ਵੈਨਕੂਵਰ , 27 ਮਾਰਚ (ਅਮ੍ਰਿਤਪਾਲ ਸਿੰਘ ਸਾਹਨੀ) : -ਕੋਰੋਨਾ ਵਾਇਰਸ ਦੇ ਕਹਿਰ ਕਾਰਨ ਘਰਾਂ ‘ਚ ਤਾਲਾਬੰਦ ਹੋ ਗਏ ਪੰਜਾਬੀਆਂ ਦੀ ਮਦਦ ਵਾਸਤੇ ਵਿਦੇਸ਼ਾਂ ‘ਚ ਵੱਸਦੇ ਪੰਜਾਬੀ ਚਿੰਤਤ ਹਨ ਇਸ ਸਮੇਂ ਕੈਨੇਡਾ ‘ਚ ਵੀ ਭਾਵੇਂ ਤਾਲਾਬੰਦੀ ਵਾਲੇ ਹਾਲਾਤ ਹਨ ਪਰ ਵੱਡੀ ਗਿਣਤੀ ਕੈਨੇਡੀਅਨ ਪੰਜਾਬੀ ਪੰਜਾਬ ਵਿਚ ਲੋਕਾਂ ਨਾਲ ਲਗਾਤਾਰ ਸੰਪਰਕ ‘ਚ ਰਹਿ ਰਹੇ ਹਨ ਅਤੇ ਉਨ੍ਹਾਂ ਦੀ ਪਲ-ਪਲ ਦੇ ਹਾਲਾਤ ‘ਤੇ ਨਜ਼ਰ ਰੱਖਣ ਦੀ ਕੋਸ਼ਿਸ਼ ਹੈ 21 ਦਿਨਾਂ ਦੀ ਤਾਲਾਬੰਦੀ ਵੱਡੀ ਤਾਦਾਦ ‘ਚ ਲੋਕਾਂ ਦੀ ਰੋਜ਼ਾਨਾ ਜ਼ਿੰਦਗੀ ਨੂੰ ਪ੍ਰਭਾਵਿਤ ਕਰੇਗੀ ਕਣਕ ਦੀ ਫ਼ਸਲ ਸੰਭਾਲਣ ਦੀ ਵੀ ਮੁਸ਼ਕਿਲ ਹੋ ਸਕਦੀ ਹੈ ਜਿਸ ਕਰਕੇ ਕਿਸਾਨਾਂ ਨੂੰ ਜ਼ਮੀਨਾਂ ਦੇ ਠੇਕੇ ਦੇਣੇ ਅਤੇ ਆਮ ਲੋਕਾਂ ਨੂੰ ਘਰਾਂ ਦੇ ਕਿਰਾਏ ਦੇਣੇ ਔਖੇ ਹੋ ਸਕਦੇ ਹਨ ਵੱਡੀ ਗਿਣਤੀ ਪਰਵਾਸੀ ਪੰਜਾਬੀਆਂ ਦੀਆਂ ਪੰਜਾਬ ‘ਚ ਜ਼ਮੀਨਾਂ ਤੇ ਮਕਾਨ ਠੇਕੇ ਅਤੇ ਕਿਰਾਏ ‘ਤੇ ਹਨ ਅਜਿਹੇ ਵਿਚ ਟੋਰਾਂਟੋ ਵਿਖੇ ਹਰਜੀਤ ਸਿੰਘ ਜੰਜੂਆ ਨੇ ਦੱਸਿਆ ਕਿ ਉਨ੍ਹਾਂ ਨੇ ਖੰਨਾ ਵਿਖੇ ਆਪਣੇ 20 ਕਮਰਿਆਂ ਦਾ ਕਿਰਾਇਆ 1 ਮਹੀਨੇ ਵਾਸਤੇ ਛੱਡ ਦਿੱਤਾ ਹੈ ਅਤੇ ਕਿਰਾਏਦਾਰਾਂ ਨੂੰ ਫ਼ੋਨ ਕਰਕੇ ਮਨ ਤਕੜਾ ਰੱਖਣ ਦਾ ਹੌਸਲਾ ਦਿੱਤਾ ਹੈ ਸ. ਜੰਜੂਆ ਨੇ ਇਹ ਵੀ ਆਖਿਆ ਕਿ ਜੇਕਰ ਹਾਲਾਤ ਦੇ ਹਿਸਾਬ ਨਾਲ ਉਨ੍ਹਾਂ ਨੂੰ ਹੋਰ ਕਿਰਾਇਆ ਮੁਆਫ਼ ਕਰਨਾ ਪਿਆ ਤਾਂ ਢਿੱਲ ਨਹੀਂ ਦਿਖਾਈ ਜਾਵੇਗੀ ਕਿਉਂਕਿ ਇਹ ਸਮਾਂ ਇਕ ਦੂਸਰੇ ਦੀ ਮਦਦ ਵਾਸਤੇ ਨਾਲ ਖੜਨ ਦਾ ਹੈ ਇਹ ਵੀ ਪਤਾ ਲੱਗ ਰਿਹਾ ਹੈ ਕਿ ਕੈਨੇਡਾ ਦੇ ਬਹੁਤ ਸਾਰੇ ਪੰਜਾਬੀ ਦਰਿਆ ਦਿਲੀ ਨਾਲ ਪੰਜਾਬ ਵਿਚ ਫ਼ੋਨ ਕਰਕੇ ਆਪਣੇ ਕਿਰਾਏਦਾਰਾਂ ਅਤੇ ਕਿਸਾਨਾਂ ਦੀ ਮਦਦ ਕਰਨ ਲਈ ਅੱਗੇ ਆ ਰਹੇ ਹਨ¢
ਕੈਨੇਡਾ ਦੇ ਪੰਜਾਬੀ ਤਾਲਾਬੰਦੀ ਮੌਕੇ ਪੰਜਾਬੀਆਂ ਲਈ ਚਿੰਤਤ
