ਬਰੈਂਪਟਨ, 6 ਫਰਵਰੀ (ਅਮ੍ਰਿਤ ਪਾਲ ਸਿੰਘ ਸਾਹਨੀ) : ਕੈਨੇਡਾ ਸੰਸਾਰ ਦੇ ਲਗਪਗ ਸਾਰੇ ਦੇਸ਼ਾਂ ਤੋਂ ਪੁੱਜੇ ਹੋਏ ਪ੍ਰਵਾਸੀਆਂ ਅਤੇ ਉਨ੍ਹਾਂ ਦੀਆਂ ਅਗਲੀਆਂ ਪੀੜੀਆਂ ਦਾ ਦੇਸ਼ ਹੈ¢ ਦੇਸ਼ ਦੇ ਵਿਕਾਸ ਅਤੇ ਤਰੱਕੀ ਨੂੰ ਯਕੀਨੀ ਬਣਾਈ ਰੱਖਣ ਲਈ ਉਸ ਦੇਸ਼ ਦੀ ਸਰਕਾਰ ਵਲੋਂ ਕਈ ਪ੍ਰਕਾਰ ਦੇ ਇਮੀਗ੍ਰੇਸ਼ਨ ਕਾਨੂੰਨ ਬਣਾਏ ਜਾਂਦੇ ਹਨ ਜਿਨ੍ਹਾਂ ਤਹਿਤ ਵਿਦੇਸ਼ਾਂ ਤੋਂ ਲੋਕ ਪੱਕਾ ਵੀਜ਼ਾ ਹਾਸਲ ਕਰਕੇ ਬੜੀ ਸ਼ਾਨ ਨਾਲ ਕੈਨੇਡਾ ਪੁੱਜ ਸਕਦੇ ਹਨ¢ ਕੈਨੇਡਾ ਵਾਸੀ ਦੇ ਪਰਿਵਾਰਕ ਮੈਂਬਰ ਵਜੋਂ ਪੱਕਾ ਵੀਜ਼ਾ ਜਾਰੀ ਕਰਨ ਦੀ ਬਜਾਏ ਯੋਗਤਾ ਪ੍ਰਾਪਤ ਲੋਕਾਂ ਨੂੰ ਵੱਧ ਮੌਕਾ ਦਿੱਤਾ ਜਾਂਦਾ ਹੈ¢ 1967 ਤੋਂ ਫੈਡਰਲ ਸਕਿੱਲਡ ਪ੍ਰੋਗਰਾਮ ਜਿਸ ਤੋਂ ਬਾਅਦ 1978 ਕਾਰੋਬਾਰੀਆਂ ਲਈ ਵੱਖਰੀਆਂ ਇਮੀਗ੍ਰੇਸ਼ਨ ਕੈਟਾਗਰੀਆਂ ਹੋਂਦ ‘ਚ ਆਈਆਂ ਸਨ¢ 1986 ‘ਚ ਨਿਵੇਸ਼ਕਾਂ ਲਈ ਵੱਖਰੀ ਕੈਟਾਗਰੀ ਬਣਾ ਦਿੱਤੀ ਗਈ ਸੀ¢ 1999 ‘ਚ ਪ੍ਰਾਂਤਾਂ ਦੇ ਆਪਣੇ ਖੇਤਰੀ ਲੋੜਾਂ ਮੁਤਾਬਿਕ ਪ੍ਰੋਵਿੰਸ਼ੀਅਲ ਨਾਮੀਨੀ ਪ੍ਰੋਗਰਾਮ ਵੀ ਲਾਗੂ ਕੀਤੇ ਗਏ¢ ਉਨ੍ਹਾਂ ਸਾਰੀਆਂ ਕੈਟਾਗਰੀਆਂ ਰਾਹੀਂ ਲੋਕ ਆਪਣੀ ਯੋਗਤਾ ਅਤੇ ਸਮਰੱਥਾ ਮੁਤਾਬਿਕ ਇਮੀਗ੍ਰੇਸ਼ਨ ਪ੍ਰਾਪਤ ਕਰਦੇ ਸਨ ਪਰ ਸਨ 2000 ਤੋਂ ਬਾਅਦ ਜਦੋਂ ਇਕ ਦਮ ਭਾਰਤ ਸਮੇਤ ਕਈ ਹੋਰ ਦੇਸ਼ਾਂ ਤੋਂ ਲੱਖਾਂ ਦੀ ਤਾਦਾਦ ‘ਚ ਲੋਕਾਂ ਨੇ ਅਪਲਾਈ ਕਰਨਾ ਸ਼ੁਰੂ ਕਰ ਦਿੱਤਾ ਤਾਂ ਕੈਨੇਡਾ ਸਰਕਾਰ ਨੇ ਇਮੀਗ੍ਰੇਸ਼ਨ ਕਾਨੂੰਨਾਂ ‘ਚ ਤਬਦੀਲੀ ਕਰਨ ਦੀ ਲੋੜ ਸਮਝੀ ਤਾਂ ਕਿ ਦੇਸ਼ ਦੀ ਰੁਜ਼ਗਾਰ ਮਾਰਕੀਟ ਦੇ ਮੁਤਾਬਿਕ ਹੀ ਪ੍ਰਵਾਸੀ ਦੇਸ਼ਾਂ ‘ਚ ਲਿਆਂਦੇ ਜਾਣ¢ 2014 ‘ਚ ਦਹਾਕਿਆਂ ਤੋਂ ਚੱਲ ਰਹੀਆਂ ਕੁਝ ਇਮੀਗ੍ਰੇਸ਼ਨ ਕੈਟਾਗਰੀਆਂ ਨੂੰ ਬੰਦ ਕਰ ਦਿੱਤਾ ਗਿਆ ਜਾਂ ਸਖ਼ਤ ਕਰ ਦਿੱਤਾ ਗਿਆ ਜਿਸ ਨਾਲ ਘੱਟ ਯੋਗਤਾ ਵਾਲੇ ਲੋਕਾਂ ਖ਼ਾਸ ਤੌਰ ‘ਤੇ ਅੰਗਰੇਜ਼ੀ ‘ਚ ਕਮਜ਼ੋਰ ਵਿਅਕਤੀਆਂ ਵਾਸਤੇ ਪੱਕੀ ਇਮੀਗ੍ਰੇਸ਼ਨ ਹਾਸਲ ਕਰਨਾ ਸੰਭਵ ਨਾ ਰਿਹਾ¢ ਇਸ ਸਮੇਂ ਫੈਡਰਲ ਸਕਿੱਲਡ ਟਰੇਡਜ਼ ਪ੍ਰੋਗਰਾਮ, ਕੈਨੇਡੀਅਨ ਐਕਸਪੀਰੀਏਾਸ ਕਲਾਸ, ਐਟਲਾਂਟਿਕ ਇਮੀਗ੍ਰੇਸ਼ਨ ਪਾਇਲਟ ਪ੍ਰੋਗਰਾਮ ਸਮੇਤ ਕੁਲ 80 ਤੋਂ ਵੱਧ ਤਰੀਕਿਆਂ ਨਾਲ ਕੈਨੇਡਾ ਦੀ ਪੱਕੀ ਇਮੀਗ੍ਰੇਸ਼ਨ ਪ੍ਰਾਪਤ ਕਰਨ ਦੇ ਰਸਤੇ ਮੌਜੂਦ ਹਨ¢ ਜਿਹੜੇ ਵਿਅਕਤੀ ਉਨ੍ਹਾਂ ਪ੍ਰੋਗਰਾਮਾਂ ਦੀਆਂ ਸ਼ਰਤਾਂ (ਪ੍ਰਮੁੱਖ ਤੌਰ ‘ਤੇ ਅੰਗਰੇਜ਼ੀ ਭਾਸ਼ਾ ਦਾ ਗਿਆਨ, 35 ਕੁ ਸਾਲ ਤੋਂ ਘੱਟ ਉਮਰ, ਵਿੱਦਿਆ ਅਤੇ ਕਿੱਤੇ ਦਾ ਤਜਰਬਾ) ਮੁਤਾਬਿਕ ਆਪਣੇ ਆਪ ਨੂੰ ਯੋਗ ਕਰ ਲੈਂਦੇ ਹਨ ਉਨ੍ਹਾਂ ਵਾਸਤੇ ਪੱਕੇ ਤੌਰ ‘ਤੇ ਕੈਨੇਡਾ ਪੁੱਜਣਾ ‘ਖੱਬੇ ਹੱਥ ਦੀ ਖੇਡ’ ਹੈ¢ 2020 ਦੌਰਾਨ 2 ਲੱਖ ਦੇ ਕਰੀਬ ਯੋਗਤਾ ਪ੍ਰਾਪਤ ਵਿਅਕਤੀਆਂ ਨੂੰ ਪੱਕੀ ਇਮੀਗ੍ਰੇਸ਼ਨ ਦਿੱਤੀ ਜਾਣੀ ਹੈ ਜਿਸ ਵਾਸਤੇ ਐਕਸਪ੍ਰੈੱਸ ਐਾਟਰੀ ‘ਚੋਂ ਡਰਾਅ ਸਾਰੇ ਸਾਲ ਦੌਰਾਨ ਕੱਢੇ ਜਾਂਦੇ ਰਹਿਣਗੇ¢ ਐਕਸਪ੍ਰੈੱਸ ਐਾਟਰੀ ਸਿਸਟਮ ‘ਚ 430 ਤੋਂ 480 ਵਿਚਕਾਰ ਸਕੋਰ ਪ੍ਰਾਪਤ ਕਰਨ ਵਾਲੇ ਅਰਜ਼ੀ ਕਰਤਾ ਦਾ ਡਰਾਅ ‘ਚ ਨਾਂਅ ਨਿਕਲਣ ਦੇ ਮੌਕੇ ਸਭ ਤੋਂ ਵੱਧ ਹੁੰਦੇ ਹਨ¢
