ਆਸਕਰ ਪੁਰਸਕਾਰ ਜੇਤੂ ਫਿਲ ‘ਪੈਰਾਸਾਈਟ’ ਦੇ ਅਦਾਕਾਰ ਲੀ ਸਨ ਕਿਊਨ ਦੀ ਲਾਸ਼ ਕਾਰ ’ਚੋਂ ਮਿਲੀ

ਆਸਕਰ ਪੁਰਸਕਾਰ ਜੇਤੂ  ਫਿਲਮ ‘ਪੈਰਾਸਾਈਟ’ ਦੇ ਅਦਾਕਾਰ ਲੀ ਸਨ-ਕਿਊਨ ਦਾ ਬੁੱਧਵਾਰ ਨੂੰ ਦੇਹਾਂਤ ਹੋ ਗਿਆ। ਦੱਖਣੀ ਕੋਰੀਆ ਦੇ ਐਮਰਜੰਸੀ ਦਫਤਰ ਨੇ ਇਹ ਜਾਣਕਾਰੀ ਦਿੱਤੀ। ਲੀ ਮੱਧ ਸਿਓਲ ਦੇ ਪਾਰਕ ਵਿੱਚ ਆਪਣੀ ਕਾਰ ਵਿੱਚ ਮ੍ਰਿਤ ਮਿਲੇ। ਇਸ ਤੋਂ ਪਹਿਲਾਂ ਪੁਲੀਸ ਨੇ ਕਿਹਾ ਸੀ ਕਿ ਅਭਿਨੇਤਾ ਸਿਓਲ ਵਿੱਚ ਬੇਹੋਸ਼ ਮਿਲੇ ਸਨ। ਪੁਲੀਸ ਨੇ ਘਟਨਾ ਵਾਲੀ ਥਾਂ ਦੇ ਵੇਰਵੇ ਸਾਂਝੇ ਨਹੀਂ ਕੀਤੇ। ਸਥਾਨਕ ਮੀਡੀਆ ਨੇ ਦੱਸਿਆ ਕਿ ਲੀ ਦੇ ਪਰਿਵਾਰ ਨੇ ਪੁਲੀਸ ਨੂੰ ਸੂਚਿਤ ਕੀਤਾ ਕਿ ਲੀ ਖੁ਼ਦਕੁਸ਼ੀ ਕਰਨ ਵਰਗਾ ਨੋਟ ਘਰ ’ਚ ਛੱਡ ਕੇ ਚਲੇ ਗਏ ਹਨ। ਇਸ ਤੋਂ ਬਾਅਦ ਪੁਲੀਸ ਨੇ ਅਦਾਕਾਰ ਦੀ ਭਾਲ ਸ਼ੁਰੂ ਕੀਤੀ ਸੀ।