ਯੂਥ ਕਾਂਗਰਸੀ ਆਗੂ ਵੱਲੋਂ ਕਰੌੜਾਂ ਰੁਪਏ ਦੀ ਜਮੀਨ ’ਤੇ ਕੀਤਾ ਜਾ ਰਿਹਾ ਹੈ ਸਰੇਆਮ ਨਾਜਾਇਜ਼ ਕਬਜਾ: ਹਰਪਾਲ ਜੁਨੇਜਾ

ਪਟਿਆਲਾ, 13 ਸਤੰਬਰ (ਪ੍ਰੈਸ ਕੀ ਤਾਕਤ ਬਿਊਰੋ)- ਸ਼੍ਰੋਮਣੀ ਅਕਾਲੀ  ਦਲ ਪਟਿਆਲਾ ਸ਼ਹਿਰੀ ਦੇ ਪ੍ਰਧਾਨ ਹਰਪਾਲ ਜੁਨੇਜਾ ਅੱਜ ਜਦੋਂ ਸ਼ੇਰਾਂ ਵਾਲਾ ਗੇਟ ਵਿਖੇ ਫੁਟਪਾਥ ’ਤੇ ਬਣਾਏ ਜਾ ਰਹੇ ਬੂਥ ਨੂੰ ਲੈ ਕੇ ਵਿਰੋਧ ਕੀਤਾ ਤਾਂ ਯੂਥ ਕਾਂਗਰਸੀ ਆਗੂ ਕਰਨ ਗੌੜ ਨਾਲ ਬਹਿਸ ਹੋ ਗਈ ਅਤੇ ਕਾਫੀ ਦੇਰ ਗਹਿਮਾ ਗਹਿਮੀ ਹੋਈ। ਦੋਨਾ ਧਿਰਾਂ ਵੱਲੋਂ ਇੱਕ ਦੂੁਜੇ ’ਤੇ ਦੋਸ਼ ਲਗਾਏ। ਅਕਾਲੀ ਦਲ ਵੱਲੋਂ ਇਥੇ ਜੋਰਦਾਰ ਨਾਅਰੇਬਾਜ਼ੀ ਕੀਤੀ ਅਤੇ ਇਸ ਨੂੰ ਨਾਜਾਇਜ ਕਬਜਾ ਕਰਾਰ ਦਿੱਤਾ। ਇਸ ਮੌਕੇ ਪ੍ਰਧਾਨ ਹਰਪਾਲ ਜੁਨੇਜਾ ਨੇ ਕਿਹਾ ਕਿ ਯੂਥ ਕਾਂਗਰਸੀ ਆਗੂ ਵੱਲੋਂ ਸ਼ਰੇਆਮ ਕਰੌੜਾ ਰੁਪਏ ਦੀ ਜਮੀਨ ’ਤੇ ਕਬਜਾ ਕਰ ਰਿਹਾ ਹੈ ਅਤੇ ਜਦੋਂ ਉਨ੍ਹਾਂ ਨੇ ਵਿਰੋਧ ਕੀਤਾ ਤਾਂ ਉਥੇ ਗੁੰਡੇ ਬੁਲਾ ਲਏ ਗਏ, ਜਿਹੜੇ ਪੁਰੀ ਤਰ੍ਹਾਂ ਹਥਿਆਰਾਂ ਨਾਲ ਲੈਸ ਸਨ। ਸ਼ਹਿਰ ਵਿਚ ਇਸ ਤੋਂ ਵੱਡੀ ਗੁੰਡਾਗਰਦੀ ਹੋਰ ਕੀ ਹੋ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਜਿਹੜੇ ਗਰੀਬ ਵਿਅਕਤੀ ਆਪਣੀਆਂ ਰੇਹੜੀਆਂ ਅਤੇ ਫੜੀਆਂ ਲਗਾ ਕੇ ਆਪਣੇ ਬੱਚੇ ਪਾਲ ਰਹੇ ਸਨ ਉਥੇ ਉਨ੍ਹਾਂ ਨੂੰ ਭਜਾ ਦਿੱਤਾ ਗਿਆ ਅਤੇ ਸ਼ਰੇਆਮ ਕਬਜਾ ਕਰ ਲਿਆ ਗਿਆ। ਆਮ ਲੋਕਾਂ ਨੂੰ ਨਕਸਾ ਪਾਸ ਕਰਨ ਦੇ ਬਾਵਜੂਦ ਵੀ ਇੱਕ ਇੱਟ ਨਹੀਂ ਲਗਾਉਣ ਦਿੱਤੀ ਜਾਂਦੀ ਅਤੇ ਇਥੇ ਸਰੇਆਮ ਬੂੁਥ ਲਗਾਏ ਜਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਇੱਕ ਪਾਸੇ ਲੋਕਾਂ ਦੇ ਥੜੇ ਤੋੜ ਦੇ ਬਜ਼ਾਰ ਖੁੱਲੇ ਕਰਨ ਦੀ ਗੱਲ ਕੀਤੀ ਜਾ ਰਹੀ ਹੈ, ਉਥੇ ਸਭ ਤੋਂ ਭੀੜ ਭਾੜ ਵਾਲੇ ਇਲਾਕੇ ਸ਼ੇਰਾਂ ਵਾਲਾ ਗੇਟ ਵਿਖੇ ਸ਼ਰੇਆਮ ਸੜ੍ਹਕ ‘ਤੇ ਕਬਜਾ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਅਕਾਲੀ ਦਲ ਸਰਕਾਰ ਆਉਣ ਤੋਂ ਬਾਅਦ ਇਨ੍ਹਾਂ ਸਮੁੱਚੇ ਨਾਜਾਇਜ ਕਬਜਿਆਂ ਨੂੰ ਹਟਾਇਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਉਹ ਕਾਂਗਰਸੀਆਂ ਨੂੰ ਇਸ ਤਰ੍ਹਾਂ ਸਰਕਾਰੀ ਜਮੀਨਾ ‘ਤੇ ਕਬਜੇ ਨਹੀਂ ਕਰਨ ਦੇਣਗੇ। ਪ੍ਰਧਾਨ ਜੁੁਨੇਜਾ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਕਾਂਗਰਸੀ ਕੌਂਸਲਰ ਹਰੀਸ਼ ਕਪੂੁਰ ਵੱਲੋਂ ਮਾਈ ਜੀ ਦੀ ਸਰਾਂ ਦੇ ਕੋਲ ਸਰੇਆਮ ਸਰਕਾਰੀ ਜਮੀਨ ’ਤੇ ਪੰਜ ਦੁਕਾਨਾ ਬਣਾਈਆਂ ਗਈਆਂ ਹਨ।
ਜਮੀਨਾ ਦੱਬਣ ਦੀ ਭੁੱਖ ਨੇ ਕਾਂਗਰਸ ਨੂੰ ਬੇਸਬਰਾਂ ਬਣਾ ਦਿੱਤਾ ਹੈ ਕਿ ਇਹ ਵੀ ਨਹੀਂ ਦੇਖ ਰਹੇ ਕਿ ਇਸ ਨਾਲ ਸਾਡੀ ਵਿਰਾਸਤ ਦਾ ਨੁਕਸਾਨ ਹੋ ਰਿਹਾ ਹੈ, ਇਹ ਵੀ ਨਹੀਂ ਦੇਖਿਆ ਜਾ ਰਿਹਾ ਹੈ ਕਿ ਇਥੇ ਗਰੀਬ ਵਿਅਕਤੀ ਰੇਹੜੀਆਂ ਅਤੇ ਫੜੀਆਂ ਲਗਾ ਕੇ ਆਪਣਾ ਰੁਜਗਾਰ ਚਲਾ ਰਹੇ ਹਨ। ਪ੍ਰਧਾਨ ਜੁਨੇਜਾ ਨੇ ਕਿਹਾ ਜਿਥੇ ਵੀ ਕਾਂਕਾਂਗਰਸੀ ਗੁੰਡਾ ਗਰਦੀ ਕਰਨਗੇ ਜਾਂ ਫੇਰ ਸਰਕਾਰੀ ਅਤੇ ਲੀਜ਼ ਦੀਆਂ ਜਮੀਨਾ ਦੱਬਣਗੇ, ਉਸ ਦਾ ਡੱਟ ਕੇ ਵਿਰੋਧ ਕੀਤਾ ਜਾਵੇਗਾ।