ਚੰਡੀਗੜ, 14 ਫਰਵਰੀ (ਵਰਸ਼ਾ ਵਰਮਾ) – ਹਰਿਆਣਾ ਦੇ ਮੁੱਖ ਚੋਣ ਅਧਿਕਾਰੀ ਅਨੁਰਾਗ ਅਗਰਵਾਲ ਨੇ ਕਿਹਾ ਕਿ ਅਜੇ ਤਕ ਜਿਸ ਨਾਗਰਿਕ ਦਾ ਵੋਟ ਨਹੀਂ ਬਣਿਆ ਹੈ ਅਤੇ ਉਹ 1 ਜਨਵਰੀ, 2020 ਨੂੰ 18 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦਾ ਹੋ ਗਿਆ ਹੈ ਤਾਂ ਉਹ ਜਲਦ ਤੋਂ ਜਲਦ ਆਪਣਾ ਵੋਟ ਬਣਾ ਕੇ ਲੋਕਤੰਤਰ ਵਿਚ ਆਪਣੀ ਹਿੱਸੇਦਾਰੀ ਯਕੀਨੀ ਕਰੇ|
ਮੁੱਖ ਚੋਣ ਅਧਿਕਾਰੀ ਰਾਜ ਦੇ ਸਿਆਸੀ ਪਾਰਟੀਆਂ ਦੇ ਨੁਮਾਇੰਦਿਆਂ ਨਾਲ ਮੀਟਿੰਗ ਦੀ ਪ੍ਰਧਾਨਗੀ ਕਰ ਰਹੇ ਸਨ| ਮੀਟਿੰਗ ਵਿਚ ਸਾਰੇ ਸਿਆਸੀ ਪਾਰਟੀਆਂ ਦੇ ਨੁਮਾਇੰਦਿਆਂ ਤੋਂ ਵੋਟ ਕੇਂਦਰਾਂ ‘ਤੇ ਬੂਥ ਲੇਵਲ ਏਜੰਟ ਨਿਯੁਕਤ ਕਰਨ ਦੀ ਅਪੀਲ ਕੀਤੀ ਗਈ ਤਾਂ ਜੋ ਵੋਟਰ ਸੂਚੀਆਂ ਨੂੰ ਗਲਤੀ ਰਹਿਤ ਤਿਆਰ ਕੀਤੀ ਜਾ ਰਹੀ ਹੈ|
ਮੁੱਖ ਚੋਣ ਅਧਿਕਾਰੀ ਨੇ ਸਿਆਸੀ ਪਾਰਟੀਆਂ ਦੇ ਨੁਮਾਇੰਦਿਆਂ ਨੂੰ ਦਸਿਆ ਕਿ 1 ਜਨਵਰੀ, 2020 ਨੂੰ ਕੁਆਲੀਫਾਇੰਗ ਮਿਤੀ ਮੰਨਦੇ ਹੋਏ ਵੋਟਰ ਸੂਚੀਆਂ ਦਾ ਵਿਸ਼ੇਸ਼ ਮੁੜਨਿਰੀਖਣ ਮੁਹਿੰਮ ਦਾ ਪ੍ਰੋਗ੍ਰਾਮ ਸੋਧ ਕੀਤਾ ਗਿਆ ਹੈ| ਨਵੇਂ ਪ੍ਰੋਗ੍ਰਾਮ ਅਨੁਸਾਰ, ਏਕਿਕ੍ਰਿਤ ਵੋਟਰ ਸੂਚੀਆਂ ਦਾ ਖਰੜਾ ਛਪਾਈ 10 ਫਰਵਰੀ, 2020 ਨੂੰ ਕੀਤਾ ਜਾ ਚੁੱਕਿਆ ਹੈ| 10 ਫਰਵਰੀ ਤੋਂ 12 ਮਾਰਚ, 2020 ਤਕ ਦਾਅਵੇ ਤੇ ਇਤਰਾਜ ਪ੍ਰਾਪਤ ਕੀਤੇ ਗਏ ਹਨ| ਉਨਾਂ ਕਿਹਾ ਕਿ 15 ਫਰਵਰੀ, 16 ਫਰਵਰੀ, 29 ਫਰਵਰੀ ਅਤੇ 1 ਮਾਰਚ, 2020 ਨੂੰ ਵਿਸ਼ੇਸ਼ ਮੁਹਿੰਮ ਆਯੋਜਿਤ ਕੀਤੀ ਜਾਵੇਗੀ| ਪ੍ਰਾਪਤ ਦਾਅਵੇ ਤੇ ਇਤਰਾਜਾਂ ਦਾ ਨਿਪਟਾਰਾ 24 ਮਾਰਚ, 2020 ਤਕ ਕੀਤਾ ਜਾਵੇਗਾ ਅਤੇ ਵੋਟਰ ਸੂਚੀਆਂ ਦੀ ਆਖਰੀ ਛਪਾਈ 30 ਅਪ੍ਰੈਲ, 2020 ਨੂੰ ਕੀਤੀ ਜਾਵੇਗੀ| ਉਨਾਂ ਦਸਿਆ ਕਿ 15 ਫਰਵਰੀ, 16 ਫਰਵਰੀ, 29 ਫਰਵਰੀ ਅਤੇ 1 ਮਾਰਚ, 2020 ਨੂੰ ਆਯੋਜਿਤ ਹੋਣ ਵਾਲੇ ਵਿਸ਼ੇਸ਼ ਮੁਹਿੰਮ ਦੇ ਦਿਨਾਂ ‘ਤੇ ਬੀਐਲਓ ਆਪਣੇ-ਆਪਣੇ ਬੂਥਾਂ ‘ਤੇ ਰਹਿਣਗੇ|
ਸ੍ਰੀ ਅਨੁਰਾਗ ਅਗਰਵਾਲ ਨੇ ਦਸਿਆ ਕਿ ਵਿਧਾਨ ਸਭਾ ਆਮ ਚੋਣ, 2019 ਤੋਂ ਬਾਅਦ ਫੋਟੋ ਵਾਲੀ ਵੋਟਰ ਸੂਚੀਆਂ ਦੇ ਵਿਸ਼ੇਸ਼ ਸੰਖੇਪ ਮੁੜਨਿਰੀਖਣ ਮੁਹਿੰਮ ਤੋਂ ਬਾਅਦ ਛਪੀ ਖਰੜਾ ਰੋਲ ਦੀ ਵੋਟਰ ਸੂਚੀ ਦੀ ਕਾਪੀ ਸਾਰੇ ਸਿਆਸੀ ਪਾਰਟੀਆਂ ਦੇ ਨੁਮਾਇਦਿਆਂ ਨੂੰ ਦੇ ਦਿੱਤੀ ਗਈ ਹੈ| ਉਨਾਂ ਦਸਿਆ ਕਿ ਵੋਟਰਾਂ ਦੇ ਨਾਂਅ ਜੋੜਣ ਅਤੇ ਕੱਟਣ ਦੀ ਪ੍ਰਕ੍ਰਿਆ ਬੂਥ ਲੇਵਲ ਅਧਿਕਾਰੀ ਵੱਲੋਂ ਘਰ-ਘਰ ਜਾ ਕੇ ਤਸਦੀਕ ਕਰਨ ਤੋਂ ਬਾਅਦ ਕੀਤੀ ਗਈ ਹੈ|
ਇਸ ਲਈ ਪਾਤਰ ਵਿਅਕਤੀ ਸਬੰਧਤੀ ਬੀਐਲਓ, ਚੋਣ ਰਜਿਸਟਰੇਸ਼ਨ ਅਧਿਕਾਰੀ, ਸਹਾਇਕ ਚੋਣ ਰਜਿਸਟਰੇਸ਼ਨ ਅਧਿਕਾਰੀ ਕੋਲ ਫਾਰਮ 6 ਭਰ ਕੇ ਵੋਟ ਬਣਾ ਸਕਦੇ ਹਨ| ਇਹ ਫਾਰਮ ਚੋਣ ਵਿਭਾਗ ਦੀ ਵੈਬਸਾਇਟ www.ceoharyana.gov.in ‘ਤੇ ਵੀ ਉਪਲੱਬਧ ਹੈ|
