ਪੰਚਕੂਲਾ ‘ਚ ਹਰਿਆਣਾ ਰੋਡਵੇਜ਼ ਦੀ ਬੱਸ ਪਲਟਣ ਨਾਲ 40 ਸਕੂਲੀ ਬੱਚੇ ਜ਼ਖਮੀ

ਪੰਚਕੂਲਾ, 8 ਜੁਲਾਈ (ਓਜ਼ੀ ਨਿਊਜ਼ ਡੈਸਕ):  ਹਰਿਆਣਾ ਰੋਡਵੇਜ਼ ਦੀ ਇਕ ਬੱਸ ਪਿੰਡ ਨੌਲਤਾ ਨੇੜੇ ਪਲਟ ਗਈ, ਜਿਸ ਕਾਰਨ 40 ਦੇ ਕਰੀਬ ਸਕੂਲੀ ਬੱਚੇ ਜ਼ਖ਼ਮੀ ਹੋ ਗਏ | ਜ਼ਖਮੀ ਵਿਅਕਤੀਆਂ ਨੂੰ ਤੁਰੰਤ ਇਲਾਜ ਲਈ ਪੰਚਕੂਲਾ ਦੇ ਪਿੰਜੌਰ ਹਸਪਤਾਲ ਅਤੇ ਸੈਕਟਰ ੬ ਹਸਪਤਾਲ ਲਿਜਾਇਆ ਗਿਆ।

ਜ਼ਖਮੀਆਂ ਵਿਚੋਂ ਇਕ ਔਰਤ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਈ, ਜਿਸ ਨੂੰ ਅਗਲੇਰੀ ਡਾਕਟਰੀ ਸਹਾਇਤਾ ਲਈ ਪੀਜੀਆਈ ਚੰਡੀਗੜ੍ਹ ਰੈਫਰ ਕਰ ਦਿੱਤਾ ਗਿਆ। ਪੁਲਿਸ ਨੇ ਕਿਹਾ ਹੈ ਕਿ ਇਹ ਹਾਦਸਾ ਮੁੱਖ ਤੌਰ ‘ਤੇ ਡਰਾਈਵਰ ਦੀ ਤੇਜ਼ ਰਫਤਾਰ ਕਾਰਨ ਹੋਇਆ ਸੀ।