ਪੱਤਰਕਾਰਾਂ ਅਤੇ ਸਰਕਾਰ ਵਿੱਚ ਪੈ ਰਹੇ ਪਾੜ ਨੂੰ ਵਿੱਚ ਪੈ ਕੇ ਲੋਕ ਸੰਪਰਕ ਮੰਤਰੀ ਕਰਣ ਖਤਮ : ਪਬਲੀਸ਼ਰ ਐਸੋਸੀਏਸ਼ਨ
ਪਤੱਰਕਾਰਾਂ ਵਿੱਚ ਦਿਨ ਪ੍ਰਤੀ ਦਿਨ ਸਰਕਾਰ ਪ੍ਰਤੀ ਵੱਧ ਰਿਹਾ ਰੋਹ ਆਉਣ ਵਾਲੀਆਂ ਚੋਣਾਂ ਵਿੱਚ ਹੋ ਸਕਦੈ ਹਾਨੀਕਾਰਕ : ਪਬਲੀਸ਼ਰ ਐਸੋਸੀਏਸ਼ਨ
ਪਟਿਆਲਾ, 16 ਨਵੰਬਰ (ਪ੍ਰੈਸ ਕੀ ਤਾਕਤ ਬਿਊਰੋ)
ਕੋਮੀ ਪੈ੍ਰਸ ਦਿਹਾੜੇ ਮੋਕੇ ਇੰਡੀਅਨ ਸਮਾਲ ਨਿਊਜਪੇਪਰ ਪਬਲੀਸ਼ਰ ਐਸੋਸੀਏਸ਼ਨ ਨੇ ਪੰਜਾਬ ਦੇ ਸੂਚਨਾ ਅਤੇ ਲੋਕ ਸੰਪਰਕ ਮੰਤਰੀ ਚੇਤਨ ਸਿੰਘ ਜੋੜੇਮਾਜਰਾ ਨੂੰ ਮੰਗ ਪੱਤਰ ਦਿੰਦਿਆਂ ਕਿਹਾ ਕਿ ਪੰਜਾਬ ਵਿਚੋਂ ਲਗਭਗ 1,000 ਤੋਂ ਵੱਧ ਅਖ਼ਬਾਰ ਛੱਪ ਰਹੇ ਹਨ। ਆਮ ਆਦਮੀ ਪਾਰਟੀ ਦੇ ਲੋਕਪੱਖੀ ਕੰਮਾਂ ਦੇ ਕਾਰਨ ਪੰਜਾਬ ਦੇ ਛੋਟੇ, ਮਝਲੇ ਅਤੇ ਵੱਡੇ ਅਖ਼ਬਾਰਾਂ ਦੇ ਪੱਤਰਕਾਰਾਂ ਨੇ ਆਮ ਆਦਮੀ ਪਾਰਟੀ ਦੇ ਲੋਕਪੱਖੀ ਰਵੱਈਏ ਦੇ ਕਾਰਨ ਉਹਨਾਂ ਦਾ ਸਾਥ ਦਿੰਦਿਆਂ ਹੋਇਆਂ ਪੰਜਾਬ ਵਿਚ 92 ਸੀਟਾਂ ਦਿਵਾ ਕੇ ਆਪ ਦਾ ਰਾਜ ਸਥਾਪਤ ਕੀਤਾ। ਪਰ ਇਸ ਸਾਲ ਇਹ ਕਹਿ ਕੇ ਪੀਲੇ ਕਾਰਡ ਬਣਾਉਣ ਤੋਂ ਨਾਂਹ ਕਰ ਦਿੱਤੀ ਗਈ ਕਿ ਉਨ੍ਹਾਂ ਦੇ ਅਖ਼ਬਾਰ ਡੀHਏHਵੀHਪੀH ਤੋਂ ਇਨਪੈਨਲ ਨਹੀਂ ਹਨ ਜਦੋਂ ਕਿ ਪੀਲੇ ਕਾਰਡਾਂ ਦਾ ਡੀHਏHਵੀHਪੀH ਨਾਲ ਕੋਈ ਸੰਬੰਧ ਹੀ ਨਹੀਂ, ਉਹ ਤਾਂ ਸਿਰਫ ਇਸ਼ਤਿਹਾਰਾਂ ਦਾ ਰੇਟ ਫਾਇਨਲ ਕਰਦੀ ਹੈ।
