ਜਾਲਸਾਜਾਂ ਤੋਂ ਸਾਵਧਾਨ : ਪੁਲਿਸ ਨੇ ਫਾਸਟ ਟੈਗ ਵਾਲੇਟ ਨੂੰ ਰਜਿਸਟਰ ਜਾਂ ਐਕਟੀਵੇਟ ਕਰਦੇ ਸਮੇਂ ਸਾਵਧਾਨੀ ਵਰਤਨ ਦੀ ਸਲਾਹ ਜਾਰੀ

ਚੰਡੀਗੜ, 19 ਫਰਵਰੀ (ਪ੍ਰੈਸ ਕਿ ਤਾਕਤ ਬਿਊਰੋ) : – ਹਰਿਆਣਾ ਪੁਲਿਸ ਨੇ ਸਾਇਬਰ ਕਰਾਇਮ ਦੇ ਮੱਦੇਨਜ਼ਰ ਇਕ ਮਹੱਤਵਪੂਰਨ ਸਲਾਹ ਜਾਰੀ ਕਰਕੇ ਨਾਗਰਿਕਾਂ ਤੋਂ ਅਪੀਲ ਕੀਤੀ ਹੈ ਕਿ ਉਹ ਆਪਣੇ ਫਾਸਟ ਟੈਗ ਵਾਲੇਟ ਨੂੰ ਰਜਿਸਟਰ ਜਾਂ ਐਕਟੀਵੇਟ ਕਰਦੇ ਸਮੇਂ ਖਾਸ ਧਿਆਨ ਰੱਖਣ ਕਿਉਂਕਿ ਕੁਝ ਧੋਖੇਬਾਜ ਇਸ ਦਾ ਸਾਹਰਾ ਲੈ ਕੇ ਉਨਾਂ ਦੀ ਮਦਦ ਕਰਨ ਦੇ ਬਹਾਨੇ ਉਨਾਂ ਦੇ ਖਾਤੇ ਵਿਚੋਂ ਪੈਸੇ ਕੱਢਣ ਦਾ ਯਤਨ ਕਰ ਸਕਦੇ ਹਨ|
ਨਾਗਰਿਕਾਂ ਨੂੰ ਅਜਿਹੇ ਜਾਲ ਸਾਜਾਂ ਤੋਂ ਸਾਵਧਾਨ ਰਹਿਣ ਦੀ ਸਲਾਹ ਦਿੰਦੇ ਹੋਏ ਪੁਲਿਸ ਇੰਸਪੈਕਟਰ ਜਰਨਲ ਪੀ.ਕੇ.ਅਗਰਵਾਲ ਨੇ ਅੱਜ ਇੱਥੇ ਦਸਿਆ ਕਿ ਭਾਰਤ ਸਰਕਾਰ ਵੱਲੋਂ ਸਾਰੇ ਨਿੱਜੀ ਅਤੇ ਵਪਾਰਕ ਵਾਹਨਾਂ ਲਈ ਟੋਲ ਪਲਾਜਾ ‘ਤੇ ਫਾਸਟ ਟੈਗ ਲਾਜਿਮੀ ਕਰਨ ਤੋਂ ਬਾਅਦ ਅਜਿਹੇ ਜਾਲ ਸਾਜ ਹੁਣ ਨਾਗਰਿਕਾਂ ਨੂੰ ਠੱਗਣ ਲਈ ਇਕ ਨਵਾਂ ਢੰਗ ਲੈ ਕੇ ਆਏ ਹਨ| ਇਹ ਅਸਮਾਜਿਕ ਤੱਤ ਫਾਸਟ ਟੈਗ ਨੂੰ ਰਜਿਸਟਰ ਜਾਂ ਐਕਟਿਵੇਟ ਕਰਨ ਵਿਚ ਮਦਦ ਦਾ ਬਹਾਨਾ ਕਰਕੇ ਲੋਕਾਂ ਦੇ ਬੈਂਕ ਖਾਤਿਆਂ ਨਾਲ ਪੈਸੇ ਕੱਢ ਕੇ ਠਗੀ ਦਾ ਯਤਨ ਕਰ ਰਹੇ ਹਨ| ਫਾਸਟ ਟੈਗ ਸੇਵਾ ਨਵੀਂ ਹੋਣ ਕਾਰਣ ਅਜਿਹੇ ਘੋਟਾਲੇ ਬਾਜ ਨਾਗਰਿਕਾਂ ਨੂੰ ਧੋਖਾ ਦੇਣ ਲਈ ਹਰ ਤਰਾਂ ਦੇ ਯਤਨ ਕਰ ਰਹੇ ਹਨ|
