ਵਰਲਡ ਟ੍ਰੈਕ ਸਾਈਕਿਲੰਗ ਚੈਂਪੀਅਨਸ਼ਿਪ ; ਭਾਰਤੀ ਪੁਰਸ਼ ਟੀਮ ਨੇ ਪਹਿਲੀ ਵਾਰ ਕੀਤਾ ਕੁਆਲੀਫਾਈ

ਨਵੀਂ ਦਿੱਲੀ, 7 ਫਰਵਰੀ (ਪ੍ਰੈਸ ਕੀ ਤਾਕਤ ਬਿਊਰੋ):- ਭਾਰਤੀ ਪੁਰਸ਼ਾਂ ਦੀ ਟੀਮ ਨੇ ਯੂ.ਸੀ.ਆਈ. ਟ੍ਰੈਕ ਸਾਈਕਿਲੰਗ ਵਰਲਡ ਚੈਂਪੀਅਨਸ਼ਿਪ, ਜੋ 26 ਫਰਵਰੀ ਤੋਂ 1 ਮਾਰਚ 2020 ਤੱਕ ਜਰਮਨੀ ਦੇ ਬਰਲਿਨ ਸ਼ਹਿਰ ‘ਚ ਹੋਣ ਜਾ ਰਹੀ ਹੈ, ਦੇ ‘ਏਲੀਟ ਟੀਮ ਸਪਿ੍ੰਟ’ ਮੁਕਾਬਲੇ ਲਈ ਕੁਆਲੀਫਾਈ ਕਰ ਲਿਆ ਹੈ | ਇਹ ਪਹਿਲੀ ਵਾਰ ਹੈ, ਜਦੋਂ ਪੁਰਸ਼ ਟੀਮ ਨੇ ਸੀਨੀਅਰ ਵਿਸ਼ਵ ਚੈਂਪੀਅਨਸ਼ਿਪ ਲਈ ਕੁਆਲੀਫਾਈ ਕੀਤਾ ਹੈ, ਜਿਥੇ ਸਿਰਫ ਚੋਟੀ ਦੀਆਂ 18 ਟੀਮਾਂ ਵਿਚਕਾਰ ਮੁਕਾਬਲਾ ਹੁੰਦਾ ਹੈ | ਡੋਬਰਾਹ ਪਹਿਲੀ ਭਾਰਤੀ ਸੀ, ਜਿਸ ਨੇ ਵਿਸ਼ਵ ਚੈਂਪੀਅਨਸ਼ਿਪ ਲਈ ਕੁਆਲੀਫਾਈ ਕੀਤਾ ਸੀ | ਡੋਬਰਾਹ ਨੇ ਔਰਤਾਂ ਦੇ 500 ਮੀਟਰ ‘ਟਾਈਮ ਟਰਾਈਲ’ ਵਰਗ ‘ਚ 2016 ਦੀ ਚੈਂਪੀਅਨਸ਼ਿਪ ‘ਚ ਹਿੱਸਾ ਲਿਆ ਸੀ | ਏਸੋ ਐਲਬੇਨ (19), ਜੇਮਸ਼ ਸਿੰਘ (19), ਰੋਜੀਤ ਸਿੰਘ (18) ਤੇ ਰੋਨਾਲਡੋ ਸਿੰਘ ਦੀ ਟੀਮ ਚੈਂਪੀਅਨਸ਼ਿਪ ‘ਚ ਭਾਰਤ ਦੀ ਨੁਮਾਇੰਦਗੀ ਕਰੇਗੀ |