ਸਮਾਲ ਨਿਊਜਪੇਪਰ ਪਬਲੀਸ਼ਰ ਐਸੋਸੀਏਸ਼ਨ ਨੇ ਫੁੱਲਾਂ ਦੇ ਬੂਟੇ ਲਗਾ ਕੇ ਚਾਰ ਸਾਹਿਬਜਾਦਿਆਂ ਨੂੰ ਭੇਟ ਕੀਤੀ ਸ਼ਰਧਾਂਜਲੀ

ਪਟਿਆਲਾ
ਸਮਾਲ ਨਿਊਜਪੇਪਰ ਪਬਲੀਸ਼ਰ ਐਸੋਸੀਏਸ਼ਨ ਨੇ ਸੇਵ ਟੂਡੇ ਸਿਕਯੋਰ ਫਿਊਚਰ ਸੋਸਾਇਟੀ ਦੇ ਸਹਿਯੋਗ ਨਾਲ ਪਟਿਆਲਾ ਦੇ ਆਹਲੂਵਾਲੀਆ ਪਾਰਕ ਵਿੱਚ 101 ਫੁੱਲਾਂ ਦੇ ਬੂਟੇ ਲਗਾ ਕੇ ਚਾਰ ਸਾਹਿਬਜਾਦਿਆਂ ਨੂੰ ਸ਼ਰਧਾਂਜਲੀ ਭੇਟ ਕੀਤੀ।
ਇਸ ਮੋਕੇ ਸਮਾਲ ਨਿਊਜਪੇਪਰ ਪਬਲੀਸ਼ਰ ਐਸੋਸੀਏਸ਼ਨ ਦੇ ਪ੍ਰਧਾਨ ਸ਼ਿਵ ਨਾਰਾਇਣ ਜਾਂਗੜਾ ਨੇ ਕਿਹਾ ਕਿ ਅੱਜ ਬੱਚੇ ਧਰਮ ਤੋਂ ਪਤਿਤ ਹੁੰਦੇ ਜਾ ਰਹੇ ਹਨ ਜਿਹਨਾਂ ਨੂੰ ਗੁਰੂ ਸਾਹਿਬ ਦੇ ਨਿੱਕੇ ਨਿੱਕੇ ਸਾਹਿਬਜਾਦਿਆਂ ਤੋਂ ਸਿਖਣ ਦੀ ਲੋੜ ਹੈ, ਧਰਮ *ਤੇ ਪੱਕਾ ਰਹਿਣ ਦੀ ਲੋੜ ਹੈ।
ਉਹਨਾਂ ਕਿਹਾ ਕਿ ਇਹ ਫੁੱਲਾਂ ਦੇ ਬੂਟੇ ਜਿਥੇ ਵਾਤਾਵਰਨ ਵਿੱਚ ਹਰਿਆਲੀ ਲਿਆਉਣਗੇ, ਉਥੇ ਹੀ ਫੁੱਲਾਂ ਦੀ ਖੁਸ਼ਬੂ ਹਵਾ ਵਿੱਚ ਤਰੋ ਤਾਜਗੀ ਆਵੇਗੀ।
ਪਟਿਆਲਾ ਦੇ ਮੇਅਰ ਕੁੰਦਨ ਗੋਗੀਆ ਨੇ ਸਮਾਲ ਨਿਊਜਪੇਪਰ ਪਬਲੀਸ਼ਰ ਐਸੋਸੀਏਸ਼ਨ ਵਲੋਂ ਫੁੱਲਾਂ ਦੇ ਬੂਟੇ ਲਾ ਕੇ ਸਾਹਿਬਜਾਦਿਆਂ ਨੂੰ ਸ਼ਰਧਾਂਜਲੀ ਭੇਟ ਕਰਨ ਦੀ ਅਦੁੱਤੀ ਪਹਿਲ ਦੀ ਸ਼ਲਾਂਘਾ ਕੀਤੀ ਅਤੇ ਕਿਹਾ ਕਿ ਮੀਡੀਆ ਲੋਕਤੰਤਰ ਦਾ ਚੋਥਾ ਥੰਮ ਹੈ ਅਤੇ ਮੀਡੀਆ ਦਾ ਸਾਹਿਬਜਾਦਿਆਂ ਨੂੰ ਸ਼ਰਧਾਂਜਲੀ ਭੇਟ ਕਰਨਾ ਸਮਾਜ ਨੂੰ ਧਰਮ ਵਿੱਚ ਪੱਕਾ ਰਹਿਣ ਲਈ ਪ੍ਰੇਰਿਤ ਕਰੇਗਾ।
