ਆਸਟ੍ਰੇਲੀਆ ਦਾ ਤਿਕੋਣੀ ਟੀ-20 ਲੜੀ ‘ਤੇ ਕਬਜ਼ਾ

ਮੈਲਬੋਰਨ, 13 ਫਰਵਰੀ (ਪ੍ਰੈਸ ਕਿ ਤਾਕਤ ਇੰਟ ਬਿਊਰੋ)- ਆਸਟ੍ਰੇਲੀਆ ਦੇ ਿਖ਼ਲਾਫ਼ ਟੀ20 ਤਿਕੋਣੀ ਲੜੀ ਦਾ ਫਾਈਨਲ ਖੇਡਣ ਉਤਰੀ ਭਾਰਤੀ ਮਹਿਲਾ ਟੀਮ ਨੂੰ ਉਸ ਦੀ ਸਲਾਮੀ ਬੱਲੇਬਾਜ਼ ਸਮਿ੍ਤੀ ਮੰਧਾਨਾ ਦੀ 37 ਗੇਂਦਾਂ ਖੇਡੀ 66 ਦੌੜਾਂ ਦੀ ਸ਼ਾਨਦਾਰ ਪਾਰੀ ਜਿੱਤ ਨਹੀਂ ਦਿਵਾ ਸਕੀ | ਇਸ ਮੁਕਾਬਲੇ ‘ਚ ਮੇਜ਼ਬਾਨ ਆਸਟ੍ਰੇਲੀਆ ਨੇ ਉਸ ਨੂੰ 11 ਦੌੜਾਂ ਨਾਲ ਹਰਾ ਕੇ ਇਹ ਲੜੀ ਆਪਣੇ ਨਾਂਅ ਕਰ ਲਈ | ਕੰਗਾਰੂ ਟੀਮ ਨੇ ਭਾਰਤ ਨੂੰ ਜਿੱਤ ਲਈ 156 ਦੌੜਾਂ ਦਾ ਟੀਚਾ ਦਿੱਤਾ ਸੀ ਪਰ ਭਾਰਤੀ ਟੀਮ 144 ਦੌੜਾਂ ‘ਤੇ ਹੀ ਆਲ ਆਊਟ ਹੋ ਗਈ | ਇਕ ਸਮੇਂ ਭਾਰਤ ਦਾ ਸਕੋਰ 15ਵੇਂ ਓਵਰ ‘ਚ 3 ਵਿਕਟ ‘ਤੇ 115 ਦੌੜਾਂ ਸੀ | ਖੱਬੇ ਹੱਥ ਦੀ ਸਪਿਨਰ ਜੋਨਾਸਨ ਨੇ 4 ਓਵਰਾਂ ‘ਚ 12 ਦੌੜਾਂ ਦੇ ਕੇ 5 ਵਿਕਟ ਹਾਸਲ ਕੀਤੇ | ਇਸ ਦੇ ਨਾਲ ਹੀ ਉਹ ਮਹਿਲਾ ਟੀ20 ਕ੍ਰਿਕਟ ‘ਚ ਇਕ ਪਾਰੀ ‘ਚ 5 ਵਿਕਟ ਲੈਣ ਵਾਲੀ ਤੀਸਰੀ ਆਸਟ੍ਰੇਲੀਆਈ ਗੇਂਦਬਾਜ਼ ਬਣ ਗਈ ਹੈ | ਇਸ ਤੋਂ ਪਹਿਲਾਂ ਆਸਟ੍ਰੇਲੀਆ ਨੇ ਬੱਲੇਬਾਜ਼ੀ ਕਰਦਿਆਂ ਨਿਰਧਾਰਿਤ 20 ਓਵਰਾਂ ‘ਚ 6 ਵਿਕਟਾਂ ‘ਤੇ 155 ਦੌੜਾਂ ਬਣਾਈਆਂ | ਜਵਾਬ ‘ਚ ਭਾਰਤ ਲਈ ਮੰਧਾਨਾ ਨੇ ਹਮਲਾਵਰ ਬੱਲੇਬਾਜ਼ੀ ਕਰਦਿਆਂ ਆਪਣੀ ਪਾਰੀ ‘ਚ 12 ਚੌਕੇ ਜੜੇ | ਉਹ 15ਵੇਂ ਓਵਰ ‘ਚ ਆਪਣਾ ਵਿਕਟ ਗਵਾ ਬੈਠੀ | ਕਪਤਾਨ ਹਰਮਨਪ੍ਰੀਤ ਕੌਰ ਦੇ 16ਵੇਂ ਓਵਰ ‘ਚ ਆਊਟ ਹੋਣ ਤੋਂ ਬਾਅਦ ਭਾਰਤ ਦੀ ਰਹੀ ਸਹੀ ਉਮੀਦ ਵੀ ਚਲੀ ਗਈ | ਇਸ ਟੂਰਨਾਮੈਂਟ ‘ਚ ‘ਪਲੇਅਰ ਆਫ਼ ਦੀ ਸੀਰੀਜ਼’ ਰਹੀ ਸਲਾਮੀ ਬੱਲੇਬਾਜ਼ ਬੇਥ ਮੂਨੀ ਨੇ 54 ਗੇਂਦਾਂ ‘ਚ 9 ਚੌਕਿਆਂ ਦੀ ਮਦਦ ਨਾਲ ਅਜੇਤੂ 71 ਦੌੜਾਂ ਬਣਾਈਆਂ |