‘ਮਹਿਲਾ ਰਾਸ਼ਟਰੀ ਵੇਟਲਿਫ਼ਟਿੰਗ ਚੈਂਪੀਅਨਸ਼ਿਪ’ ਰਾਖੀ ਨੇ 210 ਕਿੱਲੋਗ੍ਰਾਮ ਭਾਰ ਚੁੱਕ ਕੇ ਸੋਨੇ ਦਾ ਤਗਮਾ ਜਿੱਤਿਆ

ਕੋਲਕਾਤਾ, 6 ਫਰਵਰੀ (ਪ੍ਰੈਸ ਕੀ ਤਾਕਤ ਬਿਊਰੋ): ਭਾਰਤੀ ਮਹਿਲਾ ਵੇਟਲਿਫ਼ਟਰ ਰਾਖੀ ਹਲਦਰ ਨੇ ਅੱਜ 35ਵੀਂ ਸੀਨੀਅਰ ਮਹਿਲਾ ਰਾਸ਼ਟਰੀ ਵੇਟਲਿਫ਼ਟਿੰਗ ਚੈਂਪੀਅਨਸ਼ਿਪ ‘ਚ 64 ਕਿੱਲੋਗਰਾਮ ਵਰਗ ਵਿਚ 210 ਕਿੱਲੋਗਰਾਮ ਭਾਰ ਚੁੱਕ ਕੇ ਸੋਨ ਤਗਮਾ ਜਿੱਤਿਆ | ਰਾਖੀ ਉਲੰਪਿਕ ਕੁਆਲੀਫਾਇਰ ਸੂਚੀ ‘ਚ 19ਵੇਂ ਸਥਾਨ ‘ਤੇ ਹੈ ਤੇ ਉਹ 93 ਕਿੱਲੋਗਰਾਮ ਤੇ 117 ਕਿੱਲੋਗਰਾਮ ਅਤੇ ਕੁੱਲ 210 ਕਿੱਲੋਗਰਾਮ ਨਾਲ ਸੋਨੇ ਦਾ ਤਗਮਾ ਪ੍ਰਾਪਤ ਕਰਨ ‘ਚ ਕਾਮਯਾਬ ਰਹੀ | ਹਾਲਾਂਕਿ ਉਹ ਨਜ਼ਦੀਕੀ ਮੁਕਾਬਲੇਬਾਜ਼ ਹਰਜਿੰਦਰ ਕੌਰ ਨਾਲੋਂ 10 ਕਿੱਲੋਗਰਾਮ ਨਾਲ ਅੱਗੇ ਹੈ | ਦੱਸਣਯੋਗ ਹੈ ਕਿ ਰਾਖੀ ਨੇ ਜੂਨ 2019 ਦੀਆਂ ਕਾਮਨਵੈਲਥ ਖੇਡਾਂ ‘ਚ 214 ਕਿੱਲੋਗਰਾਮ ਭਾਰ ਚੁੱਕ ਕੇ ਕਾਂਸੀ ਦਾ ਤਗਮਾ ਜਿੱਤਿਆ ਸੀ |