ਸ਼ਿਵ ਸੈਨਾ ਹਿੰਦੂਸਤਾਨ ਅਤੇ ਹਿੰਦੂਸਤਾਨ ਸ਼ਕਤੀ ਸੈਨਾ ਦੇ ਕੋਮੀ ਪ੍ਰਧਾਨ ਪਵਨ ਗੁਪਤਾ ਨੇ ਸਮਾਲ ਨਿਊਜਪੇਪਰ ਪਬਲੀਸ਼ਰ ਐਸੋਸੀਏਸ਼ਨ ਅਤੇ ਸੇਵ ਟੂਡੇ ਸਿਕਯੋਰ ਫਿਊਚਰ ਸੋਸਾਇਟੀ ਵਲੋਂ ਵੱਖ ਵੱਖ ਕਿਸਮ ਦੇ ਫੁੱਲਾਂ ਦੇ ਬੂਟੇ ਲਗਾ ਕੇ ਗੁਰੂ ਗੋਬਿੰਦ ਸਿੰਘ ਜੀ ਦੇ ਸਾਹਿਬਜਾਦਿਆਂ ਨੂੰ ਸ਼ਰਧਾਂਜਲੀ ਭੇਟ ਕਰਨ ਦੀ ਅਦੁੱਤੀ ਪਹਿਲ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਅੱਜ ਮੀਡੀਆ ਨੂੰ ਅਜਿਹੇ ਕੰਮਾਂ ਲਈ ਅੱਗੇ ਆਉਣ ਦੀ ਲੋੜ ਹੈ ਤਾਂ ਜੋ ਸਮਾਜ ਨੂੰ ਚੰਗੀ ਸੇਧ ਮਿਲ ਸਕੇ।
ਸੇਵ ਟੂਡੇ ਸਿਕਯੋਰ ਫਿਊਚਰ ਸੋਸਾਇਟੀ ਦੀ ਇਸ ਪਹਿਲ ਦਾ ਸਮਾਜ ਸੇਵਕ ਰਾਕੇਸ਼ ਬੱਗਾ ਨੇ ਸਵਾਗਤ ਕਰਦਿਆਂ ਕਿਹਾ ਕਿ ਆਮ ਤੋਰ *ਤੇ ਲੋਕ ਸੜਕਾਂ *ਤੇ ਲੰਗਰ ਲਾ ਕੇ ਸੰਗਤ ਦੀ ਸੇਵਾ ਕਰਕੇ ਲਾਹਾ ਲੈ ਰਹੇ ਹਨ ਪਰ ਫੁੱਲਾਂ ਦੇ ਬੂਟੇ ਲਗਾ ਕੇ ਸਾਹਿਬਜਾਦਿਆਂ ਨੂੰ ਸ਼ਰਧਾਂਜਲੀ ਦੇਨਾਂ ਸਚਮੁਚ ਹੀ ਇੱਕ ਚੰਗੀ ਪਹਿਲ ਹੈ। ਜਿਸ ਨਾਲ ਸਮਾਜ ਵਿੱਚ ਇੱਕ ਚੰਗਾ ਸੁਨੇਹਾ ਜਾਵੇਗਾ।
