RelatedPosts
ਪਟਿਆਲਾ 7 ਦਸੰਬਰ (ਪ੍ਰੈਸ ਕੀ ਤਾਕਤ ਬਿਊਰੋ) – ਸੋ ਕਿਉਂ ਮੰਦਾ ਆਖਿਐ ਜਿਤ ਜੰਮੈ ਰਾਜਾਨ ਭਲਾਈ ਟਰੱਸਟ ਦੀ ਮਹੀਨਾਵਾਰ ਮੀਟਿੰਗ ਅੱਜ ਮੁੱਖ ਦਫ਼ਤਰ ਅਨਾਰਦਾਣਾ ਚੌਕ ਟਰੱਸਟ ਦੇ ਫਾਉਂਡਰ ਚੇਅਰਮੈਨ ਡਾ. ਭਾਈ ਪਰਮਜੀਤ ਸਿੰਘ ਦੀ ਪ੍ਰਧਾਨਗੀ ਹੇਠ ਹੋਈ। ਮੀਟਿੰਗ ਵਿੱਚ ਟਰੱਸਟੀਆਂ, ਡਾਇਰੈਕਟਰਾਂ ਅਤੇ ਸਮੂਹ ਅਹੁੱਦੇਦਾਰਾਂ ਨੇ ਭਾਗ ਲਿਆ। ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ ਫਾਊਂਡਰ ਚੇਅਰਮੈਨ ਡਾ. ਭਾਈ ਪਰਮਜੀਤ ਸਿੰਘ ਨੇ ਕਿਹਾ ਕਿ ਦੇਸ਼ ਵਿੱਚ ਲਗਾਤਾਰ ਔਰਤਾਂ ਨਾਲ ਖਿਲਵਾੜ ਦਿਨ-ਬ-ਦਿਨ ਵੱਧ ਰਿਹਾ ਹੈ, ਜਦੋਂਕਿ ਮੋਦੀ ਸਰਕਾਰ ‘ਬੇਟੀ ਬਚਾਓ – ਬੇਟੀ ਪੜਾਓ’ ਦੇ ਨਾਰੇ ਹੇਠ ਕੰਮ ਵੀ ਕਰ ਰਹੀ ਹੈ, ਪਰੰਤੂ ਆਖਿਰ ਕਿਉਂ ਇਸ ਨਾਰੇ ਦੇ ਉਲਟ ‘ਬੇਟੀ ਜਲਾਉ – ਬੇੜੀ ਤੜਫਾਉ’ ਤੇ ਗਿਣੇ-ਮਿੱਥੇ ਢੰਗ ਨਾਲ ਹੀ ਕੰਮ ਤੇਜ਼ ਹੋਇਆ ਪਿਆ ਹੈ। ਕੇਂਦਰ ਸਰਕਾਰ ਨੂੰ ਤੁਰੰਤ ਔਰਤਾਂ ਪ੍ਰਤੀ ਹੋਰ ਸੰਵੇਦਨਸ਼ੀਲ ਹੋਣ ਦੀ ਲੋੜ ਹੈ। ਭਾਵੇਂ ਪਿਛਲੇ ਦਿਨੀਂ ਤੇਲੰਗਾਨਾ ਵਿੱਚ ਹੋਈ ਦੁਖਦਾਈ ਘਟਨਾ ਦਾ ਅੰਤ ਵੀ ਤੇ ਇਨਸਾਫ ਵੀ ਹੋ ਗਿਆ ਹੈ। ਪਰੰਤੂ ਕੀ ਇਹ ਹੀ ਸਾਡੇ ਸਮਾਜ ਦੀ ਸਹੀ ਤਸਵੀਰ ਹੈ। ਰਾਸ਼ਟਰੀ ਸਵਯਮ ਸੇਵਕ ਸੰਘ ਦੇ ਸਰਸੰਘਚਾਲਕ ਮੁਖੀ ਡਾ. ਮੋਹਨ ਭਾਗਵਤ ਨੇ ਔਰਤਾਂ ਦੀ ਸੁਰੱਖਿਆ ਵਿੱਚ ਕਮੀ ਦੀ ਨਿੰਦਾ ਕੀਤੀ ਹੈ। ਟਰੱਸਟ ਉਨ•ਾਂ ਦੇ ਸ਼ਬਦਾਂ ਦਾ ਸਮਰਥਨ ਕਰਦਾ ਹੈ, ਕਿਉਂਕਿ ਸ੍ਰੀ ਭਾਗਵਤ ਨੇ ਕਿਹਾ ਹੈ ਕਿ, ”ਲਛਮਣ ਨੂੰ ਸੀਤਾ ਦੇ ਗਹਿਣਿਆਂ ਦੀ ਪਹਿਚਾਣ ਕਰਨ ਲਈ ਕਿਹਾ ਗਿਆ ਤਾਂ ਜਵਾਬ ਵਿੱਚ ਲਛਮਣ ਨੇ ਕਿਹਾ ਸੀ ਕਿ ਮੈਂ ਸਿਰਫ ਸੀਤਾ ਮਾਤਾ ਦੇ ਪੈਰ ਦੇ ਗਹਿਣੇ ਹੀ ਪਛਾਣ ਸਕਦਾ ਹਾਂ, ਕਿਉਂਕਿ ਉਨ•ਾਂ ਨੇ ਕਦੇ ਉਨ•ਾਂ ਦੇ ਚਿਹਰੇ ਵੱਲ ਨਹੀਂ ਸੀ ਦੇਖਿਆ।” ਸਾਡੇ ਦੇਸ਼ ਦੀ ਪਰੰਪਰਾ ਤਾਂ ਅਜਿਹੀ ਸੀ, ਪਰੰਤੂ ਅੱਜ ਕੀ ਹੋ ਗਿਆ ਹੈ। ਡਾ. ਭਾਈ ਪਰਮਜੀਤ ਸਿੰਘ ਨੇ ਕਿਹਾ ਕਿ 29 ਦਸੰਬਰ ਨੂੰ ਟਰੱਸਟ ਦੇ ਇੱਕ ਵਿਸ਼ੇਸ਼ ਸਮਾਗਮ ਵਿੱਚ ਲੋੜਵੰਦ ਬੱਚੀਆਂ ਨੂੰ ਸਰਦੀਆਂ ਦੇ ਕੱਪੜੇ, ਬੂਟ ਆਦਿ ਦਿੱਤੇ ਜਾਣਗੇ, ਉਥੇ ਹੀ ਡਾ. ਜੇ.ਐਸ. ਭਾਟੀਆ, ਸਾਬਕਾ ਅਧਿਕਾਰੀ ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਵੱਲੋਂ ਪਿੰਡ ਭੋਤਨਾ ਦੇ ਖੁਦਕੁਸ਼ੀ ਪੀੜਿਤ ਪਰਿਵਾਰ ਜਿਸ ਵਿੱਚ ਕੋਈ ਪੁਰਸ਼ ਮੈਂਬਰ ਹੀ ਨਹੀਂ ਬਚਿਆ ਸੀ, ਨੂੰ ਆਪਣੇ ਪ੍ਰਾਵੀਡੈਂਟ ਫੰਡ ਵਿੱਚੋਂ ਮੋਟੀ ਰਕਮ ਮਦਦ ਵਜੋਂ ਦੇ ਕੇ ਬਾਬੇ ਨਾਨਕ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਜ਼ਿੰਦਗੀ ਦਾ ਚਾਨਣ ਵੰਡਿਆ ਹੈ, ਡਾ. ਭਾਟੀਆ ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਜਾਵੇਗਾ। ਮੀਟਿੰਗ ਨੂੰ ਟਰੱਸਟ ਸਕੱਤਰ ਸੁਰਿੰਦਰ ਸਿੰਘ, ਟਰੱਸਟੀ ਬੀਬੀ ਨਿਸ਼ਾ, ਰੋਪੜ, ਮੋਹਾਲੀ ਤੇ ਚੰਡੀਗੜ• ਦੀ ਇੰਚਾਰਜ ਬੀਬੀ ਅਰਵਿਨ ਸੰਧੂ, ਬੀਬੀ ਕੋਮਲ ਆਸ਼ੂ, ਬੀਬੀ ਮਨਦੀਪ ਸ਼ਰਮਾ, ਬੱਚੀ ਖੁਸ਼ੀ ਸ਼ਰਮਾ, ਬੀਬੀ ਲਵਲੀਨ ਕੌਰ, ਸ਼ਹਿਰੀ ਇੰਚਾਰਜ ਰਾਜਿੰਦਰ ਸਿੰਘ ਵੋਹਰਾ, ਜਨਰਲ ਸਕੱਤਰ ਹਰਜਸਪ੍ਰੀਤ ਸਿੰਘ, ਦਿਹਾਤੀ ਪ੍ਰਧਾਨ ਬਲਜੀਤ ਸਿੰਘ, ਜਨਰਲ ਸਕੱਤਰ ਰਣਧੀਰ ਸਿੰਘ, ਯੂਥ ਪ੍ਰਧਾਨ ਅਮਰਜੀਤ ਸਿੰਘ ਢਿੱਲੋਂ, ਮੁੱਖ ਸੇਵਾਦਾਰ ਡਾ. ਸੁਖਸਾਗਰ ਸਿੰਘ, ਸ਼ੰਭੂ ਕਲਾਂ ਯੂਨਿਟ ਦੇ ਪ੍ਰਧਾਨ ਬਲਜੀਤ ਸਿੰਘ, ਜਨਰਲ ਸਕੱਤਰ ਗੁਰਪ੍ਰੀਤ ਸਿੰਘ ਨੇ ਵੀ ਆਪਣੇ-ਆਪਣੇ ਵਿਚਾਰ ਰੱਖੇ।