ਧੋਖਾਧੜੀ ਦੇ ਢੰਗ ਬਾਰੇ ਜਾਣਕਾਰੀ ਦਿੰਦੇ ਹੋਏ ਉਨਾਂ ਕਿਹਾ ਕਿ ਸੱਭ ਤੋਂ ਪਹਿਲਾਂ, ਅਜਿਹੇ ਜਾਲਸਾਜ ਫਰਜੀ ਸੰਦੇਸ਼ਾਂ ਨੂੰ ਬੈਂਕਾਂ ਵਰਗੇ ਅਸਲ ਸਰਤੋਂ ਤੋਂ ਭੇਜ ਕੇ ਫਾਸਟ ਟੈਗ ਰਜਿਸਟਰੇਸ਼ਨ ਦੇ ਨਾਂਅ ‘ਤੇ ਨਿੱਜੀ ਜਾਂ ਮਾਲੀ ਵੰਡ ਅਤੇ ਇੱਥੇ ਤਕ ਕਿ ਓ.ਟੀ.ਪੀ. ਦੇਣ ਲਈ ਕਹਿੰਦੇ ਹਨ| ਬਾਅਦ ਵਿਚ ਨਾਗਰਿਕਾਂ ਨੂੰ ਛੋਟ ਜਾਂ ਕੈਸ਼ਬੈਕ ਯੋਜਨਾਵਾਂ ਦੀ ਪੇਸ਼ਕਸ਼ ਦਾ ਲਾਲਚ ਦੇ, ਉਨਾਂ ਨੇ ਪੈਸੇ ਟਰਾਂਸਫਰ ਕਰਨ ਜਾਂ ਆਪਣਾ ਵੇਰਵਾ ਸਾਂਝਾ ਕਰਨ ਲਈ ਕਹਿੰਦਾ ਹੈ| ਜਿਵੇਂ ਹੀ ਕੋਈ ਇਸ ਸਬੰਧ ਵਿਚ ਜਾਣਕਾਰੀ ਜਾਂ ਓ.ਟੀ.ਪੀ. ਕਾਲਰ ਨੂੰ ਦਿੰਦਾ ਹੈ, ਸਬੰਧਤ ਵਿਅਕਤੀ ਦੇ ਬੈਂਕ ਖਾਤੇ ਤੋਂ|ਰਕਮ ਦੀ ਠੱਗੀ ਹੋ ਜਾਂਦੀ ਹੈ|
ਅਜਿਹੇ ਜਾਲ ਸਾਜਾਂ ਤੋਂ ਬਚਣ ਲਈ ਇਤਿਆਤੀ ਉਪਾਇਆਂ ਨੂੰ ਸਾਂਝਾ ਕਰਦੇ ਹੋਏ ਸ੍ਰੀ ਅਗਰਵਾਲ ਨੇ ਨਾਗਰਿਕਾਂ ਨਾਲ ਇੰਨਾਂ ਘੋਟਾਲੇਬਾਜਾਂ ਦੇ ਬਹਿਕਾਵੇ ਵਿਚ ਨਹੀਂ ਆਉਣ ਦੀ ਅਪੀਲ ਕੀਤੀ ਅਤੇ ਕਿਹਾ ਕਿ ਜਦ ਵੀ ਉਨਾਂ ਨੇ ਫਾਸਟ ਟੈਗ ਰਜਿਸਟਰੇਸ਼ਨ ਨੂੰ ਲੈ ਕੇ ਕੋਈ ਅੰਜਾਨ ਕਾਲ ਆਉਂਦੀ ਹੈ, ਤਾਂ ਤੁਰੰਤ ਇਸ ਨੂੰ ਡਿਸਕੁਨੈਕਟ ਕਰ ਦੇਣਾ ਚਾਹੀਦਾ ਹੈ ਅਤੇ ਅਸਲਿਅਤ ਦੀ ਜਾਂਚ ਲਈ ਨੇੜਲੇ ਬੈਂਕ ਵਿਚ ਜਾ ਕੇ ਸੰਪਰਕ ਕਰਨਾ ਚਾਹੀਦਾ ਹੈ| ਉਨਾਂ ਨੇ ਸਪਸ਼ਟ ਕੀਤਾ ਕਿ ਫੋਨ ‘ਤੇ ਬੈਂਕ ਕਰਮਚਾਰੀ ਨਾਲ ਗਲ ਕਰਨ ਨਾਲ ਫਾਸਟ ਟੈਗ ਦਾ ਰਜਿਸਟਰੇਸ਼ਨ ਜਾਂ ਐਕਟਿਵੇਸ਼ਨ ਨਹੀਂ ਹੁੰਦਾ ਹੈ|
ਉਨਾਂ ਨੇ ਲੋਕਾਂ ਨੂੰ ਕਿਸੇ ਨੂੰ ਵੀ ਪਿਨ ਜਾਂ ਪਾਸਵਾਰਡ ਸਾਂਝਾ ਨਾ ਕਰਨ ਦੀ ਸਲਾਹ ਦਿੰਦੇ ਹੋਏ ਕਿਹਾ ਕਿ ਫਾਸਟ ਟੈਗ ਨੂੰ ਸਿਰਫ ਇਸ ਨੂੰ ਜਾਰੀ ਕਰਨ ਲਈ ਐਥੋਰਾਇਜਡ ਬੈਂਕ, ਟੋਲ ਪਲਾਜਾ, ਪੇਟੀਐ, ਅਮੇਜਨ ਵਰਗੀ ਮੰਜ਼ੂਰਸ਼ੁਦਾ ਏਜੰਸੀਆਂ ਤੋਂ ਹੀ ਖਰੀਦਣਾ ਚਾਹੀਦਾ ਹੈ| ਇਸ ਤੋਂ ਇਲਾਵਾ, ਨਾਗਰਿਕਾਂ ਨੂੰ ਐਨਐਚਆਈ ਵੱਲੋਂ ਮਹੁੱਇਆ ਕਰਵਾਏ ਗਏ ਸਿਰਫ ਅਸਲ ਐਪਲੀਕੇਸ਼ਨ ਹੀ ਇੰਸਟਾਲ ਕਰਨੇ ਚਾਹੀਦੇ ਹਨ|