ਸੇਵ ਟੂਡੇ ਸਿਕਯੋਰ ਫਿਊਚਰ ਸੋਸਾਇਟੀ ਦੇ ਪ੍ਰਧਾਨ ਰਾਕੇਸ਼ ਸਿੰਗਲਾ ਅਤੇ ਵਾਇਸ ਪ੍ਰਧਾਨ ਰਾਮ ਪਾਲ ਧੀਮਾਨ ਨੇ ਕਿਹਾ ਕਿ ਉਹਨਾਂ ਦੀ ਸੰਸਥਾਂ ਵਲੋਂ ਇਸ ਸਾਲ 1101 ਫੁੱਲਾਂ ਦੇ ਬੂਟੇ ਵੱਖ ਵੱਖ ਥਾਵਾਂ ਵਿੱਚ ਲਗਾਏ ਗਏ ਹਨ ਅਤੇ ਇਸ ਸਾਲ ਦੀ ਸਮਾਪਤੀ ਵਿੱਚ ਅਸੀਂ 101 ਫੁੱਲਾਂ ਦੇ ਬੂਟੇ ਲਗਾ ਕੇ ਚਾਰ ਸਾਹਿਬਜਾਦਿਆਂ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਹੈ। ਜਿੱਥੇ ਇਹਨਾਂ ਫੁੱਲਾਂ ਨਾਲ ਵਾਤਾਵਰਨ ਮਹਿਕੇਗਾ ਉਥੇ ਹੀ ਸਾਹਿਬਜਾਦਿਆਂ ਦੀ ਲੋਕਾਂ ਨੂੰ ਯਾਦ ਵੀ ਕਰਵਾਏਗਾ।
ਇਸ ਮੋਕੇ ਸੇਵ ਟੂਡੇ ਸਿਕਯੋਰ ਫਿਊਚਰ ਸੋਸਾਇਟੀ ਨੇ ਮੇਅਰ ਕੁੰਦਨ ਗੋਗੀਆ, ਪਵਨ ਗੁਪਤਾ ਅਤੇ ਸਮਾਜ ਸੇਵਕ ਰਾਕੇਸ਼ ਬੱਗਾ ਨੂੰ ਪੈਨ ਭੇਟ ਕੀਤਾ। ਇਸ ਪੈਨ ਉੱਤੇ ਭਾਰਤ ਨਾਮ ਭਾਰਤ ਦੀਆਂ ਕੁੱਲ 22 ਭਾਸ਼ਾਵਾਂ ਵਿੱਚ ਲਿਿਖਆ ਹੋਇਆ ਹੈ। ਜੋ ਭਾਰਤ ਦੀ ਅਖੰਡਤਾ ਅਤੇ ਅਭਿੰਨਤਾ ਦਾ ਪ੍ਰਤੀਕ ਹੈ।
ਇਸ ਮੋਕੇ ਸਮਾਲ ਨਿਊਜਪੇਪਰ ਪਬਲੀਸ਼ਰ ਐਸੋਸੀਏਸ਼ਨ ਦੇ ਵਾਇਸ ਪ੍ਰਧਾਨ ਜਗਦੀਸ਼ ਗੋਇਲ, ਅਸ਼ੋਕ ਵਰਮਾ, ਵਿੱਤ ਸਕੱਤਰ ਅਮਰਜੀਤ ਸਿੰਘ ਲਾਂਬਾ, ਛਤਰਪਾਲ ਸਿੰਘ, ਕਰਿਸ਼ਮਾ ਸ਼੍ਰੀਵਾਸਤਵ, ਸੁਖਵਿੰਦਰ ਕੋਰ ਤੋਂ ਇਲਾਵਾ ਸ਼ਿਵ ਸੈਨਾ ਹਿੰਦੂਸਤਾਨ ਦੇ ਅਹੁਦੇਦਾਰ ਸਵਰਾਜ ਘੰੁਮਣ, ਕ੍ਰਿਸ਼ਨ ਗਾਬਾ, ਅਮਰਜੀਤ ਬੰਟੀ, ਨਗਰ ਨਿਗਮ ਦੇ ਐਸ ਡੀ ਓ ਅਮਨਿੰਦਰ ਬਾਵਾ, ਬਲਜਿੰਦਰ, ਰਾਮਪਾਲ, ਬਿੱਲੂ ਚੋਧਰੀ, ਰਾਕੇਸ਼ ਕੁਮਾਰ, ਮੇਲਾ ਰਾਮ ਆਦਿ ਪੂਰੀ ਟੀਮ ਹਾਜਰ ਰਹੀ।