RelatedPosts
ਪਟਿਆਲਾ (ਪ੍ਰੈਸ ਕੀ ਤਾਕਤ ਬਿਊਰੋ)ਪਟਿਆਲਾ ਜਿਲੇ ਵਿੱਚ ਉੱਚ ਪ੍ਰਾਪਤੀਆਂ ਕਰਨ ਵਾਲੇ ਮਾਡਰਨ ਸੀਨੀਅਰ ਸੈਕੰਡਰੀ ਸਕੂਲ ਪਟਿਆਲਾ ਦੇ ਨਵ ਨਿਯੁਕਤ ਪ੍ਰਿੰਸੀਪਲ ਸ੍ਰੀਮਤੀ ਮਨਪ੍ਰੀਤ ਸ਼ਰਮਾ ਮੋਨਾ ਨੂੰ ਵਧਾਈਆਂ ਸੁੱਭ ਕਾਮਨਾਵਾਂ ਅਤੇ ਅਸ਼ੀਰਵਾਦ ਦੇਣ ਲਈ ਸ੍ਰੀ ਕਾਕਾ ਰਾਮ ਵਰਮਾ ਸਾਬਕਾ ਜਿਲ੍ਹਾ ਟਰੇਨਿੰਗ ਸੁਪਰਵਾਈਜ਼ਰ ਰੈਡ ਕਰਾਸ, ਡਾ ਨੀਰਜ ਭਾਰਦਵਾਜ ਪ੍ਰਿੰਸੀਪਲ ਭਾਈ ਘਨੱਈਆ ਮੈਡੀਕਲ ਇੰਸਟੀਚਿਊਟ, ਸ੍ਰੀਮਤੀ ਮਨਜੀਤ ਕੌਰ ਆਜਾਦ, ਸਾਬਕਾ ਪ੍ਰਿੰਸੀਪਲ, ਸ਼੍ਰ ਉਪਕਾਰ ਸਿੰਘ, ਪ੍ਰਧਾਨ ਗਿਆਨ ਜਯੋਤੀ ਅੈਜੂਕੇਸਨ ਸੁਸਾਇਟੀ ਅਤੇ ਸ੍ਰੀ ਸਿਆਮ ਲਾਲ ਵਰਮਾ ਸਾਬਕਾ ਏਅਰ ਫੋਰਸ ਅਫਸਰ ਅਤੇ ਥਾਪਰ ਯੂਨੀਵਰਸਿਟੀ ਦੇ ਸਹਾਇਕ ਪ੍ਰੋਫੈਸਰ ਨੇ ਸਕੂਲ ਪਹੁੰਚਕੇ ਫੁੱਲਾਂ ਦੇ ਬੂੱਕੇ ਅਤੇ ਹਾਰ ਪਾਕੇ ਸਨਮਾਨਿਤ ਕੀਤਾ। ਸ੍ਰੀ ਕਾਕਾ ਰਾਮ ਵਰਮਾ ਨੇ ਦੱਸਿਆ ਕਿ ਮਨਪ੍ਰੀਤ ਸ਼ਰਮਾ ਵਿਦਿਆਰਥੀ ਜੀਵਨ ਵਿੱਚ ਸਕੂਲ ਅਤੇ ਕਾਲਜ ਪੱਧਰ ਤੇ ਫਸਟ ਏਡ ਹੋਮ ਨਰਸਿੰਗ ਟਰੇਨਿੰਗ ਰੈਡ ਕਰਾਸ ਅਤੇ ਗਤੀਵਿਧੀਆਂ ਵਿੱਚ ਸਰਵੋਤਮ ਪ੍ਰਦਰਸ਼ਨ ਕਰਕੇ ਬਹੁਤ ਇਨਾਮ ਜਿੱਤੇ ਸਨ। ਪ੍ਰਿੰਸੀਪਲ ਮਨਪ੍ਰੀਤ ਸ਼ਰਮਾ ਨੇ ਖੁਸ਼ੀ ਪ੍ਰਗਟਾਉਂਦੇ ਹੋਏ ਆਏ ਪਤਵੰਤੇ ਸੱਜਣਾਂ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਫਸਟ ਏਡ ਸਿਹਤ ਸੇਫਟੀ ਫਾਇਰ ਸੇਫਟੀ ਰੋਡ ਸੇਫਟੀ ਪੀੜਤਾਂ ਦੀ ਸੇਵਾ ਸੰਭਾਲ ਅਤੇ ਮਾਨਵਤਾਵਾਦੀ ਕਾਰਜਾਂ ਦੀ ਅੱਜ ਦੇ ਸਮੇਂ ਵਿੱਚ ਬਹੁਤ ਜਰੂਰਤ ਹੈ ਅਤੇ ਉਹ ਕੋਸਿਸ ਕਰਨਗੇ ਕਿ ਉਨਾ ਦੇ ਸਕੂਲ ਦਾ ਹਰੇਕ ਵਿਦਿਆਰਥੀ ਅਤੇ ਅਧਿਆਪਕ ਇਨਾ ਮਾਨਵਤਾਵਾਦੀ ਗਤੀਵਿਧੀਆ ਅਤੇ ਆਫਤ ਪ੍ਰਬੰਧਨ ਸਿਵਲ ਡਿਫੈਂਸ ਵਿੱਚ ਪੂਰੀ ਤਰਾਂ ਸਿੱਖਿਅਕ ਹੋਣ ਕਿਉਂਕਿ ਅੱਜ ਨੌਕਰੀ ਤੱਰਕੀ ਅਤੇ ਸਨਮਾਨ ਹਿਤ ਡਿਗਰੀਆਂ ਦੇ ਨਾਲ ਨਾਲ ਅਜਿਹੀ ਗਤੀਵਿਧੀਆਂ ਦੀ ਵੱਧ ਮਹੱਤਤਾ ਹੈ। ਡਾ ਨੀਰਜ ਭਾਰਦਵਾਜ ਨੇ ਪ੍ਰਿੰਸੀਪਲ ਨੂੰ ਵਿਸ਼ਵਾਸ ਦਿਲਵਾਇਆ ਕਿ ਬੱਚਿਆ ਅਤੇ ਸਟਾਫ ਦੀ ਹਰ ਪ੍ਰਕਾਰ ਦੀ ਮੈਡੀਕਲ ਚੈਕਅੱਪ ਕੈਂਪ ਵਿੱਚ ਉਹ ਮਦਦ ਕਰਨਗੇ। ਆਏ ਮਹਿਮਾਨਾ ਨੇ ਸਕੂਲ ਮੈਨੇਜਮੈਂਟ ਦਾ ਵੀ ਧੰਨਵਾਦ ਕੀਤਾ। ਜਿਨਾਂ ਨੇ ਇੱਕ ਸੁਲਝੀ ਹੋਈ ਪੁਰਾਣੇ ਅਧਿਆਪਕ ਨੂੰ ਪ੍ਰਿੰਸੀਪਲ ਬਣਾ ਕੇ ਸਨਮਾਨ ਦਿੱਤਾ ਹੈ।
