ਕੈਨੇਡਾ ਦੇ 2 ਪੰਜਾਬੀ ਿਖ਼ਡਾਰੀਆਂ ਦਾ ਸਨਮਾਨ

ਵੈਨਕੂਵਰ , 12 ਫਰਵਰੀ (ਅਮ੍ਰਿਤ ਪਾਲ ਸਿੰਘ ਸਾਹਨੀ) : – ਕੈਨੇਡਾ ਦੇ ਬਿ੍ਟਿਸ਼ ਕੋਲੰਬੀਆ ਸੂਬੇ ਦੇ ਸ਼ਹਿਰ ਐਬਟਸਫੋਰਡ ਦੀ ਯੂਨੀਵਰਸਿਟੀ ਆਫ਼ ਫਰੇਜ਼ਰ ਵੈਲੀ ਦੀ ਕੈਸ਼ਕੇਡ ਬਾਸਕਟਬਾਲ ਟੀਮ ਦੇ ਪੰਜਾਬੀ ਿਖ਼ਡਾਰੀਆਂ ਦਾ ਸਨਮਾਨ ਕੀਤਾ ਗਿਆ | ਸਰੀ ਨਿਵਾਸੀ ਸੁਖਜੋਤ ਸਿੰਘ ਬੈਂਸ ਤੇ ਪਰਮ ਬੈਂਸ ਨੂੰ ਇਹ ਸਨਮਾਨ ਬਾਸਕਟਬਾਲ ਦੇ ਕੌਮੀ ਮੁਕਾਬਲਿਆਂ ਵਿਚ ਵਧੀਆ ਪ੍ਰਦਰਸ਼ਨ ਕਰਨ ਕਰਕੇ ਦਿੱਤਾ ਗਿਆ ਹੈ | ਸੁਖਜੋਤ ਸਿੰਘ ਬੈਂਸ ਤੇ ਪਰਮ ਬੈਂਸ ਸਰੀ ਦੇ ਟਮੈਨਵਿਸ ਸੈਕੰਡਰੀ ਸਕੂਲ ਦੇ ਗ੍ਰੈਜੂਏਟ ਹਨ 6′-6” ਲੰਬਾ ਪੰਜਾਬ ‘ਚ ਜਨਮਿਆਂ ਸੁਖਜੋਤ ਸਿੰਘ ਬੈਂਸ ਨਿੱਕੀ ਉਮਰ ਵਿਚ ਆਪਣੇ ਮਾਤਾ-ਪਿਤਾ ਨਾਲ ਕੈਨੇਡਾ ਆ ਗਿਆ ਸੀ ਤੇ ਬਚਪਨ ਵਿਚ ਹੀ ਕੱਦ ਲੰਮਾ ਹੋਣ ਕਾਰਨ 5ਵੀਂ ਜਮਾਤ ਵਿਚ ਬਾਸਕਟਬਾਲ ਖੇਡਣੀ ਸ਼ੁਰੂ ਕਰ ਦਿੱਤੀ ਸੀ | ਸੁਖਜੋਤ ਦਾ ਵੱਡਾ ਭਰਾ ਸਵਾ 6 ਫੁੱਟ ਲੰਬਾ ਨਵਜੋਤ ਸਿੰਘ ਬੈਂਸ ਵੀ ਬਾਸਕਟਬਾਲ ਦਾ ਵਧੀਆ ਖਿਡਾਰੀ ਹੈ |
ਸੁਖਜੋਤ ਸਿੰਘ ਬੈਂਸ ਨੂੰ ਕੈਨੇਡੀਅਨ ਇਲੀਟ ਬਾਸਕਟਬਾਲ ਲੀਗ ਦਾ ਪਹਿਲਾ ਪੰਜਾਬੀ ਖਿਡਾਰੀ ਹੋਣ ਦਾ ਮਾਣ ਪ੍ਰਾਪਤ ਹੈ ਤੇ ਉਹ ਕੈਸ਼ਕੇਡਜ਼ ਟੀਮ ਦਾ ਸਟਾਰ ਿਖ਼ਡਾਰੀ ਰਿਹਾ ਹੈ | ਸੁਖਜੋਤ ਸਿੰਘ ਬੈਂਸ ਦਾ ਨਿਸ਼ਾਨਾ ਪ੍ਰੋਫੈਸ਼ਨਲ ਬਾਸਕਟਬਾਲ ਖਿਡਾਰੀ ਬਣਨ ਦਾ ਹੈ ਜਦ ਕਿ 5’-10” ਲੰਬਾ ਪਰਮ ਬੈਂਸ ਵੀ ਕੈਨੇਡਾ ਦੇ ਕਈ ਕੌਮੀ ਬਾਸਕਟਬਾਲ ਮੁਕਾਬਲਿਆਂ ਵਿਚ ਆਪਣੀ ਖੇਡ ਦਾ ਵਧੀਆ ਪ੍ਰਦਰਸ਼ਨ ਕਰ ਚੁੱਕਾ ਹੈ |