ਜਦੋਂਕਿ ਮੋਜੂਦਾ ਸਰਕਾਰ ਵਲੋਂ ਵੀ ਕੋਈ ਅਜਿਹਾ ਹੁਕਮ ਜਾਂ ਸਰਕੁਲਰ ਜਾਰੀ ਨਹੀਂ ਕੀਤਾ ਗਿਆ।ਇਥੇ ਇਹ ਵੀ ਦੱਸਣਾ ਉਚਿਤ ਹੈ ਕਿ ਜਿਹੜੇ ਅਖ਼ਬਾਰ ਪੰਜਾਬ ਸਰਕਾਰ ਤੋਂ ਇਨਪੈਨਲ ਹਨ ਉਨ੍ਹਾਂ ਦੇ ਵੀ ਪੀਲੇ ਕਾਰਡ ਅਤੇ ਐਕ੍ਰਾਡੈਸ਼ਨ ਰੋਕੇ ਗਏ। ਜਿਸ ਨਾਲ ਆਮ ਆਦਮੀ ਪਾਰਟੀ ਅਤੇ ਪੱਤਰਕਾਰਾਂ ਵਿਚਕਾਰ ਦਿਨ ਪ੍ਰਤੀ ਦਿਨ ਪਾੜ ਵੱਧ ਰਿਹਾ ਹੈ।
ਪੰਜਾਬ ਦੇ ਸੂਚਨਾ ਅਤੇ ਲੋਕ ਸੰਪਰਕ ਮੰਤਰੀ ਚੇਤਨ ਸਿੰਘ ਜੋੜੇਮਾਜਰਾ ਨੇ ਇੰਡੀਅਨ ਸਮਾਲ ਨਿਊਜਪੇਪਰ ਪਬਲੀਸ਼ਰ ਐਸੋਸੀਏਸ਼ਨ ਦੇ ਨੁਮਾਇੰਦਿਆਂ ਨੂੰ ਭਰੋਸਾ ਦੁਆਦਿੰਆਂ ਕਿਹਾ ਹੈ ਕਿ ਪੱਤਰਕਾਰਾਂ ਦੇ ਹੱਕਾਂ ਅਤੇ ਲੋਕਤੰਤਰ ਦੇ ਚੌਥੇ ਥੰਮ ਦੀ ਰਾਖੀ ਕਰਨ ਲਈ ਆਮ ਆਦਮੀ ਪਾਰਟੀ ਅਤੇ ਪੱਤਰਕਾਰਾਂ ਦੇ ਵਿਚ ਵੱਧ ਰਹੇ ਪਾੜ ਨੂੰ ਰੋਕਿਆ ਜਾਵੇਗਾ ਅਤੇ ਕਿਸੇ ਵੀ ਹਾਲਤ ਵਿੱਚ ਪੱਤਰਕਾਰਾਂ ਦੇ ਹੱਕਾ ਦੀ ਰਾਖੀ ਕੀਤੀ ਜਾਵੇਗੀ।
ਲੋਕ ਸੰਪਰਕ ਮੰਤਰੀ ਨੇ ਕਿਹਾ ਕਿ ਸ਼ੋਸ਼ਲ ਮੀਡੀਆ ਦੀ ਬਜਾਏ ਅੱਜ ਵੀ ਲੋਕ ਪ੍ਰਿੰਟ ਮੀਡੀਆ *ਤੇ ਭਰੋਸਾ ਕਰਦੇ ਹਨ ਕਿਉਂਕਿ ਸ਼ੋਸ਼ਲ ਮੀਡੀਆ ਦੀ ਖਬਰ ਝੂਠੀ ਹੋ ਸਕਦੀ ਹੈ ਪਰ ਪ੍ਰਿੰਟ ਮੀਡੀਆ (ਅਖਬਾਰਾਂ) ਦੀ ਨਹੀਂ।
ਇਸ ਮੋਕੇ ਇੰਡੀਅਨ ਸਮਾਲ ਨਿਊਜਪੇਪਰ ਪਬਲੀਸ਼ਰ ਐਸੋਸੀਏਸ਼ਨ ਦੇ ਪ੍ਰਧਾਨ ਸ਼ਿਵ ਨਰਾਇਣ ਜਾਂਗੜਾ, ਜਨਰਲ ਸਕੱਤਰ ਗੁਰਇਕਬਾਲ ਸਿੰਘ, ਵਾਈਸ ਪ੍ਰਧਾਨ ਜਗਦੀਸ਼ ਗੋਇਲ, ਸਕੱਤਰ ਗੁਰਦੀਪ ਸਿੰਘ, ਖਜ਼ਾਨਚੀਅਮਰਜੀਤ ਸਿੰਘ, ਮੈਂਬਰ ਗੁਲਾਬ ਸਿੰਘ, ਅਬਦੁਲ ਕਲਾਮ, ਹਰਪਾਲ ਸਿੰਘ ਆਦਿ ਨੂੰ ਲੋਕ ਸੰਪਰਕ ਮੰਤਰੀ ਚੇਤਨ ਸਿੰਘ ਜੋੜੇਮਾਜਰਾ ਨੇ ਕੋਮੀ ਪ੍ਰੈਸ ਦਿਹਾੜੇ ਦੀ ਵਧਾਈ ਦਿੱਤੀ।
