ਸੂਬੇ ਦੇ ਸਾਰੇ ਮੈਡੀਕਲ ਕਾਲਜਾਂ ਵਿਚ 1518 ਹੋਮਗਾਰਡ ਜਵਾਨਾਂ ਨੂੰ ਲਗਾਇਆ ਜਾਵੇਗਾ – ਅਨਿਲ ਵਿਜ

ਚੰਡੀਗੜ, 06 ਫਰਵਰੀ (ਪ੍ਰੈਸ ਕੀ ਤਾਕਤ ਬਿਊਰੋ): – ਹਰਿਆਣਾ ਦੇ ਸਿਹਤ ਅਤੇ ਗ੍ਰਹਿ ਮੰਤਰੀ ਅਨਿਲ ਵਿਜ ਨੇ ਕਿਹਾ ਕਿ ਰਾਜ ਦੇ ਸਾਰੇ ਸਰਕਾਰੀ ਮੈਡੀਕਲ ਕਾਲਜਾਂ ਵਿਚ ਸੁਰੱਖਿਆ ਸਬੰਧਿਤ ਸਾਰੇ ਪ੍ਰਬੰਧਾਂ ਦੇ ਲਈ ਆਊਟਸੋਰਸਿੰਗ ਆਧਾਰ ‘ਤੇ 1518 ਹੋਮਗਾਰਡ ਜਵਾਨਾਂ ਨੂੰ ਲਗਾਇਆ ਜਾਵੇਗਾ| ਇਸ ਤੋਂ ਪਹਿਲਾਂ ਸੂਬੇ ਦੇ ਸਾਰੇ ਸਰਕਾਰੀ ਮੁੱਢਲੇ ਸਿਹਤ ਕੇਂਦਰਾਂ, ਜਨਤਕ ਸਿਹਤ ਕੇਂਦਰਾਂ ਅਤੇ ਜਿਲਾ ਹਸਪਤਾਲਾਂ ਵਿਚ 1652 ਹੋਮਗਾਰਡ ਜਵਾਨਾਂ ਨੂੰ ਲਗਾਉਣ ਦੀ ਮੰਜੂਰੀ ਦਿੱਤੀ ਗਈ ਹੈ|
ਸ੍ਰੀ ਵਿਜ ਨੇ ਦਸਿਆ ਕਿ ਸਿਹਤ ਕੇਂਦਰਾਂ ਦੀ ਤਰਾਂ ਸਰਕਾਰੀ ਮੈਡੀਕਲ ਕਾਲਜਾਂ ਵਿਚ ਹੋਮਗਾਰਡ ਲਗਾਉਣ ਦੀ ਮੰਜੂਰੀ ਪ੍ਰਦਾਨ ਕਰ ਦਿੱਤੀ ਗਈ ਹੈ| ਜਿਸ ਦੇ ਲਈ ਅਗਲੀ ਕਾਰਵਾਈ ਜਲਦੀ ਸ਼ੁਰੂ ਕੀਤੀ ਜਾਵੇਗੀ| ਉਨਾਂ ਨੇ ਦਸਿਆ ਕਿ ਇਸ ਤੋਂ ਬਾਅਦ ਰਾਜ ਦੇ ਸਾਰੇ ਸਰਕਾਰੀ ਮੈਡੀਕਲ ਸਿਹਤ ਸੰਸਥਾਨਾਂ ਅਤੇ ਸਿਹਤ ਕੇਂਦਰਾਂ ਵਿਚ ਕੁੱਲ 3168 ਹੋਮਗਾਰਡ ਲਗਾਏ ਜਾਣਗੇ| ਇਸ ਦੇ ਤਹਿਤ ਪੀ.ਜੀ.ਆਈ.ਐਮ.ਐਸ. ਰੋਹਤਕ ਵਿਚ 828 ਹੋਮਗਾਰਡ ਤੈਨਾਤ ਕੀਤੇ ਜਾਣਗੇ ਅਤੇ ਭਗਤ ਫੂਲ ਸਿੰਘ ਸਰਕਾਰੀ ਮੈਡੀਕਲ ਕਾਲਜ, ਖਾਨਪੁਰਕਲਾਂ ਵਿਚ 190, ਕਲਪਨਾ ਚਾਵਲਾ ਸਰਕਾਰੀ ਮੈਡੀਕਲ ਕਾਲਜ, ਕਰਨਾਲ ਵਿਚ 200 ਅਤੇ ਸ਼ਹੀਦ ਹਸਨ ਖਾਂ ਮੇਵਾਤੀ ਸਰਕਾਰੀ ਮੈਡੀਕਲ ਕਾਲਜ, ਨਲਹਰ ਵਿਚ 300 ਹੋਮਗਾਰਡ ਦੀ ਸੇਵਾਵਾਂ ਲਈਆਂ ਜਾਣਗੀਆਂ|
ਸਿਹਤ ਮੰਤਰੀ ਨੇ ਦਸਿਆ ਕਿ ਸਾਰੇ ਜਿਲਿਆਂ ਦੇ ਸਿਹਤ ਕੇਂਦਰਾਂ ਵਿਚ ਹੋਮਗਾਰਡ ਨੂੰ ਲਗਾਏ ਜਾਣਗੇ| ਇਸ ਦੇ ਤਹਿਤ ਅੰਬਾਲਾ ਜਿਲੇ ਦੇ ਸਿਹਤ ਕੇਂਦਰਾਂ ਵਿਚ 92 ਹੋਮਗਾਰਡ ਅਤੇ ਭਿਵਾਨੀ ਵਿਚ 120 ਹੋਮਗਾਰਡ, ਚਰਖੀ ਦਾਦਰੀ ਵਿਚ 44 ਹੋਮਗਾਰਡ, ਫਰੀਦਾਬਾਦ ਵਿਚ 60, ਫਤਿਹਾਬਾਦ ਵਿਚ 66, ਗੁਰੂਗ੍ਰਾਮ ਵਿਚ 104 ਹੋਮਗਾਰਡ ਅਤੇ ਹਿਸਾਰ ਵਿਚ 137 ਹੋਮਗਾਰਡ ਲਗਾਏ ਜਾਣਗੇ| ਇਸ ਤਰਾ ਝੱਜਰ ਦੇ ਸਿਹਤ ਕੇਂਦਰਾਂ ਵਿਚ 100 ਹੋਮਗਾਰਡ, ਜੀਂਦ ਦੇ ਸਿਹਤ ਕੇਂਦਰਾਂ ਵਿਚ ਹੋਮਗਾਰਡ, ਕੈਥਲ ਦੇ ਸਿਹਤ ਕੇਂਦਰਾਂ ਵਿਚ 68, ਕਰਨਾਲ ਵਿਚ 87, ਕੁਰੂਕਸ਼ੇਤਰ ਵਿਚ 48, ਨੁੰਹ ਵਿਚ 43, ਨਾਰਨੌਂਦ ਵਿਚ 62, ਪਲਵਲ ਵਿਚ 52, ਪੰਚਕੂਲਾ ਵਿਚ 51, ਪਾਣੀਪਤ ਵਿਚ 56, ਰਿਵਾੜੀ ਵਿਚ 52, ਰੋਹਤਕ ਵਿਚ 65, ਸਿਰਸਾ ਵਿਚ 87, ਸੋਨੀਪਤ ਵਿਚ 94 ਅਤੇ ਯਮੁਨਾਨਗਰ ਵਿਚ 66 ਹੋਮਗਾਰਡ ਲਗਾਏ ਜਾਣਗੇ|