ਅਫਸਰ ਥਾਣਾ ਕੋਤਵਾਲੀ ਪਟਿਆਲਾ ਅਤੇ ਇੰਸਪੈਕਟਰ ਰਾਹੁਲ ਕੌਸ਼ਲ ਇੰਚਾਰਜ ਸੀ ਆਈ ਏ ਸਟਾਫ ਪਟਿਆਲਾ ਦੀਆਂ ਪੁਲਿਸ ਪਾਰਟੀ ਟੀਮਾਂ ਨੇ ਮੁਕਦਮਾ ਨੰਬਰ 13 ਮਿਤੀ 9.1.2021 ਆਈ ਪੀ ਸੀ 302, 34 ਥਾਣਾ ਕੋਤਵਾਲੀ ਪਟਿਆਲਾ ਦਰਜ ਕੀਤਾ ਸੀ।
ਪਟਿਆਲਾ ਦੇ ਅਨਾਰ ਦਾਨਾ ਪਾਰਕ ਵਿਚ ਮਜੀਦ ਮੁਹੰਮਦ ਉਰਫ ਪਿੰਟਾ ਨੂੰ ਤੇਜ਼ਧਾਰ ਹਥਿਆਰਾਂ ਨਾਲ ਕਤਲ ਕਰਨ ਤੋਂ ਬਾਅਦ ਦੋਸ਼ੀ ਮੌਕੇ ਤੋਂ ਫਰਾਰ ਹੋ ਗਏ ਸੀ ਨੂੰ ਪੁਲਿਸ ਨੇ ਦੋਸ਼ੀ ਅਰਸ਼ਦ ਪੁੱਤਰ ਰਾਜਾ, ਰਾਜਾ ਪੁੱਤਰ ਮਾਸ਼ੂਕ ਹੁਸੈਨ ਵਾਸੀ ਮੁੱਹਲਾ ਚਟਕਪੁੱਰਾ ਪਟਿਆਲਾ ਨੂੰ ਅਗਰਸੈਨ ਚੋਕ ਸਮਾਣਾ ਤੋਂ ਅਤੇ ਦੋਸ਼ੀ ਇਮਰਾਨ ਉਰਫ ਮੋਨੂੰ ਪੁੱਤਰ ਮੋਹੰਮਦ ਅਕਰਮ ਵਾਸੀ ਮੋਹਲਾ ਚਟਕਪੁਰਾ ਪਟਿਆਲਾ ਨੂੰ ਡਕਾਲਾ ਚੁੰਗੀ ਪਟਿਆਲਾ ਤੋਂ ਗਿਰਫ਼ਤਾਰ ਕਰ ਲਿਆ।
ਇੰਸਪੈਕਟਰ ਇੰਦਰਪਾਲ ਚੌਹਾਨ ਮੁੱਖ ਅਫਸਰ ਥਾਣਾ ਕੋਤਵਾਲੀ ਪਟਿਆਲਾ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਦੋਸ਼ੀਆਂ ਨੂੰ ਅਦਾਲਤ ਵਿਚ ਪੇਸ਼ ਕਰਕੇ ਪੁਲਿਸ ਰਿਮਾਂਡ ਹਾਸਲ ਕਰਕੇ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾਵੇਗੀ ਅਤੇ ਵਾਰਦਾਤ ਵਿੱਚ ਵਰਤੇ ਗਏ ਮਾਰੂ ਹਥਿਆਰ ਬਰਾਮਦ ਕਰਵਾਏ ਜਾਣਗੇ।
